08-31-2011, 01:36 AM
|
#49
|
|
حويراتي مميز
|
ايوا بدينا بالتوهق وبالفضايح
اي مووول شيء عن فضايح اسمي يتسدح من البدايه
اشوف بسم الله نبداء
1-اوصف لنا طفولتك ( بكلمه )؟
طبعا ما يبي لها
اكيد طفوله مشاكسه وام الدلاخه والمغامرات فيها
2-هل تتمنى ان تعود طفلا؟ ولماذا ؟
اكيد ما يبي لها ,, علشان يعطوني ريالات واجد << ما ادري وين اوديك
3-هل كنت طفلا مدللا؟
اووووووووه ,, إلا قولي مكفخ مكمخ ولا شفت لا دلع ولا دلال
4-هل مررت بصعوبات خلال فترة طفولتك؟
لا الحمد لله ,, يعني صج انطقيت طق اليهد من الحركات الغبيه بس مافي صعوبات
5-هل كنت طفلا هادئا ام خجولا ام مشاغبا؟
والله ما ادل الهدوء ,, ام المشاغبه عندي
6- حادثا مر بك خلال طفولتك لم تنساه؟
اهو مو حادث ,, اهو موقف ,, طبعا تقريبا قبل لا ادخل المدرسه كنا رايحين الحفر في محرم
شان يوقف الوالد جنب سوبر ماركت واحنا مشرعين قزاز " نوافذ " السياره
وناطين منهم والايمان شاق وجهنا
وجالسين نقول " هذا الوداع يا حسين " ونطق على السياره من فوق وامي ودها تفلعنا بالنعال " الله يعزكم " بس مسكت اعصابها
7-اين كنت تقضي معضم وقتك؟
انا يا مطيح في البيت او مطيح بيت خالتي
8- لعبتك المفضلة؟
اللعبه المفضله هي اكيد كوره يعني في غيرها !
9-هل كنت طفلا اجتماعيا ام انطوائي ؟
لا كنت اجتماعي منذ نعومه اظافري << اي حيل بقوه اشلخها !
10- لديك اصحاب من الطفولة هل بقيت معهم ام باعدتكم الايام ؟
انا ما عندي اصحاب
بس اللي يقربون لي اهم ربعي وشلتي المرحه
11-هل كنت تحب افلام الكرتون  ؟ وما هو فلمك المفضل؟
اوووووه ,, ما خليت شيء ما تابعته
سجل عندك " كابتن ماجد ,, قرانديزر ,, عدنان ولينا ,, هايدي ,, .. إلخ "
12-كيف كانت علاقتك باخوانك واخواتك  وما ترتيبك بينهم؟
انا الاول ,, وطبعا الاول يمش بوزه يجي له دلع لانه مكروف من وهو صغير
وعلاقتي باخواني الحمد لله مثل الاصدقاء من الهباله والمقالب اللي نسويها في العائله
اما الاخوات ف للاسف ما جات لي اخت إلا قبل 3-4 سنوات والحمد لله مهجده الكل
13-ماهو اصعب موقف حدث لك في طفولتك ولم تنساه ؟
اهو مافي موقف معين بس كنت اكره شغله معينه وهي لما اتهاوش معا احد او مع اخواني يحدث مالم يكن بالحسبان
طبعا انا حاسب لروحي اني راح انطق مرتين مره في الهوشه ومره من الوالد
بس طق الوالد اهو اللي يسوي خطوط خضر وزرق في بدني ,, اي اي اي
14-هل هناك انسان معين غرت منه في طفولتك  ..ولماذا؟
اممممممم
نو مافي احد كنت اغار منه ولله الحمد
15-صف لنا اول يوم لك في المدرسة؟
الله ياحلات المدرسه ,, طبعا الوالد عسكري في الحفر وانا درست اول ابتدائي في الديره ,, المهم جاء اول يوم ومن البيت للمدرسه وانا النفاضه تشتغل فيني ,, وكل ما واحد طالعني كنت ارتبك ,, اشوي إلا بطوا بالكوره ,, لا وين النفاضه ووين الارتباك ,, شيل عليها الحق في هالكوره مثل الاهبل ,, ياولد خلاص وانا ماسك في هالكوره << يفكر يلعب يم بيتهم مع راسه
17- حلم الطفوله ماهو وهل حققته ؟
انا كنت اتمنى اصير مهندس ,, والحمد لله حاليا في اخر مرحله في تخصص مساعد مهندس ,, وإن شاء الله اكمل واصير مهندس
18-ما هي الانشوده التي كنت ترددها في طفولتك؟
اييييييييييه على ذيك الايام ,, طبعا الصوت ما شاء الله اوووووووم الازعاج بس كنت اقص على روحي واقول الصوت حلو
والاناشيد واججد واغلب شيء حقين الرسوم
ومشكوره قمير ع الفضايح اللي طلعتيهم هنيا
|
|
|
|
|
|
|