أستهترار سائق باص روضة يتسبب في حروق للاطفال

بسم الله الرحمن الرحيم
اللهم صل على محمد وآل محمد الطيبين الطاهرين وصحبه المنتجبين
السلام عليكم ورحمة الله وبركاته

اليوم الظهر اتصلت زوجتي على وانا في العمل قالت تعال ود كوثر المستشفى
وكنت من خلال التلفون أسمعها تبكي توقعت تبي اوديها للمستشفى أكيد
بسبب أسنانها قلت الظاهر زاد عليها الالم وتصيح من الم الاسنان
قلت لها خير وش فيها قالت ما أدري عنها جات من الروضة تصيح وبدون
مرويل وبكاها سمعته من قبل ما تصعد الدرج وبدون مريول طبعا امها
كانت مذهولة وخايفة ما تدري وش صار قالت لها وش فيك قالت شي
في الباص ولد فتحها و نكبت على اللي في الباص
قالت لها وش سوى راعي الباص .. تعال شوف التصرف الحكيم من سعادة
السواق المحترم قالت وقفنا عند بيت الظاهر انه بيت وحدة الطالبات وقام
يصب عليهم ماء ونزع المرايل عنهم لان اغلبهم ذاب من الاسيد
على الاقل اذا ما كان ياخذهم للمركز الصحي لانه اصلا قريب جدا من الروضة
أو يرجعهم للروضة. لا صب عليهم ماء ورح يكمل لفة يوصل كل واحد لبيتهم
الصراحة قمة الامبالاة والاستهترار بحياة هؤلاء الاطفال الابرياء

المهم أنا على طول جيت من العمل حتى كان وقت الصلاة بس قلت حالة
طارئة خل اروح اشوف وش المشكلة وصلت البيت الا البنت تبكي و امها
وضعت على قدمها ويده ثلج مكان الاصابة بالاسيد
أخذتها مباشرة للمركز الصحي وبمجرد ما دخلت المركز كان موجود الممرض
والمدير قالوا خير ان شاء الله قلت حرق اسيد على طول قالوا وش سالفة
الأسيد أنت رابع واحد يجي وحالتين حالتهم حرجة لذلك تم تحويلهم لمستشفى
الاطفال دخلت للدكتورة ونفس الشئ قالت وش اللي صاير بالضبط انت الحمد
لله بنتك حالتها افضل من بعض الحالات السابقة احد الحالات طفلة مسكينة
يدها تاثرت بزيادة و والد الطفلة يقول بيشتكي على سائق الباص قلت لها
يستاهل هذا اقل من جزائه وبعد ما خلصت من المركز بعد عمل الغيار ولف
رجل ويد بنتي وأنا بطلع الا وحالة جديدة وصلت كان واحد حامل بنته
قالي اكيد من باص الروضة قلت أي قال نفس الشي


طبعا لما وصلت البنت وكانت تبكي اتصلت امها على الروضة وقالت لهم
وش صاير للبنت قالوا الظاهر ان المحترم سائق الباص حاط بطارية في
الباص واحد الاطفال على ما يبدو انه فتح البطارية و نزل الاسيد على الاطفال
المشكلة ان الادارة كلمت صاحب الباص لا وجالس يصارخ عليهم وما كانه
مسوي شي صج اذا قالوا شين وقوي عين

طبعا الاغلبية الحين تعتقد ان صاحب الباص من المراهقين الذين لا يبلون
ولكن مع الأسف ان هذا السابق رجال كبير وهذا تصرفه
كيف يضع مواد خطرة في باص يركب فيه اطفال !!!

يعني من المفروض ان يعرف ان هؤلاء الاطفال أمانة في عنقه
لذلك أنتبهوا لإطفالكم من هؤلاء السائقين المستهترين


أخليكم مع الصور

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1029 * 683 و حجم 94KB.


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1029 * 683 و حجم 114KB.



تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1029 * 683 و حجم 80KB.

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1029 * 683 و حجم 80KB.

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1029 * 683 و حجم 70KB.

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 683 * 1029 و حجم 71KB.



منقول من منتدى الأحساء الثقافي

حفظ الله أبنائكم من كل مكروه

	انا لله وانا اليه راجعون الحمد لله ع سلامة البنت مشاكل الباصات لا تنتهي ما اقول الا الله يعين بس صےـر خےـة نےدمے

لاحول ولاقوة إلا بالله
شـكــ وبارك الله فيك ـــرا لك ... لك مني أجمل تحية .
الله يحفظهم من كل شر

لاحول ولاقوة الابالله
الحمد لله على سلامة الاطفال ومافي اصابات خطيره الله ستر

لاحول ولا قوة الا بالله العلي العظيم

	لاحول ولاقوة الا بالله نااس ماعندها لاذمه ولا ضمير حتى اطفال في بداية عمرهم ماعنده قلب حتى يوديهم المستشفى شكله ماعنده عيال ... الله يعين