تدري إذا البنت عشقت وش ممكن يصير؟

السلام عليكم ورحمة الله وبركاته

اولا انا اعجبتني هالخاطره وكتبت عليها قصيده ..واتمنى ان تنال اعجابكم

اخليكم مع الخاطره اول ...!!

تدري إذا البنت عشقت وش ممكن يصير؟!

يوووه...
لوتدري وش عشق البنات؟!

موت وحياة..
وأشياء أبد ماتنوصف..

تبي تعرف البنت إذا دشت هوى؟!

تنثر لها دمعة حلوه..

تشبه لحبات المطر..
بس دافية حييييل..
وتشتري لها شمعة لونها وردي..
وتفرح إذا هي تحترق..
وتجلس بغرفتها كثيير ..
تصحى
وتنام
ودايم كسل..

تضحك شوي..

وتبكي شوي..
وتقول أحيانا كلام..
هي نفسها ماتفهمة..

وتشتري لها دفتر جديد..

وتكتب عليه بعض الطلاسم والحروف .. والباقي كلة شخمطة

وتغير العطر القديم...

...وتكرة ملابسها القديمة

وتموت بالليمون..والشاهي الخفيف
وتقرى شعر كلة غزل وتقول:

يوووه.. الله على عشق البنات ياحليلهم
مرة يحبون الهوى وإذا دخلوة ضاعوا ومادلوا الطريق
أمشي على شط الهوى وشوف البنات

هذي غرقانة..
وهذي تصيح..
والثالثة تمشي وتطيح..
وبحر الهوى مايرحم أحد..
يموت في قتل البنات

تقوووول
حبيبي!!!..
تدري بشي..
أنا بصراحة خايفة..
أخاف يوم تتركني على حال الطريق
وترحل بعيييد ... ... ...

وتصبح مثل باقي الرجال ماتفهم قلوب البنات.
وتقوووول
تدري وش يصير..!؟!

والله لأموت من القهر,, وآخذ عزا كل البنات!
وأكتب رسالة للقمر,,

وأقوله: ...
لاتنخدع من الرجال...
مهماوصفوك ومهماتغنوا في بهاك..!
¤باكر يخلونك تموووت من القهر¤
.....""¤ مثل البنات ¤"".....

وهاذي هديه الى كل شاب متلاعب بمشاعر البنات ......؟

يالــــي خذيــت الهـوى وناســه وفلـــه

تضحك على ساره وتلعب على منيفـــه

خــــل التلاعـــب ياميــت القلــب خلــــه

لا وفّــــق الله من هــذي ســـواليــفـــه

حب الرهيـــفه قبـــل ماتحب خــاف الله

خـــل النـــوايا بضميــــرك دايم نظيـفــه

وش ذنـــبهـــا حـــبتــك من قلـــبها كلـــه

مــاتدري انــك عــديم احســاس ياجيفـه

البـــنت دمــع الهــوى من نسمه تـهلـــه

كما الفـــراشه رقيـــقه حيــل ورهيــفــه

احساسها احساس شاعر حاضنن خله

واشواقها اشـــواق من ودّع مــواليفــه

جـــرّب اذا فيـــه يومـــن صابتـــك عــله

شوف الوفــا كيف عمــره لجلك تعـــيفـه

تمــلك مشـــاعر تــنش القلــب وتبــلـــه

الله علــى حــــبها لا صـــار مــن كيــفـــه

حـــرام فـــي هالبـــراءه سيفك تســلــه

ارحــم قبـل لا يجـي من يعدمك سيــفــه

وخـــــل التــلاعــب ياميــت القلــب خــلـه

لا وفّــــق الله مــن هــذي ســوالــيـفــــه

وسلامتكم

منقول

.
الله يعطيك ألف عافيه
كلمات قويه وياريت كل شاب يقرأ ويخاف ربه موفق فارس هجر..
دمت بخوف من الباري دوما
.

البـــنت دمــع الهــوى من نسمه تـهلـــه


كما الفـــراشه رقيـــقه حيــل ورهيــفــه

ياليت كل شاب يدخل ويقرا الشطرين ويعرف بنات خلق مو لعبه

يعطيك العافيه فارس هجر كلمات نعبره وجامده في الصميم

بسم الله الرحمن الرحيم
اللهم صل على محمد وآل محمد
{يعطيك ربي الف عافيه
نقل موفق وجميل
كلمات في الصميم بس هل من معتبر
كلنا يسري على هواءويلعب على كيفه
مايدري انه محاسب والقلوب في هالزمن مره رهيفه
لاعدمنا قادمك ..}

مشكوووووووووووووور
خيوووو
جد كلماات قويه


تحياتي
صمتك ذبحني

فارس هجر يعطيك ربي العافيه
على الكلمات المعبره القويه

كلمااااات قوويه في طرحه
مشكور خيوووو ابدعت