الاسير
12-09-2011, 03:22 AM
العثيم موووول
يجهل الجاهل على جهل الجهـول
ويتحمل من جهل جهـل الجهـال
لا سقا الله ساعة بالعثيـم مـول
رحت اودي حرمتي عقب الـزوال
واختبرت القلب في ساعة فضـول
كنت اظنه راسيـن مثـل الجبـال
مادريت انه على الفلـس محبـول
وقيـده اللـي مايـرده والعقـال
جيت سوقن جامعن من كـل زول
الكـداري والقمـاري والـغـزال
قمت اطالع واتمشـى فـي ذهـول
واتلفت من يميـن ومـن شمـال
وارتبشت وطحت في باب الدخول
طحت مابين المحاسـب والسـلال
والسبب من داعج العيـن البتـول
فوق رمشه حاجبـه كنـه اهـلال
سيف خشمه والوجن وردن ذبـول
ومن ورا الشيله لخديـه اشتعـال
والثنايا فـي تبسمهـا الخجـول
ساطعاتـن سابحاتـن بـالـزلال
وعنقها مفهوق والكتـف مهـدول
والمشي مشي الرزينـات الثقـال
وشفت شين بس مـاودي اقـول
وشفت شين غيـر هـذا مايقـال
اشهد انه سجلـت بالقلـب قـول
وكبرين بالكبد من تحت الطحـال
تلعب الفتبول وايضا الهارت بـول
مايجاريهـا النصـر وإلا الهـلال
وارسل الشيطان من عنده رسـول
امتخصص فـي علـوم الانحـلال
قـال يالله قـم تحـرك ياكسـول
ماتلاقـي غيرهـا فـي هالكمـال
وجيتها خايف ولا ادري ويش اقول
واستحت هي وابعدت بنت الحـلال
وجيت اكلمها وإ يلا تقل إمغيـول
وراح صوتي وصار بالعين احولال
واتشجع قلـت يابنـت إمعقـول ؟
كل هذا فيك مـن زيـن وجمـال
قالت ابعد قلـت ماشيـن يحـول
بيننا واللـي تبيـن بـلا سـؤال
قالت اسمع مانت جاهل بالاصـول
ضف وجهك لافضحك بين الرجـال
قلت يالله بـس هرجـك لايطـول
وادفع فلوس المقاضـي بالريـال
بالمرق وجهي مع الناس مغسـول
ماستحى قالت اجـل قـرب تعـال
واخطفت قوطي من الادراج فـول
المدمس العريـض مـن الطـوال
وصكتن به صكت القـرم الكتـول
وشقت الجبهه ودم الـراس سـال
ثم قامت تضربـن باللـي تطـول
وافزعت معهـا علـي ام العيـال
وافزعن كل الحريـم بـدون قـول
يضربنـن بالقواطـي والـحـلال
وبالمكانس والصواني والسطـول
والعجايـز يفزعـن لـو بالتفـال
اخلطني خلـط عجـان إمعمـول
واضربني ضرب قـوات احتـلال
واطلعوني سحب مانيب إمحمـول
ساعتن بالشمس مانـي بالظـلال
الاسير
يجهل الجاهل على جهل الجهـول
ويتحمل من جهل جهـل الجهـال
لا سقا الله ساعة بالعثيـم مـول
رحت اودي حرمتي عقب الـزوال
واختبرت القلب في ساعة فضـول
كنت اظنه راسيـن مثـل الجبـال
مادريت انه على الفلـس محبـول
وقيـده اللـي مايـرده والعقـال
جيت سوقن جامعن من كـل زول
الكـداري والقمـاري والـغـزال
قمت اطالع واتمشـى فـي ذهـول
واتلفت من يميـن ومـن شمـال
وارتبشت وطحت في باب الدخول
طحت مابين المحاسـب والسـلال
والسبب من داعج العيـن البتـول
فوق رمشه حاجبـه كنـه اهـلال
سيف خشمه والوجن وردن ذبـول
ومن ورا الشيله لخديـه اشتعـال
والثنايا فـي تبسمهـا الخجـول
ساطعاتـن سابحاتـن بـالـزلال
وعنقها مفهوق والكتـف مهـدول
والمشي مشي الرزينـات الثقـال
وشفت شين بس مـاودي اقـول
وشفت شين غيـر هـذا مايقـال
اشهد انه سجلـت بالقلـب قـول
وكبرين بالكبد من تحت الطحـال
تلعب الفتبول وايضا الهارت بـول
مايجاريهـا النصـر وإلا الهـلال
وارسل الشيطان من عنده رسـول
امتخصص فـي علـوم الانحـلال
قـال يالله قـم تحـرك ياكسـول
ماتلاقـي غيرهـا فـي هالكمـال
وجيتها خايف ولا ادري ويش اقول
واستحت هي وابعدت بنت الحـلال
وجيت اكلمها وإ يلا تقل إمغيـول
وراح صوتي وصار بالعين احولال
واتشجع قلـت يابنـت إمعقـول ؟
كل هذا فيك مـن زيـن وجمـال
قالت ابعد قلـت ماشيـن يحـول
بيننا واللـي تبيـن بـلا سـؤال
قالت اسمع مانت جاهل بالاصـول
ضف وجهك لافضحك بين الرجـال
قلت يالله بـس هرجـك لايطـول
وادفع فلوس المقاضـي بالريـال
بالمرق وجهي مع الناس مغسـول
ماستحى قالت اجـل قـرب تعـال
واخطفت قوطي من الادراج فـول
المدمس العريـض مـن الطـوال
وصكتن به صكت القـرم الكتـول
وشقت الجبهه ودم الـراس سـال
ثم قامت تضربـن باللـي تطـول
وافزعت معهـا علـي ام العيـال
وافزعن كل الحريـم بـدون قـول
يضربنـن بالقواطـي والـحـلال
وبالمكانس والصواني والسطـول
والعجايـز يفزعـن لـو بالتفـال
اخلطني خلـط عجـان إمعمـول
واضربني ضرب قـوات احتـلال
واطلعوني سحب مانيب إمحمـول
ساعتن بالشمس مانـي بالظـلال
الاسير