الشاعر عبدالمجيد الزهراني

.. وبسم الله .. نبدأ
( .. بعض قصائده .. )
.


# اكل عيش


لو يقولوا الأبيض اسود
قلت : صح
لو يقولو الأعمى مبصر
قلت : صحّ
صح ح ح ح
لين ماهالصوت :
بحّ
ماقدر اسأل :
هذا ليش وهذا ليش
أصل هالدنيا اكل عيش
لو سمعت بأذني كذبه
لو لمحت بعيني غش
ما اقدر اصرخ
أو أقاوم
أو اشتّم
أو احشّ
آنا في الأخر ( مواطن )
لاأهش ّ
ولاأنش ّ



# وصفه طبـيّـه


حبّه حزن
وحبّه وحدة
يعني حبّه قبل الأكل
وحبّه بعده
حبّه همّ
وحبهّ ضيق
يعني حبّه قبل انام
وحبّه :
لمّا اصحى وافيق
يعني بالبنط العريض
آنا من هالناس
والدنيا
ومن نفسي:
مريض!



# ياسكان الدور العاشر


احنا ناس الدور الأرضي :
فينا الطيب
فينا الحافي
فينا الداشر
ياسكان الدور العاشر
لكن والله نحسّ ونفهم
نأكل
ونجوع , ونتكلم
يعني بالضبط احنا ناس
فينا همّ
وفينا احساس
صدق احنا مانسوا شيّ
ونلخبط ترتيب الشارع
ونشوّه ترتيب الحيّ
لكن :
لكن احنا الأقرب
للأكثر حزن
وللأغرب
للأقرب حزن , وللأبعد
نحيا من غير التكييف
ومانعرف للأزرار المصعد
مانعرف وشهو الدولار
ماندري وش معنى :
فرنّك
احنا نعرف باب الله
لكن نجهل باب البنك !.


تهنئة
_______


أصدق عبارة للفقير بهالبلد:
مبروك (ما) جالك ولد!




مقطع (صوتي )
____________


سأل الشاعر :
هذا صوت الشعب " يثور "؟
ردّالشعب :
هذا صوتك بس " ي....ثور" !!.




باللهجة
________


قالت باللهجة المصرية:
"...انتا مزعّل روحك ليه
دا العالم كلو رضيان"؟
رديت بماباقي فيّه :
انا مو زعلان
انا زعلان!!.



المثل قال
_________


الضرب في الميّت ( حلال )!!.




نظرية
ـــــ


(الجبن) :
فطور مواطن !.





كفاءة
ـــــ


قرار نظامي :


ترقية مسؤول
إلى رتبة حرامي !.




وقت
ــــ


الساعه مو ( صنقل )
أو عقربين تفرّ
الساعه :
عمر يمرّ .





مفارقة
ــــــ


والله شي تافه وناقص
ناس تهتزّ افـ....زلازل
وناس تهتزّ افـــ....مراقص ! .


بيان
ــــ


التاريخ :
_ أرقام
_ أسماء
_ بطيخ




فلسفة
ـــــ


وحدي ولا عندي جديد
أنا دخيلك : أصّ


ياصاحبي ماني وحيد
أنا وحيد ونُص ! .






معلّقة
ـــــ


العرق :
سالفة جبين ! .
يقظة
ــــ


اصح من نومك
وعش يومك
وجفنك فيّقه


وشهو الحلم الوسيع
وسط غرفة ضيّقه ؟!!





مؤتمر
ــــــ


قبل تبدا مؤتمر قمّة سلام.
حُط كم قاروره مويه
حُط كم منديل فاين
وايّ مشروع او كلام.
جهّز الصالة
وكم كرسي
وكم واحد ينام ! .




دولة
ــــ


حُط فقر.
حُط جوع.
حُط كم شاشة غبيّة.
حُط اغاني تافهه
لأحلى صبيّة.
حُط : ترشيح اغلبيّة.
.......
تلقى دولة عربيّة ! .





نادي
ـــــ


حُط مجموعة كتب .
حُط قاعة .
حُط كلمة( ربما )
أو
( حيثما )
أو
( ريثما )


حُط نظّارة لكم واحد غبي ..!


تلقى: نادي ادبي ..!!



زبون
ــــ


نعم ياقهوجي عجّل
ترى مافي جيوبي قرش
هات اللّي ابي وسجّل
أبي شاهي مهو فـ ... برّاد
أبي في كاس
وابي واحد حجر ( مخلوط ) مثل الناس ! .
اصدار
ـــــ


ـ مقاله سخيفة
ـ خبر كاذب
ـ حوار غبي
ــاعلان عن أحذية جديدة


يالله نصدر جريدة ..!.
مفقودات
ـــــــ


ــ يعلن احمد عن ضياع ابنه رقم( 7 ) بتاريخ 12 / 5 ..!
ايديلوجيا
ــــــــــ


لازم تصدّق كلّ الجرايد.
كلّ الأخبار.
من غير ماتسأل :
كيف ؟
ليه ؟
وش صار ؟
بالعربي :
كن حمااار!


# ( مقلط ) شورى !


عيني تشوف
وعيني عورا
( مجلس شورى ) مكتوبة في وسط اللوحة
ليه اقراها ( مقلّط شورى )؟
يا مجلس شورانا يا
اموات انتم والّا احيا
هات الكرسي
جنب الكرسي
جنب الكرسي
جنب الكرسي
احم الشعب من الغازات وسوء الهضم
وزّع بيبسي
هات البشت الأسود , هات
غترة بيضا
بيضا بيضا
زيّ القشطة
..
...و
..
..
الشعب في خدمة الشرطة !




# شاعر المليون !


ينتمـي لــي مــن وطـنـه الزمهـريـر
ومن سأل نفسه : ( إلى مين انتمي )
آنـــا شـاعــر , للـغـلابـا والـدشـيـر
هــم شهـاداتـي , ومـنـهـم أوسـمــي
مارميت الشعـر ( عبـدٍ ) عنـد أميـر
لـو رمـى نفسـه علـى رجلـي رمـي
شاعر ل..( مليـون ) محتـاج وفقيـر
فـي دمـي مليـون كـادح , فـي دمـي
مارضيـت انــي اعـيـش بلاضمـيـر
ولارضيـت انـي أمــوت الاّ آدمــي


# دوره شهريه !


شيك
شيك
شيك
يعني هم الدنيا
والبنزين
والموية
عليك!
يعني:
مافي شيْ بلاش
ياتقسّط, يامّا,كاش
يعني:
تنزل
يعني:
تنزل
يعني:
تنزل
لما تطلع على المعاش!
500 كهربا
500 للايجار
500 للمقاضي
500للّي سلفك ومعاتب
...
....
خلّص الراتب!!



منقول

رائع

يعطيك العافيه