امي تسلم عليكم وتقول عندكم ....طماطم.

[دموع الورد]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته

حين طرق باب بيتنا ... ليقول لي ولد الجيران


امي تسلم عليكم وتقول عندكم .... طماطم....!!


ابتسمت من قلب ....



وقلت له عندنا ... ولو ماعندنا زرعنا لكم بحوش بيتنا



هلا بالجار الصغير ....


منذ متى لم يطرق بابكم احد الجيران لطلب
طماطم او بصل او خبز ... !!!




ربما يقول أحد الاعضاء اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران


فقدنا طعم الجيره ...


كان الجار يطلب من جاره بصل


وبعدها يرسل له قليل من الطبخه


عيش وملح

الآن تعد الطلبات بين الجيران عيب وقله ذووق ... !!


وقد تستغرب ان يطرق جارك بيتك بدون موعد واذن مسبق واتصال


وقد يتهم الجار بالجنون حين يطلب طماطم


زمان لم تكن الحاله الاقتصاديه مثل الان


اليوم فواتير وديون واقساط واسعار مواد غذائيه عاليه


وعيب نطلب وندق باب الجيران...


زمان حياه بسيطه وقلوب ابسط ,,, وصغار الجيران


وجمله .... امي تسلم عليكم وتقول عندكم بصل


جميله العباره


بجمال البساطه


وجمال المحبه


وجمال روح الجيران الوحده


كنا بيت واحد


وطبخه وحده


اخبرتنى جدتى


ان الاسر قديما تشعر بمدى حاجه جارها


وترسل له من غير طلب


واذا راعى البيت قضى لبيته ماينسى جيرانه ...


واذا بقى شي من العشاء... يرسل للجيران( غريفه)


واليوم يزعل الجار من بقايا العشاء باعتبرها فضله....


ليست المسأله بمجرد الطلب ياأحلى اعضاء


وليست عباره امى تسلم عليكم وتقول عندكم طماطم هى المحك


لا ....


ولكن العلاقه نفسها فقدت طعمها


فقدت دفئها


فقدت الجيره


لم تعد الحياه لها طعم بعد الاستغناء عن بصل وطماطم وخبز الجيران


وحين نعطى الصغير طلبه... نتنتظر عودته بطبق من عشاءهم ...


ليتها تعود تلك الايام ... رغم اني لم اعشها حقيقه


ولكن احيانا اتمنى عودة ايام ماضيه بزمن جميل


وجيران ترسل وتسأل وتطلب


بدون قيود حياة ممله ورسميات قاتله


احضرت الطماطم لولد الجيران .... ووصلت لنهاية كلامي


قول لماما امي تسلم عليكم وتقول .. اذا بغيتو شي لايردكم الا لسانكم


وخرج الصغير ولسان حالي يقول:



شكر لك عشت معك لحظات اصبحت مفقوده .... بزمن لم يعد الجار يعرف جاره







وامي تسلم عليكم وتقول ... عندكم رد على الموضوع ؟

[همس الخيال]

طرح جميل ورائع
وايام ليتها تعود
الحين تلقين بعض الجار مايعرف اسم جاره

[الصراط]

أه أه أه ذكرتينا بايام زمان وقلبتي المواجع علينا.
وينك يازمن أول إلا كلش فيك تغير حتى أهل الطيبين ما عادوا مثل أول.
شـكــ وبارك الله فيك ـــرا لك ... لك مني أجمل تحية .

[أغاريد]

هههههههههههههههههههههههههههههههههه
مامره طلبت من الجيران أبدااااااااااا لو يصير شيصير ماتعودت اطلب امي ربتنا كذا عدم الطلب
بس الجيران يطلبون واعطيهم
اذكر مره كنا في رمضان وحنا نفطر جات بنت الجيران تطلب بصل منا
بس مدري ليش هالبصل بالحيل استغربنا منهم لانهم سنه يعني افطروا قبلنا بكثيرووالحين مابعد وقت تسوي السحور
بس شكل امهم تتوحم على البصل وكان ماعندهم وقتها

ومره أخرى بعد في رمضان جات بنت الجيران تقول لي امي تقول لك اطحني الشوفان تبي تسوي شاربه
قلت لها هو الشوفان طيب مطحون قالت اي اطحنيه بعد اكثر المهم طحنته لها خخخخخخخخخخخخخخخخخخخخ

[دموع الورد]

شكرا لكم يشرفني تواجدكم ويعطيكم العافيه

[سحر الشوق]

طرح رااااااااائع
يسلمووووووو

[الحانيه]

اياام زماان اياام حلوه ماافيه حياء ولا كبرياء ولا ذل
وها الاياام كلنا نفسي نفسي ما احد يدري عن احد
الله يصفي القلووب ويهديهم

[MMA]

طرح راااااائع
يسلموووووووووووو

[فدك الزهراء]

المشكله النفوس الي تغيرت
صار كل واحد مصلحته وبس
يعطيك العافيه دمووووووووعه

[جنان الخلد]

اي والله وين اول وين الحين

بس الحمد لله ليلحين انا وجارتي كل واحد

يطلب من الثاني او كل واحد يودي للثاني

الله لايغير علينا اي معذورين في غربه:60408a3c44d0319f55a

مشكورة اختي ( دموع الورد ) على الموضوع

يعطيكي العافيه

[فارسة القلم]

ياحلات ايام زمان مشكوره خيتووو على الطرح الرائع
يعطيك العافيه

[فلسفة انسانه]

لـ نثر حروفك عبق باريسي غني بـ عطور راقية
لـ طرح كلماتك وقع سيمفونية لطيفة تداعب الروح الهائمة

لكِ [ http://www.5foq.com/vb/smail/rose.gif ]

[فوفو]

يعطيك العافية اختي

طرح رائع وجميل

موفقه بإذن الله ... لك مني أجمل تحية .

[بوعبدالنور]

الدنيا ما تغيرت ولا كن النفوس هي التي تغيرت
انا قبل ثلاثة ايام طلبت اسطوانة الغاز من جارنا
ولا هي عادي بس الناس صارت عندهم بض الاحراج في الطلب من الجار
الله يعطيك الف عافيه على الموضوع الشيق
الله لا يحرمنا من جديدك

[دانه]

ياحلاة ايام اول الجار يفرح لمن جاره يدق الباب ويطلب شي
لكن الحين صعب وحياء

[قدوة الصديقين]

الله وين اياام زمان والله ليتها تعود شوفو انا عادي مع جيراني نفس الاخت جنان الخلد اذا نقصني او نقصهو شي ناخذ من بعض وصج الحين تعالت النفوس على بعض ولا احد يطيق احد او نوع من التكبر ويه اذا رحت طلبت منها بتقول وشفيكم ماتشترون او نوع من هذا الكلام
تسلمين اخت دموع الورد على هذا الموضوع الرائع ويستحق التميز
تسلم عليش امي وتقولش هذا انا رديت عليش