استاذنك 00 بسافر ايام 00 واجيك

استأذنك .. بسافـر ايـام .. وآجيـك

استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟

تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي

حتى يدي .. ماودّهـا تفـارق يديـك
ساكت .. وانا اشوف البلا في سكاتـي

ماشفتني لارحت منك .. التفـت فيـك
بـلاي والله (( روحتـي والتفـاتـي))

لكن قبـل مـاروح .. ودي اوصيـك
وانت الوحيـد اللـي يقـدّر وصاتـي

لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"

وان طروا النسيـان .. مانـي بناسيـك
يـاراس مالـي فـي الحيـاه .. وغناتـي

وان طروا السلـوان .. مانـي بساليـك
طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي

لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي

غلاك .. مثل الحكـم عنـد المماليـك
اكبر طموحـي .. لا .. كـل امنياتـي

شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))

احـاول اذكـر .. اي شـيٍ يطريـك
"واقول هو سوا .. وانـا ذي سواتـي "

كني مـوادع .. كـل شـيٍ حواليـك
وكني حسبت حساب ((حزة وفاتـي))

احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي

معنى احب .. وماقدر انسـى واخليـك
((يعني بدونك ويش تسـوا حياتـي؟))

الاسير

	كلمآت يعجز لسآني عن المديح فيهآ .~ انتظر جديدك الرائــــــــع ...~| صرخة ندم

قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
تسلم عالكلمات الراائعه

صرخه ندم


همس الخيال

سطرت لنا أجمل معانى الحب
بتلك الردود الشيقة التي تأخذنا
إلى أعماق البحار دون خوف
بل بلذة غريبة ورائعة
دمت لنا ودام قلمك

الاسير

انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي

للجمال ذائقة ترتسم بحروفك
كلمات رائعة واحساس راقي
اشكر لك هذه الابيات المميزة
اتمنى لك دوام السمو
لك ودي

لحوووووونه



كم كانت كلماتكِ رائعه في معانيها

فكم استمتعت بردكِ الجميل

بين سحر حروفكِ التي
ليس لها مثيل

الاسير

شـكــ وبارك الله فيك ـــرا لك ... لك مني أجمل تحية .