اللة اكبر كيف عني تخليت

[فارس هجر]

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

الله اكبر كيف عنّي تخلّيت
من بعد ما علقت روحي البريّه

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

كلش تخيلته ولا يوم ظنيت
إنك لحد غيري ولانتاب ليّه

ويلك من الله كيف بالحب ضحّيت
قلبك حجر ما حنّ يومٍ عليّه

اللي بنينا بْعمر في يوم هدّيت
واحلامنا ما عاد منها بقيّه

اتعد غلطاتي إذا يوم زليت
من دون مدري .. وين ذيك الحميّه

مافيه معصوم الخطا لو تحريت
ولا فيه كامل غير رب البريّه

ولو ما احبك ما نشدتك ولا اطريت
بعدك وصدك وانتخيتك نخيّه

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

لا نيب حي بعد هجرك ولا ميت
ولا ني مريض ينعرف بالشكيّه

لكني ادرى بحالتي لا ترديت
ولا ينفع الملتاع طبه وكيّه

مالي سوى اللي كلما راح ناديت
يا كود يسمعني ويرجع إليّه

[سجود الروح]

روعه وربي روعه كلمات تجنن مره وأحسها ظربة ظرب بالمشاعر
الله الله..بالحيل رهيبه
بس هذا حال الدنيا جد والشكوه لرب العباد الهي عفوك..
ايييه يادنيا¤
جلس أقرأ بصوت عالي وأكرر
يعطيك العافيه فارس هجر

موفق دوما}}

[ملاك الحور]

آآآآآآه على هذي الكلمااااات
المؤثره في قلبي
كلمات رائعه ومؤلمه
مشكورخيوووو

[أغاريد]

جزيت خيرااااااااااااااا فارس هجر

[●ξـشقتك بڛڪٱټ●]

يعطيك العاااافيه