~..يا زماني وقف اصبر ..~

يا زماني وقـّـف اصبر لي معك وقفه طويله
,,, و لو تكرّم يا زماني عطني من وقتك ثواني


يعني يوم اني قنوع ٍ غايتي حاجه قليله
,,, تذبح الحلم فبرود و تقبره وسط المحاني ؟


اطرد الياس و تجيبه ..؟ و ارسم الحلم و تزيله .؟
,,, و الامل ويـّـا السعاده .؟ و الهنا ويـّـا الاماني


و الفرح و الذكريات .. اللي على خبري جميله
,,, ياخي خذهم كل ابوهم . و اترك الباقي عشاني


لا سرقت احلام غيري و لا خذيت الحب حيله
,,, ولو تدقق " فالمَعاني " ترحم بحال " المُعاني "


الامل جاب الالم و الحلم حمل ٍ ما نشيله
,,, و الهنا اصبح عنا وش باقي اخسر يا زماني ؟


يا زمن و انت الذي شتمك .. حرام و ما ابي له
,,, و الا لنـّـي ماقدر اشتم صرت متغطرس و اناني


عشت عمري في عفاف و غيري يلعب بالرذيله
,,, تترك الجاني طليق .. و تقلب المظلوم .. جاني


ما نهيت النفس خوف و لا تردّد او فشيله
,,, بس عندي قلب ْ ... ياخي مستعيف و ما يداني ..


آآه وينك يالمواني .. تااه بحرك مع دليله
,,, ضعت يالقلب المسالم .. آآه وينك يالمواني


لا متى و الهم غيم ٍ ماطر ٍ .. لو ما استخيله
,,, لا متى و الجرح بير ٍ يجذب احبال السواني


قمت لحظه عن مكاني .. بشتري صبر ْ و اجي له
,,, جيت راجع ما لقيت الا .. العنا جالس مكاني


لا الصبر ينفع معااك و لا الرجاوي فيك حيله
,,, و ان بغيت ابيع همـّـي . حن ّ .. همي و اشتراني


ليت هم القلب يجلي لو تعزويت بقبيله
,,, كم شخصٍ لو نخيته جاك متفرعن و " طاني ْ "


ياااه يا سرع الضياع .. و ياااه يا نفس ٍ ثقيله
,,, و ياااه يا كبر البلا لو صد ّ مجدول العناني


رُبّما الأيام ُ مَمّا حل ّ يا قلبي ْ كفيله ْ ..
,,, .. انـّـها تُعطي ْ .. لسوء ِ الحظ ْ من حُسن ِ البياني ْ


مدري ايامي بخيله و الا اقداري بخيله
,,, لا دعيت الزين راح و لا طلبت الشين جاني


اففف يا ليل العنا . يا ليل قلّي من انت ليله
,,, اسود ٍ وجهك عليـّـه ليتك ابيض ياسمراني


علمتني دنيتي ان الشعر اصدق وسيله
,,, مثل ما للدمع بعيوني تعابير و معاني


و الخيال ان طش ّ و اعلن للصحاري عن هميله
,,, تنبت افكار القصايد .. سدر ٍ اخضر و احمراني


يا غصون السدر طلـّـي و ارحمي ذيك الفسيله
,,, اللي نبـّـشها الحمام و كاهل البرد ْ اعتراني


سج ّ بالي بهالحمام و قمت اهوجس مع هديله
,,, قلت لو عندي جناحه كيف ابرضا بالطماني


رفـّـي فرعك للحمامه .. علـّـها ترحل ذليله
,,, و ادن ْ بظلالك عليـّـه يا غصن .. عل ّ و عساني


انثر اجروحي على كف التراب و اشتكي له
,,, و اسأله عن هالجفاف اللي غمرني و ما سقاني


و اسأله عني و عن طفل ٍ تلاقى مع رحيله
,,, الا قبل انسى على طاري الجفاف و ما عطاني


شوف ذااك الطفل يضحك في برااءه .. ياا حليييله
,,, وش جرا به يا زماني ووش بلاه ووش بلاني


وش بقا له بالحياه .. الا كفاحه مع عويله
,,, و انتظاره للجفاف اللي احتواه و احتواني


وشوف ذاك الطفل يدمع .. و ان بكا ..؟ يا ويل وييله
,,, تـمـتـم بشهقات ..ما .. ما .. وانفجر دمع و بكاني


مدري يبغى .. ماء .. و الا .. أم .. تحضنه و تشيله
,,, قلت انا مثلك بعد و اللي خذا فرحك خذاني


مع كل " سنتيمتر" يطول بجسم ٍ اضلاعه هزيله
,,, مات مع " هالصانتي " حلم و امل عمر و اماني


حتى ذييييك الذكريات اللي على خبرك قتيله
,,, رااح باحلا الذكريات و تارك اشينها عشاني


يا زماني رح .. توكّل .. و ادري الرحله طويله
,,,, و ادري ان الوقت يمشي .. و ادري انه ماحتراني


و البَخت لو شح ّ و قرّر يرتكي لي .. برتكي له
,,,, و ان حصل لي ألتقي به .. جيت له و العلم ثاني


خلني اشفي غليلي ... و اتركه يشفي غليله ..
,,, .. يا يزين الحال ..؟ و الا العمر لو هو طال فاني



وسلاآآآمتكمـ جميع ,,

آآه وينك يالمواني .. تااه بحرك مع دليله
,,, ضعت يالقلب المسالم .. آآه وينك يالمواني
ااااه وينك يالموواني
ابداااااااااع يعطيك العاااافية
ننتظر جديدك

	علمتني دنيتي ان الشعر اصدق وسيله ,,, مثل ما للدمع بعيوني تعابير و معاني

مهما يكون فالكتابه عندي هي اهم وسيله للتعبير عما في داخلي

فما أعذب بوحك الرفيع

دمت ودام نبض القلب والقلم

ننتظر جديدك بكل شوق

تحيتي لك

	المشاركة الأصلية كتبت بواسطة جنة آلبقيع علمتني دنيتي ان الشعر اصدق وسيله ,,, مثل ما للدمع بعيوني تعابير و معاني انثر اجروحي على كف التراب و اشتكي له ,,, و اسأله عن هالجفاف اللي غمرني و ما سقاني ابداع ولا اروع صح السانتس وصح السان كاتبهاا دمتِ بهذا العطاء صےـر خےـة نےدمے

يسلمو ع الطرح
لاعدمنا جديدك


تحياتي