يقص راس الملو ك ويقول صب اقهوه

ياالله يـاربـنــا الاعــلــى مـلـيــك الـمـلــوك

عسـى لنـا فـي البخـوت الساميـات سـمـوه

ياسيـدي يـا خـادم البيتـيـن لا فــض فــوك

فـي كلمـة عانقـت حضـر الـوطـن وبــدوه

ولّفـت شعبـك عـلـى حـبـك وهــم والـفـوك

كـلـمـتـك بقـلـوبـهـم مـسـمـوعـةٍ مــقـــروه

يقبّـلـونـك عــلــى الـتـلـفـاز لا شــاهــدوك

في حـب شخصـك تهيـم وتشتهيـك شهـوه

شوفت حنـان الابـوة والحجـاج الضحـوك

تسـوى كنـوز الـذهـب والـمـاس واللـؤلـؤه

يــا مـجـوّر المستجـيـر و يانـقـاذ الـهـلـوك

أنـا أشهـد إن فيـك طيـب ومرجلـة ونخـوه

يـا ثامـن المعجـزات ويـا حصـان رمــوك

صابت ملوك العرب من فعل يمناك افهوه

الـقـادة الـلـي يـراودهـا الـريــا والـشـكـوك

راحت على غرّب خطـوب الزمـان اثعـوه

صارت عليهـم تخـام الارض دكـا دكـوك

بـلا شماتـة لـمـن صـابـة مــن الله ادعــوه

وانت طلعت ابياض الوجـه مطلـع مكـوك

وخليتـنـا بـيـن الاجــوا الغايـمـة بـصـحـوه

الله يـطـول بـقـاك ويـرحـم أمــك وأبـــوك

حـبــل الـنـقـا كـــل عـــدٍ يـــارده بــرهــوه

وانته توليت عرش الملك من ورث أبـوك

وابــوك بيـنـه ومــن بـيـن المـلـوك انـهـوه

أسـس قبـل لاتـطـول الأرصــدة بالبـنـوك

ام القـرى نـصـب عيـنـه والـسـلام انـحـوه

فـوق الحرايـر وفــوق ملجـمـات الحـنـوك

مسـعـى مـيـات السنـيـن يحقـقـه بـضـحـوه

روس السلاطين تحت ذباب سيفـه بـروك

عنـد الجمـال رغـوة والمحصـنـات انـعـوه

لا يلـتـفـت للـمـلـوك ولا عـيــال الـمـلــوك

يقـص راس الملـوك ويقـول صـب قـهـوه

يـا سيـدي يـا خـادم البيتيـن لا فـض فـوك

واثني التحيـة علـى حضـر الوطـن وبـدوه

الشاعر سعد بن جدلان