يا امامي وحجة الله = عليك رب الكون صله
يا ابن خير النساء = يا سليل الانبياء
يا امامي وحجة الله
----------------
يالحسن من نور وجهك = انكشف هذا الظلام
منين ابدي منين اسولف = وبيك يحتار الكلام
غرتك للهادي صوره = وطلعتك بدر التمام
يا أبو محمد عشكتك = والله ذوبني الغرام
يبن حماي الدخيل = انته يل مالك مثيل
يا امامي وحجة الله
----------------
جفك ابحور الكرامه = وراحتك نبع الغدير
هيبتك هيبة محمد =وبالشجاعه انته الامير
يا ثمر دوح النبوه = ويا شعاع الكل ضمير
جيتك ومديت ايدي = وانته عون لكل فقير
والله ما خاب اليجيك = بشوك غامر يعتنيك
يا امامي وحجة الله
----------------
مولدك للدنيه فرحه = يا عقيد المكرمات
بيك كرت عين طه = والزجيه ام الهداة
والوصي بنورك تمعن = وبيك ورثه الصفات
ويه جبريل الملايك = كلهه صاحت صلوات
مولدك خير وسرور = يالحسن نور عله نور
يا امامي وحجة الله
----------------
اول انوار الرساله = انته يا بحر الاصول
انعقد باقدس سلاله = من علي وطه الرسول
والحجر مهد الهدايه = فاطمه الطهر البتول
وبعد نورك نور ثاني = حسين والموقف يطول
ذوله اصحاب الكساء = للمحب رحمه ورجاء
يا امامي وحجة الله
----------------