فارقتنـي وضحكتـك عيـت تفارقـنـي ....؟؟

فارقتنـي وضحكتـك عيـت تفارقـنـي ....؟؟

الصـوره اللـي ( بجوالـي ) تعذبـنـي ...
ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي ...
عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي .....
قطعـت كـل العـلاقـات وطواريـهـا

اقـرى رسايلـك ودمـوعـي تسابقـنـي ..
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي ....
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي ....
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي ..
واقاصـده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي .
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي ...
انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي ..
لارخصت نفسك ,, لشخـص ٍ مايراعيهـا

بكـره الا هملـوك الـنـاس تذكـرنـي ....
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي ..
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي ...
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي ...
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟ ....
لــن الهـدايـا عـلـى مقدارمهديـهـا

صحيح ! ( حنا انتهينا ) .. بس صدقني !! ...
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني ...
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي .....
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي ....
دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي ....
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي ..
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي ...
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي ....
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرنـي ....
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي ..
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي ....
وياكثـر ماجيـت أبمسحهـا ؟ وأخليهـا


تقبلوتحياتي
و
دمتم بود

كلمات في قمة الروعه
تسلم اناملك الذهبيه

آآآه بس آآه على الكلمات العذبه..
لو اقلك حلو..قليل..لو اقلك روعه..قليل
لو اقلك جنان ..هم قليل..لكن الحقيقه قمة الروووعه..
يسلمووووو وااايد درزنات على المقطوعات الي تضرب الوتر الحساس..
لاعدمناك..جزيت خير الجزاء..
دمت بكل احترام وتقدير وتميز..
تحياتي..

فارس هجر


دائما مبدع


بهذه الكليمات الرائعه



تحياتي لك