..]] منتديات الحويرات [[.. - السيدة زينب تخاطب الإمام الحسين (ع)

السيدة زينب تخاطب الإمام الحسين (ع)
السَّلامُ عَليْكِ يا بِنتَ سَيِّدِ الأَنبِياءِ السَّلامُ عَليْكِ يا بِنتَ صاحِبِ الحَوْضِ وَاللِّواءِ

السيدة زينب تخاطب الإمام الحسين (ع) :

لابد يجي فد يوم و أتعنى قبرك
واشما حملت اهموم بكل هَم اخبرك
لابد أزور اقبور البدور و بكل هَم اخبرك
عليّ لو خيم الليل و اتشعش بالسما بدرك
هاجت نار أحزاني و صارت جمرة الذكرى
أذكر حياتي اوياك ابألم و بهَم و بعبرة
هذا والدي و امي و هذا المجتبى ابكترة
أشوفك قاعد ابحضنه و الك يتبسم ابثقرة
و لون تتأوّه ابلهفه تضمّك فاطِمَة الزهرة
هذي صور و اتمور دوم اعلى بالي
اشقد جارت الأيام اعلينا يا غالي
عفت الحياة للذكريات ابكل هَم اخبرك
صور و اتمر اعلى بالي
رسمها دهر عذّبني
يوم انودع المختار و يوم الطاهرة امنا
أذكر بويا نادانا و يم الزهرة جمعنا
انودع كل أمل معها انغسلها ابدامعنا
ولن الاملاك اتنادي قوم يا حيدر كافي تفجّعنا
ولنه الزهرة ضمتكم بيدي حنّه و بأنّه
و عيون أبو الحسنين يجري دمعها
اعليكم يدير العين و عين الــضلعها
و جفن البتول بمدمع همول بكل هَم اخبرك
حياتي يالأخو مُرّة
كل لحظه و بيها امصاب
يا خويه اشقد تحمّلنا
قصص و اهموم من الاخصاب
ولن الصوت يــا زينـب تعالي شوفي داحي الباب
و شفته امخضب ابدمه
قالوا بالصلاة انصاب
ابشهر رمضان فجعونا و لبسنا من السواد اثياب
شعلة بالقلب نارين
نار الباب و المحراب
تالي الحسن بالسيف فتّوا جبدته
طشت الــتوشح دم بعيوني شفته
و زاد اللهيب بقلبي الكئيب كل هَم اخبرك
يا خويه الشوق زاد و صار نار بقلبي تجويني
عيشي بغربة و بوحشه و أدري بيك تدريني
أشتاق أسمع الكرار بإسم زينــب ينادينــي
و ودي ألتقي الزهرة و أقلها يمّــه ضمينــي
جنت اتناسى آلامي بوجودك يا بعد عيني
صرت يا خويه أتمنى لون الموت يلفيني
لو مالفاني البين عشت بغيابك
امنيتّي يا حسين ألثم اترابك
و أرجع و أشوف أرض الطفوف بكل هَم اخبرك