فلانهـ ولدت شنو جابت ؟ .. بنت !! يوووووهـ مسكينة \\ غباء بعض الحريم بهالأيام

بسم الله الرحمن الرحيم
السلام عليكم ورحمة الله وبركاته


بدخل فالموضوع دغري


الله يسلمكم انا جاية اكتب لكم هالموضوع وانا ميييته قهر من غباء بعض الحريم وبطلع كل اللي في خاطري مع اني مارح اوفي كل اللي بخاطري من قهري من غبائهم بس على الأقل نطلع شوي من اللي بخاطرنا

مثلا وحدة ولدت وجابت بنت يقولون مسكينة ومادري شنو لييه هي جريمة واصلا يوم انها حزنت على هذي اللي جابت بنت اهي شنو اصلها مو هي بنت
يعني بالله عليها مين جابها على هالدنيا غير البنت
لوماكان بالدنيا بنات اجل كيف هي جت
يعني ايييش هالغباء والتفكير السسسخيف
شنو فيها البنت على شان يحزنون لما تجيهم بنت
البنت نعمة عظيمة وانتوا منتم مقدرينها
هالايام صارت البنت احسن من الولد هي تساعد ابوها
واخوها حاط راسه ونايم ولا طالع مع ربعه
اختربت لمبة بالبيت اهي تصلحها
والولد رايح يدور مع ربعه وطبعا موكل الشباب كذا بس الاغلب
الصراحهـ قهررر لما يحزنون يوم تجيهم بنت
ولاعاد اذا طلبت البنت جوال قالوا لا ومادري وشو وماعندهم ثقة فيها ابدا
البنت على الأقل ماتسوي مثل هالشباب ماظل بنت الا ولعب عليها بكلمتين حب وخلاها تهيم فيه اخرتها يتركها وينكسر قلبها المسكينة

انا بقولكم مثلا مرت خالي وصحيح انا دائما بمناقشات معها
خالتي شرت لبنتها اللي عمرها 9 سنوات لاب توب قالت مايصير ومادري وشو وبكرة تكلم شباب ولاشئ
الصراحه غبيه حدها يعني خالتي لوماهي واثقة ببنتها ماكانت شرت لها
وبعدين بنتها اهي اللي جمعت وابوها زاد لها كم قرش وشرته من فلوسها
ولا القهر تعايب وبعدين تسوي لبنتها
معايبة على خالتي انها سوت لبنتها ايميل وهي بعدين سوت لها
ولا لما تتدخل في بنات اختها
بنت اختها الكبيرة عمرها تقريبا 20 قالت لامها تبي جوال راحت هي تدخلت قالت لها لاتشترين لها يا اخي ليه عدم الثقة فالبنت لييييييه والله اذا كانت الوحدة واثقة من تربيتها خلاص لاتخاف

بس ماقول الا خلف الله على عقولن مثل كذا


- يلا حبايب قلبي اترك لـ صوابعكم العنان لتخرج مابخاطركم هع , طلعوا كل حرتكم على غباء بعض الحريم هاليومين


منقول

والله يا اختي عشوقه كلامك عين الصواب

وبزيدك من الشعر بيت بعد اذا تزوجوا البنات قالوا لهم ها حملتي

متى بتجبون اولاد تبين بنت ولا ولد تبون الحين ولا بعدين

هذي عاده من الحريم اتمنى ان يتركوها ويتركو القيل والقال


بالنسبه للي جابوا بنت نعم البنت نعمه من الله وبركه بالبيت

قال تعالى -- الذكر مثل حظ الانثييين ----










الاسير

يعطيك العافية اخت عشوفة h
اتفق معك اذا كانت هناك ثقة من الوالدين في البنت مع حسن التربية والاخلاق
فماهناك خوف عليها
اما من ناحية ولادة بنت فيزعلون على الام وماادري شنو
كأنه رجعنا زمن الجاهلية يدفنون البنت وهي حية
الحمدلله والشكر والله يبعد عنا هالعادات السيئة
يعطيك العافية مره اخرى

هههه مدري شيحسووو فيه اذا زعلوو عشان جابوو بنت

وواذا عندهم 3 ولا 4 اولاد يصيحون يسون المستحيل عشان يجيبون ه البنت

والثقه هذي ترجع ع الأهل

ويعطيك العافيه عشوقة h ع الموضوع

^_^

ههههههههههههههههههه
والله بجد فطستيني ضحك

عذرا استاذتي هالضحك مو للسخريه بس لاني بجد شفتك مولعه وشايله ع الكل والجميع وبجد حسيت انك طلعتي مافي قلبك في هالموضوع لانك تكلمتي في 7000 او 8000 نقطه في هالموضوع

طيب خلينا نجي لاهم نقطه في الموضوع وهي فلانه جابت بنت !!
انا احب اقول للمراه بشكل عام انها هي نصف المجتمع وبالمعنى الاصح هي كل المجتمع

وعلى قولتهم لو مافي حريم شان مافي شيء

اما النقطه اللي بجد شفتك طلعتي كلامك فيها هي ان البنات يشتغلون ويتقارنون بالاولاد
وهذي احب اقول اني ما اتفق معاك فيها
انا ما انكر ان البنت ما تكرف وتحك في شغل البيت
لكن بالنسبه للواقع اللي انا عايش فيه ف البنت لها مسؤليه البيت فقط لا غير
أي شيء يخترب تبلغ الاداره " الوالد " واحنا اللي ناكلها

وطبعا هالموضوع يرجع لبيئه الشخص اللي يعيش فيها
ف مثلا عائلتنا الكريمه من تحت الوالد والوالده 4 شنبات " اولاد " وبنوته " شمعه البيت "
وطبعا قبل لا تجي الاخت الكريمه كان شغل البيت مقسم علينا " طبعا بعد التشيب والتصرقع والتكفخ والتكمخ " يقوم الواحد ويشتغل

اما للنقطه الثالثه وهي تدخل احد اطراف العائله او شخص من برى في امور العائله هذي انا معاك فيها
هذي حركه مو ممتازه بالمره
يعني بأي صفه الشخص يتدخل , وبعض الاباء الله يهديم ينفذ الكلام بدون دراسه
يعني لو قلنا البنت تبي لابتوب او جوال حق شنو ؟
الجوال علشان إذا احتاجت شيء ولا تبي تكلم وهي برى يكون عندها الجوال
اللابتوب مو كافي عليها جلست البيت وتعدد الجدران والليتات " اللمبات " ف يكون الجهاز عندها تسلي نفسها وطبعا كل ذا يتم بمراقبه في حال ان الاهل ما كانوا مو واثقين في البنت

هذا واتمنى اني ما اكون كثرت كلام

كلام جميل جداً

ووللأسف بعض النساء يتركن هذا الإنطباع أيضاً على بناتهن
وبالتالي تتوالى هذه الإعتقادات جيل بعد جيل

أما بالنسبة لموضوع أن فلانه انجبت بنت
فهذا التصور من الجاهلية إلى الآن ما زال مستمر
وكأن الأم هي التي تختار الجنس الذي تريده

والحمدلله في الوقت الحالي تتضائل هذه التصرفات والاعتقادات
بشكل أكبر شيئاً فشيئا حتى تتلاشى إن شاء الله

.