جرح الخيانه

جـرحـ الخـيـانــة

أبفتح كل صفحاتـي وأبحـكي لك مـن الوجـدان
.وأنا أترجـاك تسمعـنـي وتعـرف كـل مافينـي

أنا ليـلٍ طـواه الهـمّ وفجـره للأسـف مابـان
ظلامه زايدٍ عتـمـه .. ولابـه نـور يضوينـي

أنا بحـرٍ عميق القـاع وموجـه يشبـه الطوفـان
..ولابه زورق يرسـي علـى سطـحـه يسلينـي

أنا عمري ولحـظـاته .. ألـم مع هـمّ مع أحـزان...
كتمت الجـرح في صدري وناره حـيـل تكوينـي

عطيتك كـل ما أملـك ومايغـلـى لعـينـك هـان...
أبيك تكون .. لي وحـدي .. حـبيب وماتخـلينـي

بنيت بداخلي قـصـرٍ أبيـك تكمـل البنيـان
..لقـيتك هادم قـصريوساسـه بـدّل بطـينـي



يهـلّ الدمع من عيني إذا شفـتـك علـي زعـلان
..أدوّر كل مايرضـي ... ضميـرك يامعـنينـي

تحـمّلت الطعـون وقـلت لك باكـر تصيـر إنسـان
.وبدل ماتشفـي طعـونـي .. بسكينـك تعـادينـي

نهاية حـبنـا بانـت . . بـروح لعـالـم النسيـان.
حـلفت أنساك ياخـلي .. وأنا مابيـك تطـرينـي

أنا عندي كرامه وإنت صعـب إنـك تهيـن إنسـان
يصون العـهد في حـبك .. خـساره طحـت من عيني !

أنا ماخـون ياخـاين وحـبي ماعـرف نقـصـان
بتـمّم كلمتـي وأنهـي غرامـك مـن شراييني




أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك


كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك


لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد والله من خنته يخووون

الاسير

تسلم الاسير كلمات غايه في الروووووعه

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

يعطيك العافيه اخوي ||"الاسير"|| كلمات معبره
لاتحرمنا من جديدك
أخوك :حسن$

يسسسسسلمو

خيوووو