دمع الرجال

دمع الرجال
من اول حيل اشتاقك وانا في دنيتك اهــمال
تجي هاليوم لي مشتاق ابي قلبك يسامحني

انا ما عاد لي بالحب ولاعاد اطلبك لوصــال
تجرعت الالم اشكال منك كم كبر حــــزنـي

كفايه ما ابي اتعب ولابي دمعتي تنهــــــال
على كثر المحبه لك ابيك اليوم تسمـعـــني

تصدق كم تمنيتك كثر مافي الحياه آمـــــال
كثر ما رفت الكلمه على شفاهي تجامـلنـي

كثر ما ضايقت غربه بصدمتها خطى الرحال
كثر ما ضعت في دربك عجزت القاك توصلني

كثر ما للجروح انه كثر ما الجفن دمعه ســال
كثر ما للمطر بشرى طلبتك بس تــــعــذرنــي

غديت بدنيتي كلك وانا ماجيت فيك اظــــــلال
تعبت وزاد بي حزني من صدود ن تذوقنــــي

انا ياما كبتك آه وأناتي تــهـــز اجــبـــــــــــال
وقلبك ساهي لاهي ووقيض النار في حضني

تخيل هالصور هذي اذا جرت على المـــوال
وتحكي حالي وحالك سألتك وش تجــــاوبنــي

بتتمنى الزمن يرجع يعيد التجربه والحــــــال
انا ما اظن بتمنى طعون الوقت تــقــتــلـــــني

كرهت الانتظار وطول لحظاته وهم البـــال
كرهت الذكريات اللي من اجلك كم تبلـتـــــني

كرهت الحب من صدك كرهت اتابع الترحال
على زحمة جروح الصدر ما ظني تحملـــــني

كفايه خذت من حبك مآسي تبــكي الرجـال
ترى دمع الرجال اجرام كفايه ابتعد عـــــــني

الاسير