لاتنشد القلب

لا تنشد القلب وش عناه وش رده ... ان قلت ادلك يقول الوقت لي غادي

عيت ظروفك رخـا وش عاد بالشده ... خل المشاريه لو المسأله عادي

أتعبت قلب وهـو وده ومــــا وده ... معذور مــا دام بك موتي وميلادي

اجيك ضامي غلا وانا علي عده ... واي والله ارجع وانــا مــا احصل مرادي

اجاملك والوله عندي وصل حده ... ياليت تدري غلاك اغلا من فؤادي

واجد بهالوقت اشوف قــلــوب مرتده ... وان جيت ابــــا ارتــد معهم ردنـــي منادي

من علمك هالجفــا من شـــار بالصده ... هو مادرى أنــه طفــا بي شمعة ودادي

من برد صدك حرقـــت وجيـــه منهده ... تعبت ابــا ادفـــي واخـــاف أولـــع شدادي

من شافني قال هـــالمغرور من قده ... مايدري انـــي سببك أصارع رقــادي

أخــــذت منك جـــــروح مقبلــــــه مده ... وش حدنـــي لــك سوى الأصرار وعنادي

البحر الأحمر سبب لونه سهم جده ... ومن كثر عشقه لــها متهيج وهـــــادي

مـــا همـــه صدودهـــا مــاشح في مــده ... ماختار رغـــم القســى مــا اختار لــه وادي

بسلامه اللي سهر وايـــده علي خده ... ألعـــب مــا دام الهوى سيد من اسيادي

ايــه اعشقك والغلا ملعون أبو جده ... ان قلت عادي حشى واللــه مو عادي

عرفت هـــالقـــلب وش عنــاه وش رده ... مــعــذور مـــا دام بــك مــوتــي ومــيــلادي

راااااااااااقت لي

كلمات جدا رائئعه راقت لي كما راقت لك
سلمت الايادي وبنتظار جديدك

روعه الكلمات اسلوب راقي وجذاب

الله يعطيك العافيه

	اختيار في قمة الروعه والابداع ما اجمل الالحان والكلمات التى غنت بها هذه الخاطرة بجد روعه يعطيك الف عافيه تقبل ودي وارق تحياتي دمووع الوورد

	عاشق المندي شكرا لك ما أجمل أن تزرع البسمة على شفاه من تحب.. وما أجمل أن تكون النبض في قلب من تحب.. وما أجمل الحب حينما تكلله البسمات.. يعطيك العااافيه