تضيق الايام

تضيــق الايـــام والكون الوسيع الرحيــب ..... على ملاذ العيون وعبر مدخالهـــا

تشيب الافكار ورمـوش الآمل ما تشيـب ..... تمـر غفله ولا تبقى علـى حالهــا

والهاجـس اللي يحركهـا يصيب ويخيــــب ..... يقرى تفاصيل نظرتها من خلالهــا

تثقل حمول التمنـي بين شــك ٍ وريـــــب ..... ويحلها ساعـة الضيقـات حلالـهــا

حدب الضلوع الشديده وايقــت للمغيــــب .... تحطم الصبـر باقفـاهــا وباقبالهـــا

نصف الشجر صار ذابل من جفاف القليــب .... اركى عليها هبوب القيـض واومالهـا

ولو اجدب الوقت باركان الهـــلال الخصيـب ..... ترجع مزون الحيـا ويهــل همـالهـــا

ياكبر شرهـة طموحك يالغيـــاب المــريــب ..... على بياض الموده واكبر عيالهـــا

في مذهب الشافعي تبقى البعيد القريب .... والمذهب الحنبلي سيره ويبقالها

مساحة الصدر في ظل الغمـوض الرهيــب .... والليله اللي تعدت مالي ومالهــا

تطيب بعــض الجــروح وبعضهــا ما يطيــــب .... يسهل علاج القديـم ويصعب اهمالهـا

وغربتك في موطنك وتعد مثل الغريــــــــب ..... اكبر مكن الغربـه اللي طال ترحالهـا

	تطيب بعــض الجــروح وبعضهــا ما يطيــــب .... يسهل علاج القديـم ويصعب اهمالهـا وغربتك في موطنك وتعد مثل الغريــــــــب ..... اكبر مكن الغربـه اللي طال ترحالهـا </b></i>

جميلة جداً هذه الأبيات

ألف شكر لك عزيزي

واصل طرحك