اكبر قهر لاجيت 000 تعشقلك انسان

أكبر قهر لاجيـت تعشقلـك انسـان

واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان

ويطيح حلمـك ميـت ٍ عنـد بابـك

وأكبر قهر تبني من سنيـن بنيـان

وتشوف بنٌيـك مـا تعـدى ترابـك

وأكبر قهر تسقي من الورد بستـان

وتموت بين يديـك زهـرة شبابـك

وأكبر قهر تارد على البير ضميـان

وتشوف بعض الطين حايس شرابـك

وأكبر قهر لاحطـوا النـاس نيشـان

كل ٍ يزٌهـب وانـت ضايـع زهابـك

وأكبر قهر ترهي على حصان خسران

يوم السبق لا طحت كل ٍ حكـى بـك

وأكبر قهر لاصرت ضايع وعطشـان

ونفس الطريق اللي يوديـك جابـك

وأكبر قهر صاحبك لا جـاك خـوٌان

لابحت له بالسـر راح ووشـى بـك

وأكبر قهر تعطـي وتعطـي علشـان

تاخذ عقـب كـل العطايـا حسابـك

كل ما سبق ذكره على الشوف ما كان

حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان

ولاهوب عود ٍ يكسـره حـد نابـك

إن كنت فيما قلـت تحتـاج برهـان

ناظر وتلقى فـي قصيـدي جوابـك

وإن كنت فيما قلت مخطي وغلطـان

أترك خطانا وأنـت عطنـا صوابـك


الاسير

	هنا يسمو الابداع وتتالق الحروف مما لاشك فيه ان من وراء هذه الابداااع قلم فذ ويشرف قلمي ان يكون من بين الردود التي ابدت اعجابها بما سطرت فـ شكرا بحجم ابداعك.. ودي واحترااامي.. دمووع الوورد

وأكبر قهر لاصرت ضايع وعطشـان
ونفس الطريق اللي يوديـك جابـك



ابيات رائعه جداً ..اعجبتني

صح لسان شاعرها

وسلمت يمنآك على النقل الراقي

دمت بود

وأكبر قهر تبني من سنيـن بنيـان


وتشوف بنٌيـك مـا تعـدى ترابـك


وأكبر قهر تسقي من الورد بستـان


وتموت بين يديـك زهـرة شبابـك

روووعه يعطيك العافيه
شـكــ وبارك الله فيك ـــرا لك ... لك مني أجمل تحية .

تاخذ عقـب كـل العطايـا حسابـك


كل ما سبق ذكره على الشوف ما كان


حفنة حروف ٍ مـع بعضهـا تشابـك

روعه الاسير يعطيك العافيه
شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .