وانسى الي كان..



وإنسى عيوني الي اغرقت بدموعها..



كلام البارح..



أهدالي حزن..وشوية فرح



وقتل إنسان..



وأحيى روح ماتدري مصير الي بعروقها..



صرت بغيبوبة..



بين النار..وشبه جِنان..



وبعدما أوقدت شمعة



طفيت الشمس ..اللي سرقت



بيديك مني نورها..



ماني ألومك..



ولا بزعل من غلطة إنسان..



كلنا بشر..والخطا وارد..



وش قيمة الروح؟؟ لو ما تغفر زلة محبوبها!!



لكن طبيعي ..كلمة عتاب ..



ويتغير صوت.. وفكر حيران



ورحلة للخيال تثير في النفس مكنونها



وجملة أسئلة تراودني



ولا تندرج تحت عنوان...



تتجنب عيون البشر



حتى ما ينفضح مخزونها..



سكني الصمت ..من همي



ومن خوفي يعاود الحرمان



يستوطن بنفس نازعت



لأجل تعيش بعين محبوبها..



جاني غلاك يحمل الود



ويهديني رحى النسيان..



ويذكرني يومك جيت ..



وكل كلمة سمعتها منك..



ورد فيني صدى وعودها..



واجهني بحبي لك..



وأحرجني بحالي العطشان



وأسقاني بأحلامي معك ..



من بدايه وجودها..



لأجل الحب..



لأجل الحب ..



لأجل الحب..



كتبت لك من البدايه ..



إطوي الورق



وانسى الي كان ..



وهاك روحي إنطلق بحدودها...