..]] منتديات الحويرات [[.. - عرض مشاركة واحدة

02-22-2011, 05:37 PM

ياويل قلبي كل مااشتقـت لقياه
وشلون ماتشتـاق عينـي لعينـه

انا أدري إني حيل احبه واهواه
وأناأدري أن القلب صار بيدينه

أموت أنابه في غيابه وأحيــاه
وشلون أجــل لوصافحتني يمينه

حاولت أنا أكتم عبرتي يوم فرقاه
وألملم جــروح الزمـان الطعينه

وأعطيه من قلـبي المعنَى معاناه
وآخذ من جروحه ولو هي دفينـه

وأضيع به في زحمة الناس وأنساه
وأنسى معه ذكرى السنين وحنينه

لقيـت نفسـي كل ماحـل طرياه
عـروق قلبـي كلـهاتقـول وينه

يامـر علـى قلبـي ولاشـك ينهاه
كلـي اناتحـت الإشـاره رهينـه

ماكـل من يضحك سعيـد بدنيـاه
وماكـل من يبكي دمـوعه حزينه

أحدن بكى والكل يدري عن بكاه
وحدن مع الضحكـه تحـس بونينـه

ياشين فرقى الحـب وياشين بلـواه
والمشكـله دنيـابـلاحـب شينــه

والـزين مايكـمل ولو كان ماحلا ه
إلا حبيبــي ماتــغيربـزينـــه

مــاجيــت أسولـف عـن حلا ه
يكفي أحاسيسي وقلبـي عارفينــه

كن الفضا في غيبته ضــاق مسعاه
وكنــي غريـق ينتظـرله سفينـه

((شـف دنيتي ياصاحبي عقب فرقاه))
مثل الظلام اللي حصـل بالمــدينه

باكتبه أنا في صفحة الشعر وأقراه
وبذبحه بزود الغـلا دون سكـينه

وبارسمه في لوحة الشعــر وانعاه
وبـادفنه بين الضلــوع الحنينـه

بوسط الحشا في داخل القلب مثـواه
أمـا يســـار القلــب والا يمينـه