نجمة الليل دموع الورد كن مختلفا وقشر البرتقاله بالملعقه .... لـ(قدوة الصديقين) ][ ... المنتدى الإسلامي العام ... ][



التميز خلال 24 ساعة
العضو المميز الموضوع المميز المشرف المميز المشرفة المميزه
قريبا
بقلم :
قريبا قريبا

العودة   ..]] منتديات الحويرات [[.. > [:. الأقسام الرئيسيه .:] > ][ ... الرف الأدبي ... ][

][ ... الرف الأدبي ... ][ •• قصص، روايات، كتب، شعر وخواطر ••

إضافة رد
 
أدوات الموضوع انواع عرض الموضوع
قديم 04-21-2011, 01:09 AM   #31
حويراتي مميز
 
الصورة الرمزية ؛؛ ][ .. مـدمـنت نـــت .. ][ ؛؛

؛؛ ][ .. مـدمـنت نـــت .. ][ ؛؛ غير متواجد حالياً
افتراضي

البـــــــــآب الثالث ...
الجزء الثالث ...

تولين مثل مانذكر انو هي مقرره تروح مع أمها للمزرعة جوجو ...
لبست لها لبس أنيق من ذوقها ... ذوقها الراقي ...
بالسياره ....
أم تولين :~ أقول تولين ..
-لبيه ..
-الحين جوجو رفيجتج مانخطبت .!!!
-(عقدت حواجبها :~ لا ليش تقلوين جذي !!!
-موب انتي بذاك اليوم قلتي اتها احتمال تتزوج ولد عمها وهو دكتور عندكم بالجامعه !!!
(تذكرت تولين انها قد قالت للأمها هذا الشي قبل لا تشوف الدكتور وتحبه ...
توترت شوي ثم قالت :~ لا ماما ماأدري عنهم احتمال ليش لاء .. بس الحين ماصار شي ...
(ظغطت على يدينها بقوه وهي تحس بجواتها شي من الألم ...
يمكن الم من ناحية صاحبتها واللي سوته من ورى ظهر جوجو !!!
بس لا تزال تحبه وهي على قرارها بالنهايه تتركه لجوجو ...
وهي تطلع من حياتهم ...
لما وصلو ...
نزلت تولين وهي شايله بيدها صحن شوكلت كبير وكان ثقيل عليها لأنو من قزاز ...
عند الباب واقف طلال وواحد ثاني ...
طلال لما شاف تولين فتح عيونه يبي يستوعب اللي قدامه صدق ولا لا ؟؟!!!
هذي شيابها هني !!!!
-أم تولين :~ تولين بنتي عطيه واحد من ذالريالين يشيله بدالج .. ثقيل عليج يابنتي ..
(تولين التفتت بتتكلم بس انربط لسانها لما شافت قدامها طلال ...
فضلت هي تشيله ولا تطلب من طلال شي...
بس طلال من أدبه وأخلاقه ومو عشان شي ثاني تقدم لتولين وهو يقول :~
عطيني اشيله عنج ...
-لا شكرا ..
-(طلال ماعبر كلمتها ومد يده للصحن ...
تولين اضطرت تعطيه ...
بالصدفه وبدون قصد من طلال حط يده فوق يد تولين من تحت علباله بيشيل الصحن ...
بس تولين من الربكه والروعه سحبت يدها بقوه وزلق منهم الصحن ...
أنكسر عالأرض والشوكلت تناثر بكل مكان بالشارع ...
طلال عقد حواجبه من حركة تولين وهو حس بيده لامست يدها بس انصدم من ردة فعلها ...
أم تولين حست بوجهها طايح من بنتها فقالت :~ معليش ياولدي لا تواخذنا ... ويالله كلها صحن شوكلت ماخسرنا شي ..
-(رفع راسه وابتسم وهو يقول :~ شدعوا ياخاله تكفي ييتكم عندنا ... وانتي عالعين وعالراس ..
(التفت على تولين وهو يقول بابتسامه للأم تولين :~ وتولين وحده من طالباتي وييتها وياج تسعدنا __^ ...
(تولين بقلبها ... الله ياخذ ويهك لا عاد تتحجى أكثر خققتني  )
طلال وخر عنهم عشان يدخلون على راحتهم ...
تولين لفت عليه وهي تقول بصوت واطي ماتدري اذا طلال سمعها ا ولاء ..
-سوري ...
(لما راحت طلال ابتسم لأنها صايره مرررره مؤدبه موب على عادتها بغرورها وكبريائها ومشياتها وهي رافعه راسها
وماتطالع اللي حواليها ..
بعكس الحين منزله راسها ومستحيييييييه من اللي سوته ...
جوجو سلمت على أم تولين بعدما حبت راسها ...
(نرجع لنارا ويزيد ...
يزيد لما دخل بيته الفخممممممم .. صحيح مو كبير ... بس أثاثه وتصميمه جدا جدا غاااالي
وذوق رائع ...
نارا بين يدينه شايلها وكانها ريشه من خفتها ومن قوته هو...
راح للغرفة الضيوف وحطها على السرير ..
الغرفه كانت مره مره كبيره .. وفخمه ...
راح ينادي الخدامه تجهز للنارا شاور من ريحتها الي تقرررررررررف ...
الخدامه تحاول في نارا توقفها على رجولها بس نارا سكرانه وهي موب قادره توقف على رجولها وطول الوقت تتحرك
وتخبط .... يزيد غطى وجهه بقل صبر مايدري كيف بيتصرف معها .. وهو مايبي يرجعها للأهلها وهي
بهالحاله ....
يزيد شال نارا على كتفه وهو رايح صوب الحمام ...
-فلورا روحي نادري ميري تيي تساعدج على ترويش البنيه ...
-ؤكي ...
يزيد حط نارا اللي متعلقه برقبته ونص واعيه ... يحاول يبعد نفسه عنها بس ماقدر البنت
لافه يدينها على رقبته بقوه وهي تهز راسها بالنفي انها ماراح تتركه ...
يزيد تنهد مايدري وش يسوي ... وهو خلقه بقلبه قهر كبيييير من حالة نارا كذا كنها بنت وسخه
متربيه بالشوارع ...
مسك يدنها بقوه وسحبها عن رقبته ....
نارا بطريقه غير اراديه منها جرت يزيد من بلوزته وطاحو بداخل البانيو اللي دااااافيه مويته ....
يزيد فتح عيونه مصدوم من اللي يصير ..
يطالع كيف نارا متعلقه فيه ولازقه جسمها عليه ....
مرتبك مايدري وش يسوي لها وهو اللي سبح مويه معها بذالبانيو ...
وهو يحاول يبعدها ومايبي يلمسها ابدا بس مو بيده هي متعلقه فيه ...
بنفس الوقت لما رفع عيونه على وجهها وهو يطالع الكحل السايل على خدودها ....
مد يده وهو يمسح بالفوطه الكحل .. وده يشوف وجهها طبيعيه بدون هالتشويه ...
يحس بقلبه بيطلع من مكانه وهي لازقه فيه بهالطريقه ...
جمد للحظات وهو مايقدر يشيل عيونه عنها ...
حاس بقلبه تعلى دقاته اكثر وأكثر ...
ماخطر بباله أبد انه البنت بتجيب له كل هالربكه والتوتر بداخله أو بتحرك من مشاعره ويحس فيها ....
طاحت عيونه على كتفها اللي نزلت بلوزتها من المويه ....
كشر بقرف وهو يطالع علامة السلام بتحفير في جلدها بشكل مقزز ومشوه ...
مسك يدها ورفع كمها ....
انصدم من الجروح الكثيره على جسمها وكلها واظح انها بالموس مجرحه نفسها ...
وهذي حركات الايمو ..
ماغير قوه بذالموس على جلودهم صلخ فيها  ...
من غير شعور وقهرررررر بعدها بقوه عنه وهو حده متقرف من الحاله اللي فيها نارا ...
يتمنى لو يقدر يسوي لها شي بس مايدري كيف نارا مو معطيته فرصه
واذا حتى على ريان ماسمعت منه بيجي هو عاد اللي بتسمع منه !!!!
طلع من البانيو ورفعها قبل لا ينزل راسها جوى المويه ...
مبعد عيونه عنها مايبي يشمئز أكثر منها وهي بهالحاله المقرفه ....
سمعها وهي تقول :~ ريان .... انت تحبني وانا أحبك ... خلاص نتزوج احسن حل هههههـ ..
ونسافر لكل شي ... يالله شتنطر ...
(وهي كانت تجر بلوزة يزيد ...
يزيد ماعاد تحمل اكثر الا وصرخ بصوت عالي :~
فلورآآآآآآآآآآآآآآآآآآآآآآآ .. الله ياخذج كل ذا تدورين على ميري ..
(بسرعه وبخووووف من فلورا الخدامه :~
سوري بابا ...
-انتي وياها خذوه البنت مني وروشوها عدل ... واذا حسيتو انها صحت شوي أو حست عليكم
قولولي بسرعه انا بالصاله انطركم وبسرعه روشوها قبل لا تصحى أو شي ...
يزيد ماأمداه بيتحرك ويترك نارا الا والبنت تتمسك أكثر فيه وتستفرغ على ملابسه الرطبه ...
فتح فمه متقرف وهو يلعن على الخدامات ...
-خذوها مني بسرعـــــــــــــه ...
صك على اسنانه بقووووه وهو مغمض عيونه أقوى شي يحاول يضبط اعصابه لأنه هو من النوع
اللي يتنرفز بسرررررعه ولا يقدر يضبط اعصابه ...
طلع من الحمام ودخل للحمام ثاني يتروش ....
"""""""""""""""""""""""""""
(نرجع للمزرعه عند تولين وجوجو وطلال ...
جوجو سحبت تولين وهي تقول :~
يالله شرايج نروح نتمشى ورى المزرعه ...
-ؤكي يالله شورانا __^ ...
(طلعو بدون عباياتهم لأنهم بيروحون ورى المزرعه ومافيه أحد ...
وهم يمشون تولين تسولف ...
-جوجو شرايج بالجامعه نغير روتيننا شوي أحس اني مليت كل يوم على نفس الروتين ..
-يووووه هذا انتي توتي ماتواطنين الروتين !! بس يالله شورانا انتي قولي وانا وياج __^
-أمممممـ ماأدري مثلا نسحب على محاظراتنا وكل البنات ويانا ونفلها بالجامعه ..
-شلون نفلها يعني عطيني مثل ..
-ؤفففـ جوجو يالله عاد قاعده اتحجى من صجي وانتي تتريقين علي ..
-ههههـ لا بس يعني اقولج عطيني مثل عشان أفهم ..
-ماأدري نتفق ويى البنات ونشوف شبنساوي ... وأهم شي نسحب على يوم الأثنين ..
-وليش بالذات يوم الاثنين ...
-(ماتبي تقول لأنها اول محاظره للهم على الدكتور طلال وهي اللي تحاول تتجاهله وماعاد تكون قريبه منه
عشان تتعود من الحين على بعده وتحاول تنساه ...
-لا بس يعني يوم الاثنين ماأحبه موليه وعشان جذي قلت يوم الاثنين ..
-بس ماأبي يوم الاثنين دوري غيره ..
-(طالعت عيونها ثم قالت بهدوء وهي عارفه الاجابه بس تبي تسمعها احسن من جوجو :~
ليش !!!
-(ابتسمت :~ لأن الدكتور طلال علينا أول محاظره وبعد عشان سعدواعدني بشي ماأدري شنو !!
-سعد !!!
-أي سعد ماأدري يقول يوم الاثنين ابي اقولج شي ضروري مره...
-(تولين ماتدري ليش توقعت انه راح يفظح تولين عند جوجو بسالفة طلال ...
قالت بسرعه :~ لا انا قلت يوم اللاثنين يعني يوم الاثنين تبين تيين ويانا اهلين فيج ماتبين براحتج ...
-(جت بتتكلم بس طلال طلع عليهم وهو يصفق بيدينه ويقول :ْ
برافو برافو تولين بتعلم بنت عمي اسحبات لا وعلى يوم محاظرتي عندكم ...
وأطول محاظره بعد ...
(سكتو ثنتينهم مصدومات وبنفس الوقت توترو لأنه طلع عليهم وهم بدون عبايات ولا حجاب ...
بس طلال مالاحظ هالشي وهمه يفشل تولين على كلامها ...
-(كمل بنفس ابتسامته اساخره :~لا وبتنحشين الشله وياك بعد !!! ماشالله ... عموما براحتج .. بس بنت عمي لا تخربينها
مو جذي جواهر !!
-(بدون تفكير هزت راسها بايه وهي خاقه :~ أي ..
(تولين فتحت عيونها مصدومه من جوجو كيف انها فشلتها عند طلال ...
-(بس بكلمه من تولين قالت بغرورها :~ طيب من الأدب انك تشوفنا بدون عبايات ياريت تكمل حجيك اذا عندك بعد
مانكون بعباياتنا ولا !!!
-(طلال لاحظ هالشي وطاح وجهه ... صحيحي انه مايرضى وحده من طالباته تكلمه بهالطريقه بس مايقدر يقول شي
بما انه هو الغلطان ... تفشل ولف عنهم رايح ..
تولين ابتسمت بسخريه ولفت على جوجو وهي معصبه :~ جوجو ليش قلبتي علي جذي لهدرجه لعب بعقلج حبيبج ..!!
-لا موب على جذي بس ....
(لفت عنها تولين مقهوره .... بس جوجو مسكتها تحاول فيها ...
تولين سحبت يدها وهي تقول :~ خلاص عادي ماصار الا الخير .. بس خليني أدور لحالي شوي صج حاسه نفسي مخنوقه ..
-ؤكي ...
(تولين لفت من جهة الحصنه ....
وقفت عند الشبك وهي تطالعهم ....
نقزت الشبك بصعوبه بس كم بلوزتها نشب بالحديده وهي جوى عند الحصنه ...
تحاول تفكه بس ماقدرت حست وراها أحد لازق فيها ...
دقات قلبها علت وماقدرت توقف على رجولها عدل من الخوووووف ... خاصتا بهالظلام ....
(نروح للحفلة جينفر ....
فيصل وهو منسدح متكي بوسط البنات وعقله رايح من الوسكي اللي شربه ...
جينفر تطالعه وبفمها ابتسامة خبث تتلاعب ...
ريان نفس الحاله رايح عقله من الموقف اللي صار ومن بعدها جالس وهو يسكر وكأنه يبي يبتعد عن هالعالم
اللي مالقى منه أي راح هاو أي سعاده ....
يفكر بنارا ويزيد ...
بقلبه حقد وقهرررر منهم ...
ومن يزيد ليش يحرمه من ذيك اللحظه اللي تعتبر فرصته بما انه مايقدر يسوي أي شي ثاني مع
نارا وهو مريض ..
بذيك اللحظه كان بشخصيته وهو يحب نارا ... بس يزيد حرمه منها ....
نار تشتعل بقلبه وده يطفيها بس مايقدر ...
والشراب وسيلته الوحيده يبعد هالتفكير عنه ويروح للعالم ثاني بعيد عن همومه ...
جينفر جلست جمبه وهي تراقب بعيونها فيصل اللي رايح عقله من الشراب ... وهو بين البنات الاجنبيات ..
أما برهوم ودحوم واقفين يطالعون ريان صاحبهم اللي مايدرون وش صار عليه
وليش قاعد يسوي بنفسه كذا ...
دحوم :~ اقول برهوم ريان انا احس بينه وبين ذيج البنت الايمو شي ولا شرايك !!!
-اتوقع ولا ليش الولد ظرب ريان وأخذ البنيه معه ....
-طيب اذا كانو يعرفون بعض ريان ليش ينكر انه مايعرف البنت نـ .. وش اسمها !!
-مدري ولله بس فيها من كلمة نار ..
-هههههههـ الله يرجك لا وش نار مدري الظاهر رنا
-هههـ طيب وش علينا منهم خلنا بس نوسع صدورنا مع ذالبنات ..
-ياخي ولله مايعطونك ويه ...
-انا موب قاهرني غير ذاك الولد من يى بهالحفله وهو كل شوي مع بنت ..
-لا وحبيبته صاحبة العيد وهالقصر كله ...
-ياخي ياهو محظرظ بشكل موب صاحي ...
-الله رزقه بجمال واحنا ياتماسيح لنا الله بس خل عنك ..
-تماسيح بعينك أحنا حلوين بس البنات عميانات ماأدري شنو لاقين بذاك الأشقراني ...
-قلتها اشقراني منهم وفيهم عيل تبيهم ييون للعرب ..
-ياخبل ماعرفته انت !!
منو الاشقر !!
أي يامينون هذاك المغزلجي اللي ماترك بنيه بالجامع هالا وتعرف عليها ..
-لا تقول هو فيصل الظاهر
ايييييوا هذا هو ... ياخبل هذا ماله أصل بس عايلته امراتيه ...
-ؤما ماله اصل تتغشمر وياي انت ولا كيف ؟؟؟؟
-لا ولله صج معروف ان ماله اصل .. تلقاه ولد زنا من ذالأجانب اللي تارسه دبي ...
-ولله صراحه صدمتني بهالمعلومه ..
-امبلاك مدري وين عايش انت كل الجامعه يدرون ان ماله أصل .. ماتشوف كيف هايت ماوراه أهل
يربونه .. شف كيف مستغل وسامته ولا أحد وراه يسأل عنه .. ماغير حبيبته جينفر هي الوحيده اللي ملاحقته من مجان للمجان
تمووت فيه بس هو لعاااب وهي تدري عن هالشي بس مثل ماقلو لك الحب اعمى ....
-صراحه انت واحد داهي تونا داشين الجامعه وعرفت كل هالاخبار..
-تونا داشينها بعينك جم لنا من شهر واحنا بالجامعه يامينون ..
-هههت تصدق الايام سريعه ..
أي ولله صاج بهذي .. المهم لا يكثروتعال جدامي نروح نستهبل على ذيج الهنديه يعنبو جدها مازينها ...
-اخاف ماتعطينا ويه ؟؟؟
-تعال انا عندي اسلوب ... وش ناقصنا عن فيصل ...
(مامداه بحاكي الهندي هالا وهي لافه سافهته ...
دحوم فطس ضحك على برهوم ... برهوم تلعثم شوي مفتشل بس مسوي ماصار شي ...
(نرجع للتولين وهي واقفه وحاسه بنفس وراها ...
لما التفتت وهي متوقعه ولد وراها ...
بس الصدمه أكبر لما لقت ..
حصان واقف وراها وماتقدر تنحاش منه ...
تولين من النوع الخواااااف ماتدري وش تسوي غير انها تبكي علطول ....
رغم ان الحصان عادي بس واقف عندها ....
تولين يدها بدت تنتفض وهي تبكي من قلب وتردد على لسانها أمها ...
بهاللحظه طلال طب الشبك عندهم ثم مسك الحصان وهو مبتسم للحصان ....
التفت على تولين بس مانصدم من حالتها دامها قد بكت على حشره ....
-(تولين جلست على الارض بخوووف وهي ماقدرت تتحمل توقف أكثر من كذا رجولها ماعادت تشيلها ...
-انتي بخير ؟؟
-(مارت عليه بس حاولت تمسح دموعها بقوه وماتبي تبكي مره ثانيه قدامه زي المره اللي راحت ...
طلال التفت على يدها اللي رافعتها لأن الكم للحين معلق على الشبك ...
تقدم لليدها وهو يحاول يفك كم بلوزتها ....
تولين بهاللحظه تذكرت مايد وهو يحاول يفك بجامتها من حديده المرجيحه ببيتهم ...
وقفت عيان يقدر طلال يفك الكم .... حست بقربها منه وبقوووه ....
ماقدرت تشيل عيونها عنه ...
قريييييب مررررره منها ..
طلال حس بنظراتها عشان كذا توتر ماعاد قدر يفك الكم من الشبك ....
تولين تحاول تتنفس بصعوبه وهي ماتقدر تتحمل قربه منها اكثر من كذا ....
ودها تبعده عنها بس ماتقدر ...طلال بحركه غير متوقعه منه الفتفت على تولين وطاحت نظراتهم على بعض ...
لحظات صمت وهدووووووووووووووووء بين هالظلام وبعيد عن أي شخص ....
طلال بقلبه مايتخيل هالجمال اللي قدامه ...
حس بعيونها لمعه غريبه ...
وأصلا عيونها فاظحتها بحبها له ...
بس هو يبعد عن تفكيره هالأشياء بما انه دكتورها والمفروض مايشك بأي احد من طالباته هالأشياء ...
تولين تعبت موب قادره تتنفس من قلبها اللي تزداد سرعاته اكثر ... ودها الارض تنشق وتبلعها بعيد عن طلال بالذات ...
طلال أكثر شي جذبه لون عيون تولين اللي ماقد لاحظ لونها ابدا رغم انها سماويه فاااااااااتحه ...
تولين نزلت راسها ...
طلال توه يحس على نفسه رجع عيونه على كمها بيفكه بس من توتره شق الكم بقوه ....
شهقت تولين لأن بلوزتها هذي أحلى تمووووت عليها ...
تذكرت لما عصبت على مايد عشان بجامه ماتسوى وكيف هي الحين قالت بكل هدوء بعد ماقال طلال بالرتباك :~
ؤه ماقصدت معليش ...
-(ابتسمت بتوترررررر :~ لا عادي ...
لفت بتروح وطلال ماشال عيونه عنها ....
وبقلبه يسمي عليها من كل عين حاسد على هالجمال وانعومه اللي فيها ....
بس من رغم جمالها وهو معترف بهالشي الا انه تذكر جوجو والمسن وابتسم لأنه اشتاق لجوجو عالمسن ...
ماتوقع انه راح يتعلق بجوجو عالمسن وهو يحس انها بنت ثانيه ...
لأن جوجو من النوع اللي مايسولف وهاااديه ....
بس عالمسن مختللللفه وتعلق فيها من المسن ...
مايدري انها تولين مو جوجو ...
(نرجع للنارا ويزيد ....
بعد ماروشوها الخدامات ولبسوها نفس ملابسها اللي غسلوها ونشفوها ....
بناء على طلب يزيد ....
يزيد لما طلع من الشاور ...
تذكر نارا لما استفرغت عليه ...
ابتسم على شكلها وكيف ان معدتها ماتتحمل هالأشياء وهي عنيده تجرب كل شي ....
بس مصمم في قلبه انه يحميها من أي شي ..
حتى لو من ريان اللي تحبه وتموووت عليه ومحد وصلها للهالحاله الا ريان ...
يزيد يكره ريان لأنه السبب في تعاسة نارا من بعد اهلها ..اللي ماتعرفهم ولا احد يعرفهم ..
لما دخل غرفة الضيوف شاف نارا نايمه على السرير ....
طالع وجهها والاول مره يشوفها بدون كحل ...
شكثر هي تجنن بدون كحل ولا شي ...
جمالها بان رغم ان الحلق اللي مخرمته تحت شفتها وعند حواجبها مخربتها ومشوهتها ...
وحتى فيه على خذها خط أسود من جرح قديييييم ....
وحوالي عيونها اسود من التعب والحاله اللي هي فيها بهالحياه اللي عايشتها غلط بغلط ...
أشربيده على الخدم وهو يقول :~
ابيكم تحطون لها نفس الروج والكحل الكثير بوجهها ... وتلاقونه بشمطتها أكيد ...
الخادمات كشرو بوجيههم وكانهم يقولون لا كذا احلى من قبل تخوف ...
بس يزيد عطاهم نظره خلتهم يخااااوفون ويسوون اللي طلبه منهم يزيد ...
الخادمات يخاااوفووون حيل من يزيد وأصلا من جسمه كيف جثه وطويل يحسون برعب من هيبته ...
رغم انه طيب معهم بس اذا عصب عصب والكل يعرفه عدل من هالناحيه عشان كذا يتجنبون أي شي يخليه
يعصب ...
طلع من عندهم وهو مايتمنى يترك نارا بس مو بيده لأن وراها اهل اكيد الحين قلقانين عليها ...
تنهد من قلب وغطى يدينه بوجهه وهالشعر يتردد بأذانه ...
ذاكـ بس اللي لايمني جيتـــــــــه يلخبـــط كيانـــي ...
اللي بنبمظره ينشــــف دمـ قلبي في وريدهـ ...
قبل اشوفـــــــهـ اجمع له احلى القصــــــــــآيد والمعانــــيـ ...
وان لقيته ماعرفت اقولـــــه جمله مفيدهـ ...
الف مرهـ ... قبله اعد القصيده من لسانـــــي ..
ولنعن ابوه ان جيت عنده قمت اخربط في القصديه ....

(صوت الخدامه صحته من أفكاره بنارا ...
-خلاص بابا ...
(برم شفته وهو مستعد ينفذ اللي بباله ...
لما دخل وطالع وجهها ...
بقلبه يقول ...
أي هذي هي نارا ... بس موب نارا اللي احبها ...
تنهد وهو يبعد هالأفكار ويبدى بخطته ...
حملها بين يدينه بعد ماحط لها منوم بكاس مويه ...
ركبها السياره ومشى بطريقه للشقة اهل نارا ....
لما وصل ... نزل وهو رايح يدق جرس أول شقه بالدور الارضي ...
لما فتح له بزر صغير ...
-ياحلو ممكن خدمه منكـ وأعطيك هالدراهم ...
(الولد قال بسرعه :~ قول يمكن أقدر ..
-لا تقدر ... ابيك تروح للشقه رقم تسعه وتقولهم بنتكم نارا مصدومه بالشارع من زماان ...
-بـــس !!!! وكل هالدراهم عشان جذي ...
-يب __^ ... يالله بسرعه الحين ...انت تعرفها صح !!
-أي اكيد نارا بنت جيراننا شلون ماأعرفها ....
-طيب يالله بسرعه ساو اللي قلت لك عليه الحين ...
(لما رقى الولد .. يزيد بسرعه وهو يركض شال نارا وحطها بنص الشارع عالأرض ....
ركب سيارته وراح بعيد عنهم بس يراقب الوضع ...
(الدكتور محمد ابو مشاري ... لما قال له الولد الصغير ... ركض بسرعه لتحت ومعه مشاري ...
لما شافو نارا طايحه بنص الطريق ..
-(الدكتور محمد بخشونه :~ مشاري شل أختك ودخلها داخل ...
-(بتوتر :~ بس اخاف صار لها شي من الحادث ... والسياره انحاشت أكيد .. ماكو احد بالشارع ...
-(بحده اكبر :~ قلت لك دخلها داخل ونارا مافيها الا العافيه ... دخلها وبس ...
مشاري شال نرا بصعوبه لأن جسمه نحيف ...
يزيد حمد ربه ان خطته نفعت وبكذا مايقدرون يهاوشون نارا على تأخيرها لأنها علبالع=هم كانت مصدومه بالشارع ومحد درى عنها
الولد طلع يدور يزيد ... يزيد ابتسم على شكل الولد اللي يدور بالشارع ... تقدم بالشياره ثم وقف عنده وهو يقول :~
ممثل مبدع انت ههههـ ...
-(ابتسم الولد :~ افا عليك أي شي انا حاظر بالخدمه .... عطاه الدراهم ثم قال يزيد :~ عندك موبايل ؟؟
-أي أكيد وفيه أحد ماعنده موبايل هالأيام ..
أي فيه وليش مافيه المهم ... ابي رقمك يمكن احتايك بشي ثاني .... وشكلي بشغلك عندي وبتتجر ...
-(الولد ابتسم وهو يطالع سيارة يزيد الفخخخخمه والغاااااااااليه واظح عليها .... وهو يقول :~
أي واضح اني بشتغل عند واحد زقرت ...
-(ضحك يزيد ثم راح بعد ماتبدلو الارقام ونبهه ان السالفه تكون بينهم ...
(نرجع للأميرتنا ... أميــــــــــــــرهـ ...
جالسه بغرفتها بعد ماحققت أمها معها وين كانت وليش تأخرت .... بس تحمد ربها انو جراح مو موجود ...
جالسه على كرسيها تفكر في فيصل وكلمات القصيده ...
نفسها تفهم هو وش يقصد ..!!!
حاولت تفسر هالمعاني ومقصده بس الظاهر مع التفكير غلبها النعاس وهي على الفراش تفكر ...
غمضت عيونها بهدوء ونامت بعيد مع أحلامها ...
(بالمزرعه ....
-ماما يالله خلينا نروح ...
-(بصوت واطي :~ شفيج تولين !!!
-لا بس تعبانه خلينا نرد ...
-اصبري اصبري شوي عالأقل نكمل الساعه ...
(برمت شفتها متضايقه من اللي صار تو .. وبنفس الوقت تحس بداخلها فرح من الموقف ...
(في اليوم الثاني ....
الصبـــــــــــــــــــــــآح ...
في المستشفى ...
ليان فتحت عيونها ببطئ وهي تحس بألم فضييييع بجسمها ...
التفتت على اللي حاط راسه جمبها ونايم وهو على الكرسي ...
استغربت مين ووش صار لأنها ماتذكر شي من بعد الحادث ....
رفعت نفسها بصعوبه ....
مدت يدها بعد تردد ولمست كتفه وهي تقول بصوت مو واظح أبدا :~
منو .... !!!
(صقر رفع راسه اللي يعووووره من السهر امس وهو يطالعها ...
فرك عيونه بعدين طالعها ...
ليان بعدت نفسها شوي بخوف وقلبها بدت تزداد دقاته ...
صقر شاف حركتها كيف هي خايفه حيل منه ....
كبت قهره من حركتها وقال بابتسامه مصطنعه بسبب توتره :~
-الحمدالله على سلامتج ...
(ساكته وهي تطالعه ... رفعت المفرش وغطت نفسها فيه عدل وكأنها تحمي نفسها من صقر ...
صقر مد يده ليدها يبي يطمنها انو ماله داعي خوفها منه ...
بس بحركه سريعه بعدت يدها بخوووف منه ... نزلت راسها ماعاد تبي تطالع وجهه وتتذكر ذيك الصبحيه الشيييييييينه واللي كانت يوم
سيئ لها ...
صقر تنهد مايدري وش يسوي ....
-ليــــــان ...
من مواضيعي

0 أب ينصح أبنه .. خلونا نشوف هالنصيحه
0 قصيده ياصاحبي طالبك .. يوتيوب ..
0 مُنً يَقَؤلْ إنً آلْشٍشَدآيَد مُآلْهآ غيَر آلْرجًآلْ ؟! . . ~
0 في ساعة الضيق ياكثر اللي تناسوني !!
0 أب ينصح أبنه .. خلونا نشوف هالنصيحه


  رد مع اقتباس
قديم 04-21-2011, 01:11 AM   #32
حويراتي مميز
 
الصورة الرمزية ؛؛ ][ .. مـدمـنت نـــت .. ][ ؛؛

؛؛ ][ .. مـدمـنت نـــت .. ][ ؛؛ غير متواجد حالياً
افتراضي

-..........................
-(مايدري وش يقول ....
تلعثم بكلمات وتمتمات بس تأكد بالنهايه انه ماعنده أي شي يقدر يقوله لها او يحق لها يقوله بعد اللي سواه فيها ...
ومايقدر يقول غير :~
ليان شتامريني فيه انا حاظر ...
-(بسرعه منها قالت :~ أطلع ...
(التفت عليها بسرعه وهو مصدوم كيف للهدرجه البنت تكرهه ولا تتحمل قعدته معاها لو ثواني ...
-وين بتروحين ...
-...........................
-طيب انا بوصلج المكان اللي تبين تروحين له ....
-...........................
-(وهو يفرك بيدينه بقل صبر لأنه مايتحمل أحد يسفهه .. بس هالمره يتحمل عشانها ليان مو أي احد ثاني ...
-طيب انا بوصلج للبيت أهلج ...
-(لما قال أهلج .... ليان ماقدرت تتحمل أكثر ... انفجرت من القهر وبالنسبه لها ان صقر هو السبب خلاها
تتأخر على أمها ولا عطتها الدوآ بذاك اليوم ...
-(ناظرته بقهر وقالت بصوت ملياااان حقد وكرررررررره :~
أهلي !!! أهلي !!!! أهلي اللي حرمتني منهم ..!!!
أمي اللي هي عندي كل أهلي حرمتني منها .... راحت وتركتني بسببك بسببك انت...
بسببك صرت وحيده أكثر من قبل ...
لا أهل ... لا رفيجات ..لا أخوان .... لا ناس يهتمون فيني أو يرعوني .. وأنا من مجان للمجان ادور لقمة عيشتي ...
حرمتني من أمي أهم شي بالدنيتي ... وحرمتني من انسان تمنيته من قلبي بس بسببك صرت
اكره كل ريال جدامي ... بسببك انت أكره حياتي اكثر من أول ...
وش تبي مني أكثر .. وش تبــــــــــــــي ... حرام عليك انا شساويت لك ...
ليش سويت فيني جذي ... ليــــــش ..
انا ماساويت لك أي شي ...
وحده بحالها ولا قد تعرضت للأي أحد تحط دوبك بدوبها ليش ...
موب حرام عليك ضيعتني جذي ...
لا بيت لا أهل لا دراهم تلبس وبالويل الاقي عيشتي بالاكل ...
وبعض الأحيان أظطر أدور ببقايا المطاعم في كيسهم ...!!!
هذا اللي انت تبيه هذا
...
(ليان ماحست بنفسها الا والدموع تنزل وهي ماتحس ....
صقر مجمد مكانه مايدري وش يقول ... يصدق الكلام اللي قالته ولا وش يسوي ..!!!
ومنهو الشخص اللي تمنته وهو حرمها منه !!!
ليان نزلت راسها بين رجولها وهي تبكي من قلب .... ماتدري وش تسوي بهالحايه اللي مالها أي قيمه ...
مستقبلها ضاع بسبب صقر ...
أمها راحت وبالنسبه لها بسبب صقر ...
الشحص اللي تمنته راح منها بسبب صقر برضو ...
شرفها كان راح يروح بسبب صقر ...
:::::
رفعت راسها وهي تقول بين دموعها ووجهها الاحمرررر :~
وكملتها بعد لما جبتني للمستشفى ... ليش ماتركتني أموت ...
ليش تبيني اذوق العذاب بهالدنيا ...
ليش ماتركتني أموت أحسن من هالعيشه اللي تلوع الجبد ...
(صقر يحس بأنفاسه تتصاعد ..
ليان دخلت الحمام وصقعت بالباب بقوه وهو يسمعها تبكي بقوه ومن قلب ...
صقر بلع ريقه وهو يحس بغصصصصه من اللي سمعه ...
كـــــــــــــــــــــــــــــــل هذا سويته فيها وانا ماحسيت بروحي !!!
مايقدر يسوي أي شي ...
والحركه الوحيده اللي سواها ...
هو أنه قام وطلع من المستشفى كله ...
يمشي وهو يحس انه وحيييد ومافي أي أحد حواليه ...
ركب السياره وه لحد الحين سااااكت وهاااادي ...
لما وصل البحر كعادته اذا حس بضييقه ....
نزل من السياره وهو قدام البحر ...
ليــــــــــــــــآن ....
ماأدري وش أقولج ... مـــــــــــآأدري شنو اساوي !!!
مآأدري ...
بس اللي اعرفه اني واحد **** مايحرم ...
ياريت تقدرين تسامحيني ... ياريت ...
(مجموعة شباب سكرانين جو يتريقون عليه وهم مو بوعيهم ...
صقر موب رايق لهم بس هم تمادو شوي وقامو يدفونه ....
لف عليهم صقر وطلع كل حررررررررررته وقهره فيهم ...
مسك واحد واحد وطاح فيه ضرب ...
الكل على الأرض وصقر معهم منسدح من التعب ....
جلس وهو يمسك راسه يبي ينسى ليان بس مايقدر ...
-(بصوت عالي شوي وحالته تروع :~ ليــــــــآن ... ليش طلعتي بحياتي ...
ليش ليــــــــــــــــــــــــش ...
سامحيني ... سامحينـــــــــــــــــــــــــــــي ....
(وجهه أحمررر بس يتمنى لو يبكي عشان يطلع الكبته والضيقه اللي بقلبه ... حاس انه مخنووووووق ومو قادر يطلع هالخنقه ...
""""""""""""""""""""""""""""""""
(تولين لما قامت صباح يوم الجمعه ماوراها جامعه ....
نزلت تفطر ...
ولقت امها جالسه على الكنب وقدامعها أوراق كثيره وهي لابسه نظارات وتشتغل على هالأوراق ...
تولين بقلبها تتأفف وتقول :::
مرضين نفسيا مره ثانيـــــــــــــــــه !!!
(ابتسمت امها لما شافته وهي تقول :~ تولين أفطري شفيج واقفه ...
-ماما أول شي يسعد لي صبااااحك ياعسل ....
(وجلست جمب امها وباستها على خدها ... ثم كملت :~
وثاني شي ... ياماما ياحبيبتي .. من صباح الله مريضين نفسيا ...
-هذولي يهموني مثل ماأنتي تهميني ...
-ماتخافين منهم !!!
-هههههـ الله يخس بليسج ... لا أبد هذولي مثل عيالي ...
-طيب مافيه حلات تخوف شوي ...
-الا فيه حالات تنخاف منهم ... لأنهم فجأه ينقلبون عليج ...
-شلون !!!!
-هذولي يتسمون انفصام الشخصيه وهو مرضهم ....
-ليش عندج مرضا جذي !!!
-أي ثنين ...
-صج !!!!
-أي تعالي وأعرفج عليهم ...
-(عقدت حواجبها بروعه :~ لا لا شنو الروح وياج بسم الله علي ... أنا بالويل استحمل اللي عقولهم كامله ..
عاد تبيني اتحمل اللي عقولهم على قد يهالهم ... لا واللي يعافيج بعديني عنهم احسن ....
(ابتسمت وهي تقول :~ عيل روحي عن ويهي خليني انتهي من شغلي بروح بعد شوي للمستشفى واذا تبين
تيين تقدرين تيين بأي وقت ...
(وقفت وهي رايحه للطاولة الفطور :~ لا اييج ولا شي ... بس انتي اللي تعالي وياي يوم من الايام للجامعه ...
ولله وناسه لو تيين وياي ... على الاقل ماأقعد ويى ناس حدهم طالعين من خشمي ...
-افا بس افا يابنتي عيب عليج وش هالحجي عن رفيجاتج ..!!!
-خليها ع ربج بس ...
-أي صح بقولج عن مايد ...
-وييييييييييع شنو ياب سيرته هذا بهالصبح ...
-تولين ترى بزعل عليج ...
-خلاص خلاص سكت ... ايوا شنو فيه السيد مايد ...
-بيسافر برى يكمل دراسته ...
-فكه ...
-توليييييييين ...
-(وهي تضحك :~ ولله اسفه اسفه موب قصدي بس طلعت غصب علي ...
-المهم انه بييي اليوم هو وخالتج عازمتهم أنا ...
-وانا طبعا ماراح اطلع لكم ..
بتطلعين غصب عليج ..
-مامآآآآآآآآآآآآ 
-بلا ماما بلا هم .... بتطلعين غصب عليج ... هذي اخر مره تشوفينه فيه ...
-(بصوت واطي :~ الساعه المباركه ماعاد اشوف ويهه هالغثه ...
-شقلتي ...
-لا سلامتج ماما __^ ...
""""""""""""""""""""""""""""""
نارا فتحت عيونها ببطئ وصعووووبه ....
آآآآآآآآآآآآآآآآآآي راسي ... آآآآآححححـ .....
شنو هذا ...!!!
(تحاول تتذكر امس شصاير بس ماتتذكر ...
وهي بالحمام تتروش ....
تتذكر لية امس ... وهي مع ريان بالحديقه وشنو اللي قالها اياه ...
(كشرت وهي تقول :~ وهذا علباله خايف على مصلحتي يعني ..؟؟؟ ...
(تذكر ت يزيد وكشرت اكثر ...
ؤففففففـ ناس تقرف وربي ... بكل مجان الاقيه ....
ولله لو يزيدها وياي بملاحقه لا أراويه الشغل على اصول ...
متعود علي اسكت له بس ولله ثم ولله لو اشوفه مره ثانيه جدام عيوني لا أشرشحه شرشحه جدام
اللي سوى واللي مايسوى ...
قلة حيى ولله ...
لما انتهت ...لبست الروب وطلعت من الحمام ...
بس تفاجئت لما شافت مشاري جالس على سريرها ...
رفع عيونه يطالعها ...
-(بهدوئها المعتاد :~ ماتقدر تنتظر لين ما ألبس لي لبس ... زوي وانا ماأدري تدخل علي جذي وتطالعني ...
عدال لا تاكلني بعيونك ... استح على ويهك واطلع برى غرفتي ... قلة حيى ولله بذالعالم ...
الله يقرفكم كلكم ...
(وقف مشاري وهو يتقدم لها ومبتسم ...
-تدرين انج أختي وبنفس الوقت موب اختي ...!!! صح ....
-(مطنشته وهي تدور بدولابها على بجامه ...
-(ابتسم بخبث ولزق فيها من ورى وهو يقول بصوت واطي :~
علطول خليج جذي بدون أسودج وكأآبتج ذيج .... جذي انتي قمه بالجمال ...
(وهي تصك على اسنانها بقوه .. كيف انم شاري رجع بقلة حياه مره ثانيه معها وكانها موب اخته ...
نارا تحاول تضبط اعصابها ...
-(بتمادي من مشاري :~ خلينا ننسى اننا اخوان بالتربيه ويى بعض لو دقيقه وننسى الدنيا ومن فيها ....
خلينا نعيش حياتنا للحظات بس ...
انا اسليح وانتي تسليـــ ....
(ماأمداه يكمل كلمته الا والتفتت عليه لما طلعت من رف دولابها مبردها الحاااد وشقت به وجهه من فوق ....
-(صرخ بقوه من الألم :~ آآآآآآآآآآآآآآآآآه ياجلبــــــه ....
(لمس فوق حاجبه عالجرح ولقاه ينزف دم وبقوه بعد ...
طالعها بعيوووون كلها كره وحقد ...
-يالمتوحشه يالمريضه يالكئيبه ... مينونه انتي مينونه !!!!!
(تنهدت وهي تتأفف وبنفس الوقت راضيه على اللي سوته فيه ...
وبقلبها يستاهل اكثر وهذا موب شي ....
(مسكها مشاري مع يدها بقووووه وهو يقول بتهديد وحقققد :~ ولله تندمين على هالساعه اللي مديتي يدج علي فيها
يابنت الشوارع ... ياللي مالج اصل ....
(نارا هااااديه ولا كأن يدها تعورها من مسته القويه لها .... بالنسبه لها تعرف آلاآم اكثر من انها تتألم عشان مسكة يد بذراعها ...
لما تركها وطلع ...
ابتسمت والأول مره ... بس بينها وبين نفسها والأول مره ...
ابتسامه فيها نوع من السخريه على مشاري وعلى عامة الناس اللي تحقرهم وتعتبرهم حثاااااااله وأنانيين ومن بينهم أمها وأبوها ...
والدكتور محمد ...
""""""""""""""""""""""""""""""""
فيصل وهو نايم بغرفه من غرف قصر جينفر وجمبه جينفر نايمه ...
فتح عيونه بصعوبه وبرضو فيصل راسه يعوره وكل أبطالنا من ذيك الليله الطويله والمتععععبه وللبعض مؤلمه وللبعض
غير معنيه وروتينيه ...
لما لقى جينفر جمبه نقز من السرير وهو متقرررف ....
-هذي شنو يابها على سريـ .....
(سكت وهو يطالع المكان اللي هو فيه ..
ذكر ليلة امس كي انه سكر فيها كثيييييير ....
لبس بلوزته بسرعه وطلع وهو يلعن جينفر بقلبه ....
صحيح مغزلجي درجه أولى بس عمره مانام جمب بنت ....
وهو يمشي بالشارع رايح يركب سيارته ...
مسك راسه اللي يعوررررره وبقووووه ....
-آآآآآخخخخـ .... هالجلبه ماوقفتني امس عن الشرب ....
بس عارفج عدل ليش ماوقفتيني عن الشرب ... انا الروايج ياجينفر ... شغلي وياج يوم الأحد بالجامعه ...
(لما ركب سيارته وهو رايح للشقته ....
مر على البحر ... فكر لو ينزل ويشم له شوية هوى لعل وعسى يصحصح راسه من العوااار ...
جلس قدام البحر ...
وتفكيره رايح وجاي على وتين وعبادي ...
أمس عبادي ماجى بالحفله ....
أكيد هو ووتين عايشين رومنسياتهم !!!!
(حس بضيييقه .. التفت شوي بس استغرب لما شاف شاب متكوم على نفسه بدون حركه ...
راح يشوف وهو يقول :~
اقدر اساعدك أخوي !!!!
-(صقر رفع راسه لأن هالصوت موب غريب عليه ...
بس كل الثنين انصدمو لما شافو بعض ...
صقر !!!!! فيصـــــــل !!!
(كل واحد منهم تأفف ... فيصل لف بيروح بس وقف يقول لصقر :~
طالع الجو شلون بيمطر ... احسن لك تمشي قبل لا تمطر ....
-(تنهد ثم قال بسرعه :~ فيصل ....
(التفت عليه وهو يقول :~ هلا ...
-مشغول !!!
-لا ...
-طيب شرايك نروح لمقهى رايق ... ونمخمخ روسنا شوي بالشيشه !!
-(بقرف :~شيشـــــــــــــــــــه !!! ولله انك شايب ...
-(وقف وهو يقول :~ أمش بس وجرب انت ...
-ليش انت قد جربت الشيشه ...
-لا بس ابي اجربها اليوم ....
-لا موب لازم تبي زقاره عطيتك اما شيشه الله يلوع جبدك مانيب رايج وياك ...
-ؤفففـ يالييييييل الخكر ياناس .... اقول بتمشي وياي ولا أروح ...
-(رفع حاجبه بعدم اهتمام :~ روح حد ماسكك ...
-(برم شفته ثم قال :~ خلاص بلا شيشه بلا هم عطني زقاره وخلنا نروح للأي كافي ...
(ابتسم فيصل ثم مد له الزقاره ...
-ولاعه طيب ...
-(فيصل معه بس حاب يطلع صقر من جو الكأآبه شوي :~ دبر نفسك ...
-(طلع الزقاره من فمه وهو يقول :~ بذمتك تستهبل وياي ولا شلون !!!
-لا من صجي مامعي ولاعه ...
-زقاير بلا ولاعه !! شتبي انت ..؟؟
-ولا شي __^ ...
-ؤففففـ بس ... بلا زقاره بلا هم ...
(رمى الزقاره ووطاها برجله وهو يقول :~ عندك اسلوب كيف تسد نفس الواحد من طل شي ...
-هذي مدحه __^ ...
-(التفت عليه يطالعه شوي ..... وهو حده طفشااان ..... بس مايدري ليه قلبه نغزه وبقووووووه ...
حس بقلبه راح يطلع من مكانه ....
شبـــــــه عظيييييـــــــــــــــــــــــــــم بينه وبين ليان ....
ياليييل انا شفيني بديت اتوهم هالبنيه بكل مجان ..!!!!
فيصل عقد حواجبه ومستغرب من نظرات صقر .... أشر بيده وكأنه يقول هيه شتطالع !!!
وخر هيونه صقر وهو يتعوذ من الشيطان اللي خرف بمخه وحسسه ان ليان قدامه بس بهيبة ولد ...
-طيب ودنا للأي مجان ابي اغير جو ...
-(ابتسم فيصل :~ الحال من بعضها ... وأحسن شي لنا نغير فيه جو جامعتنا ...
-(بقرف :~ شنــــــــــــــــــــــــــــــــــــــــو !!!!
-(ضحك بصوت عالي :~ ههههههههههههههههههههاااي ... شفيك اخترعت ياريال !!!! أتغشم روياك بسم الله علي بس ...
امش امش بس نروح للأي كافي جدام البحر أحسن حل ...
-يبتها ولله ... يالله مشينا ....
""""""""""""""""""""""""
أميره طالعه من الجامعه وهي منتهيه من اوراقها اللي سجلت بواسطه لأنها من نص السنه ....
وهي مبتسمهوتقول بقلبها :~ ولله وصرت بين يديني يافصووووول ...
نشوف شنو تاليتها وياك ...
صدمت بواحد .... لما رفعت عيونها متعوره من جشمه وهي تقول :~
ماتشوف انت !!!!
-(رفع حاجبه وهو يقول :~ تعدلي وياي وتحجي عدل ....
-(وهي تتخصر بطنزه :~ ليه ومنو تكون حظرتك !!!
-دكتور بالجامعه ... واسمي الدكتور طلال ....
-(بلعت ريقها وهي تقول بقلبها ....
حتى الدكتور مزيون !!!! ياليييل ليل هالجامعه ...؟؟ بتييب لي الشيب من هالمزايين ولله !!
-ؤه معليش موب قصدي ولله __^ ...
-لا ولو..... بس المره اليايه طالعي طريجج احسن __^ ...
-انشالله دكتور __^ ... الا شنو تدرس ؟؟؟
-ليش انتي طالبه هني !!!
-(بقلبها ... لا هناك ....يعني شايفني هني ومعي اوراق شرايك يعني ... ولله عالم تتفلسف ....
-أي نعم هني __^ ...
-(الدكتور مستغرب من حركات اميره كنها بزر جدامه تستهبل وكل شوي تبتسم بقوه بعدين تروح الابتسامه بسرعه !!
خبله ذالبنت ...
-طيب ماقلت لي شنو تدرس !!!
-أدرس قسم الـ ......... مادة الـ .............
-(وهي تصقعه مع كتفه بدون ماتحس مسويه ميانه :~ يووووه قهر عيل ماتدرسني !! يالله خيرها بغيرها أخوي ...
(رفعت عيونها عليه وهي تشوفه كيف يطالعها مصدوم من حركاتها والميانه عليه ...
حست على دمها شوي فبتسمت بتوتر وهي تقول :~
ولله ان الشغل ذابحني ولين فوق راسي ولا جان الود ودي ايلس وياك أكثر شوي ... بس تعرف الاشغال والدنيا الله يعيننا بس ويعيين اخواننا المسلمين ...
(لفت وراحت عنه ..... طلال مصدوم بالدبايه بس فجاه فقع ضحك عليها ,,,,
وش تحس فيه ذالبنت !!!!!

أنتهى البارت ...
من مواضيعي

0 جمانه الشغاله .. !
0 مُنً يَقَؤلْ إنً آلْشٍشَدآيَد مُآلْهآ غيَر آلْرجًآلْ ؟! . . ~
0 الليله ب 9000 ريال " قصه حدثت في شات البلياردو
0 أب ينصح أبنه .. خلونا نشوف هالنصيحه
0 أحسس أني طفششت


  رد مع اقتباس
قديم 04-21-2011, 01:12 AM   #33
حويراتي مميز
 
الصورة الرمزية ؛؛ ][ .. مـدمـنت نـــت .. ][ ؛؛

؛؛ ][ .. مـدمـنت نـــت .. ][ ؛؛ غير متواجد حالياً
افتراضي

البــــــــــــــــــــآب الرابع ...
الجزء الـــــــــــــــــــــأول ...


فيصل وصقر ساكتين بدون أي كلمه ....
كل واحد وبهمه مايدري وش يسوي او شنو يقول للثاني ....
بعد صمت طوويــــــــــل ...
-صقر :~ فيصل ....
-هلا ...
-لو وحده انت طفشتها من حياتها ودمرت لها عيشتها شنو راح تساوي عشان تسامحك !!!
-هه أقل شي بساويه أعتذر منها ...
-طيب الاعتذار ماراح تقدر تنطقه من اللي ساويته ... بعطيك مثل ... انت بالنسبه لها خسرت عايلتها بسببك وراحو بدون رجعه ...
شلون بتقدر تنطق اسف على اللي ساويته ... كيف لك ويه تقول جذي !!!
-(تكتف وهو يفكر ثم قال :~ حالتك صعبه هه ... طيب بدور أي طريقه عشان ترضى ...
يعني مثلا ماراح اتركها تروح من يديني ابد ... هذا اذا كنت احبها ... بس ولله اذا ماتهمني ..
راح اعتذر سواء وافقت على الاسف ا ولاء ... على راحتها ...
اما اذا كنت احبها .... يمكن ماراح اخليها تروح من يديني ...
بس تدري .. انت تسأل الشخص الغلط .. شخص مايعرف شي اسمه الحب ... وفاشل فيه ...
دور احد ثاني تسأله .. هذا من رايي ...
-لا يكفيني جوابك .. اني ماأتركها ... وانا فعلا ماراح اهدها بحالها ...
-(رفع رجوله على الطاوله ثم قال :~ طيب صقر ... ماودك تطلب لنا شي ...بما اني انا المعزوم !!!
-(طالعه ثم قال :~ اعذرني مانتبهت ... فكري مشغول شوي .. هاه شتبنا نطلب ...
-ممكن اسألك سؤال قبل كل شي ...
-تفضل ....
-البنيه هذي اللي تتحجى عنها تو .... انت تعرف وينها اليحن !!!
-(سكت شوي ثم قال :~
تقريبا ...!!
-كيف يعني ...
اهي بمجان ماراح تطول فيه ...
-واذا طلعت من هالمجان بتعرف وين بتكون بعدين !!!
-(صقر توه يلاحظ ثم قال :~ لا ...
-عيل انت مينون ... البنت بتروح من ايدك وانت يالس هني ...
-(بلع ريقه شوي اللي نشف ....
وقف بسرعه وحط يده فوق كتف فيصل وهو يقول :~ أطلب اللي تبيه على حسابي ... فيصل ماراح انسالك هالمعروف ...
-(غمز له وهو يأشر له انه يروح بسرعه )
نصح صقر ولا يدري شلون ينصح نفسه ....
خسر أهله اللي ربوه ...
خسر صاحبه الغالي بسبب خيانه ...
خسر حبه الأول بسبب أعز انسان له ...
وبقى وحيد بدون أي شخص يسند ظهره عليه ولو ثواني ...
صقر ترك فيصل بهمه وهو علباله فيصل انسان مستانس بحياته ...
(من جهه ثانيه ...
ليان تجمع طاقتها وهي تحاول توقف على رجولها تبي تطلع من المستشفى ...
لما وصلت البوابه ... لفت تطالع المكان اللي هي فيه بالشارع ...
بس هي ماتدري وينها ... المكان مرررررررره رااااقي والمستشفى اللي كانت فيه جدا جدا راقي ...
توهقت ماتدري شلون ترجع للحارتها الفقيره ....
لما مشت كم خطوه بالرصيف ...
شدتها يد بقوه من كتفها ...
وهي متعوره رفعت عيونها على صقر اللي واقف قدامها وهو يقول :~ وين رايحه ...
-(كل ماشافت صقر لازم دقات قلبها تزيد اكثر وأكثر ... لفت بتروح بس صقر جرها بالشارع وركبها السياره غصب عليها ...
ليان التفتت عليه وهي تقول بخوف :~ على وين ماخذني !!
-(شغل السياره وهو يقول :~ على اللي تبينه .. بس انا لازم أكون أعرف انتي وين عايشه ...
-ماراح اقولك ...
-بتقولين غصبن عليج ...
-.........................
-ليان ردي علي ....
-بنفس الشارع اللي لقيتني فيه ...
-انا ابي بيتج ...
-ماعندي بيت ...
-(التفت عليها مستغرب ثم قال :~ شلون يعني !!!
-قلت لك ماعندي بيت ...
-عيل وين تنامين فيه ..
-....................
-ليان ردي ...
-..........................
-ؤففففففففففـ انا صبري نفذ ... (لف بقوه للشارع ثاني ومشى بسرعه اقوى ... الرتاعت ماتدري وين بيوديها ...
لا يكون بسوي نفس حركته اللي قبل ....
لا مستحيل .. بس يمكن ليش لاء ....
(صقر لما وصل عند قصــــــر كبيــــــــــــــــــــر .. وهو بيته هو واخوه ...
التفت عليها وهو يقول :~ يالله نزلي ...
-....................
(مافي فايده من هالبنت ... نزل بسرعه وسحبها من السياره للداخل ... كانت بتصرخ بس سكر على فمها وبقوه وشالها ...
فكر بخوف لو يكون اخوه عبدالمحسن موجود وشاف هالبنت بين يدينيه .. ولله بيذبحه على هالتصرف ...
لف من الباب اللي ورى ... ودخل منه لين غرفته ...
لما وصل غرفته دخلها وهو يقول ... لا يطلع منج أي صوت فاهمه ... انا شوي بروح اشيك عالبيت وأرد لج ...
ليان خاااااايفه يسوي لها شي هالمجنون ...
صقر يبيها تسامحه بس الظاهر .
بدل مايكحلها قاعد يعميها ...
قفل الباب وراه ثم نزل يدور على عبدالمحسن وعرف انو مو موجود الحين ..
لما سأل الخدامه قالت انه مارجع للحين ...
راح للغرفته .. وهو يفكر بتصرفه هذا اللي مايدري ليش تصرف كذا ...
دخل غرفته وهو منزل عيونه مايطالعها سكر الباب بعده وهو يقول :~
اذا ماعندج بيت تنامين فيه خلاص نامي هني (هو قاصد يقول هالكلام عشان تقول وين بيتها ) ...
ليان ماردت عليه .. وهي ساكته ...
هالبنت مامنها فااايده ابدا ...
قرب منها أكثر وهو يبيها تخاف وتعترف وين هي ساكنه ...
بس البنت تبتعد وماتتكلم ...
صقر وصلت معه ... لف عنها يفكر هالبنت وش يسوي فيها مايدري ...
واخيرا قال :~
طيب بهدج بس على شرط ...
-....................
قلت علج على شرط قولي شنو ولا بتيلسين هني ومافي طلعه !!!
-شنو ...
-(صحيح صوتها بالويل ينسمع بس اهم شي انها ردت ...
تنهد وهو يقول :~ هذا كرتي .. فيه عنواني ورقمي وكل شي يخصني ... ليه وياج وأي وقت تحتاجيني دقي علي او تعالي على هالعنوان ..
(طبعا العنوان موهالبيت .. لا بيته الثاني وهو عباره عن شقه فخـــــــــــمه قريبه من الجامعه ...
مد لها الكرت .. وبتردد خذته لأن هذا الحل الوحيد تفتك منه وتطلع ...
لما خذته وقفت وهي تقول :~ والحين ابي اطلع ...
(سكت وهو ماوده انها تروح من قدامه ...
عطاها ظهره عشان تطلع براحتها ...
لما وصلت الباب لفت عليه وهي تقول بصوت خفيف :~
ماأدل الطريج !!!
-(ابتسم عالخفيف والتفت عليها ... مسكها مع يدها وهو بنفس الوقت مستانس انها طلبت شي منه ..
رغم ان طلبها عفوي بما انها في بيته ....
انصدمت من حركته وهو ماسك يدها ويمشون ...لما طلعو من القصر وقف وهو يقول :~
انا اوديج للشارع نفسه اذا ودج ...
-(اكتفت انها تهز راسها بالموافقه ...
(فتحت الباب وركبت ورى ... حس بقهر من حركتها بس سكت وسلك للوضع ...
مشى بالطريق وهم ساكتين ... وصقر كل شوي يسرق نظره لها من المرايه ....
بس ليان كانت تطالع الشباك وسرحاااانه بهمومها ...
"""""""""""""""""""""""""""""""""
تولين جالسه وهي حاطه رجل على رجل وتطقطق بالجوال ومو لم لا أمها ولا خالتها ولا مايد ...
مايد كل دقيقه يطالعها وبنفس الوقت متنرفز من حركاتها وكأنهم مو موجودين عندها ...
سكت ولا تكلم ... بس خالتها قالت :~
تولين شفيج بعيده عننا وساكته .. تعالي وتحجي ويانا ,,, ولله القعده بدون سوالفج ولا شي ...
-(ابتسمت تولين اللي تموووت على خالتها بعد ... قربت منهم وهي مبتسمه وتقول :~
يالبا قلبج ياخاله بس .. بس انا زعلانه عليج ..
-افا بس افا لييش ...
-كم لج ماييتينا ..!!
-وليش انتم ماتيونني ..!!!
-مايد :~ هههـ أي ولله أمي دوم قاعده لحالها وانتو السايق عندكم بأي وقت وينكم عننا ...
-تولين :~ ولي شانت ماتييبها .. ولد ببلاش !!!
-انا ماقصرت وياها كل ماقالت ودني عندهم يبتها لكم .. طيب قولي لي شلون صالتنا !!!
-تتغشمر وياي !!!
-لا من صجي .. يالله جاوبي !!!
-أمممممـ بيج ...
-(ضحكو عليها كلهم ... تولين استغربت وش فيهم ... كمل مايد كلامه :~
شفتي انج انتي القطوعه ... كل مايتنا امج ماتيينا انتي .... ولون البيج من أي عهد صابغينه ...
-(مافهمت شي بس مقهوره منه ومن فلسفته عليها لأنه حجر لها ..)
-ياطويلة العمر لون صالتنا غيرناها وصبغناها بلون بيذنجاني ...
-ياااي شكله طلع حلو _^ ..
-انتي تعالي وشوفيه ... وبما اني بسافر خلاص ماعاد فيه شي يمنعتج من الييه عند امي ولا ؟؟
(كلهم سكتو من ذبة مايد على تولين ... تولين ماتدري وش تقول .. تلعثمت لأنه بجد أحرجها قدام امها
وخالتها ... حست بقهر كبييير منه ... شكثر تكرهه هاللآدمي ماتدري ليه ...
ابتسم مايدوالتفت على خالته أم تولين وهو يقول :~
اقول خالتي ...
-لبيـــه ياولدي ..
-شرايج تروحين وياي للايطاليا وتدرسين وياي ...
-عيل بتروح للايطاليا وانا حسبالي دوله ثانيه ...
-تولين :~ عيل شنو بتصير عندهم باللهجه .. هندي يمكن هههههـ ...
-أم تولين :~ ليش !!!
-تولين :~ وه بس هذولي أحلى مافيهم لهجتهم ...
-أم مايد :~ وه بسم الله على ولدي كله يهبل .. لا حجياته ولا شكله ولا اخلاقه ... الله يحرسك ياولدي بس ..
-(مايد التفت على تولين وهو مبتسم ويطالعها بنظرات زي اللي لقطي وجهك ...
تولين تنرررفزت أكثر وأكثر من الوضع بينهم ... وقفت وهي تقول ..
-عن أذنكم بروح احاجي رفيجتي شوي ...
(لما راحت مايد وقف ولحقها .. طلع للحوش بس مالقاها ... لما التفت بيروح سمعها وهي تتكلم بالجوال وتقول ..
-الحين انا ابي افهم انتش ناوي عليه ويى جوجو .... أي هي قالت لي انك تبيها بموضوع يوم الاثنين ...
لا تقولي ولا شي .... كيف يعني موضوع خاص .... سعد لا تتلاعب وياي انا قلت لك عن سالفة لأني وثقت فيك ومابيك تقول
لجوجو أي شي ..كنت ابي نصيحـ ...... شنو يعني مالها دخل هالسالفه .... ايوآ .... طيب انا اقولك .. ولله ولله لو أدري انك قلت
لجوجو أي كلمه عن سالفتي ويى طلال .. قسم باآيات الله راح تندم ... لا مو تهديد ولا شي بس حجي وحبيتا قولك اياه ... أي انا مو مستعده أخسر
صداقتي ويى جوجو .... ولله غصب علي حبيته ومو بيدي وبعدين انت مالك علاقه بخصوصياتي وانا الغلطانه اللي قلت لك عن السالفه ...
بس صدقني لو أدريـ ..... لا تقاطعني وتسكتني واعرف منو تتحجى معاه .... طيب اذا مو هامتك انا قول لها وشوف شنو راح يصير
فيـ ............... (طوط طــــــوط طــــوط ...)
طالعت الخط ولقته سكر بوجهها ... حست بقهررررررر مو طبيعييي ...
-هين هين ولله لا أراويك اشغل ياسعد ... ولله لا أخليك تلزم حدودك على هالتسكيره بويهي ...
(لما لفت بتروح طاحت عينها بعين مايد اللي واقف وهو مصدوم من اللي سمعه ..
من مواضيعي

0 الليله ب 9000 ريال " قصه حدثت في شات البلياردو
0 أب ينصح أبنه .. خلونا نشوف هالنصيحه
0 جمانه الشغاله .. !
0 قصيده ياصاحبي طالبك .. يوتيوب ..
0 توأمـ ولكنـ أغرابـ...في جامعه أمريكيه ...


  رد مع اقتباس
قديم 04-21-2011, 01:13 AM   #34
حويراتي مميز
 
الصورة الرمزية ؛؛ ][ .. مـدمـنت نـــت .. ][ ؛؛

؛؛ ][ .. مـدمـنت نـــت .. ][ ؛؛ غير متواجد حالياً
افتراضي

تولين ماهمها اذا كانت طاحت من عينه ولا لا ... قالت بغرور وتكبر :~
انت شنو شايف جدامك يني ولا وحش !!!!
(مارد عليها للحظات ثم قال بهدوء :~ تولين ابي اقولج كم جلمه وبعدها الله يوفقج ...
(تكتفت وهي تقول :~ أخلص بسرعه مو رايقه لأني ...
-اذا الواحد يبيع صداقته عشان قلبه فماهو حايش بسعاده طوووول حياته حتى لو حصل على هالشي وسلبه من رفيجه ...
صدقيني هالأنسان عمره ماراح يعرف طعم راحة الضمير والراحه والسعاده مع اللي يبغاه وسلبه من صاحبه ...
أناصحيح طلعت من حياتج مثل ماطلبتي وأنا اعتربج بنت خالتي وبس وعلى عيني وراسي وسعادتج مع اللي تبينهم تهمني ...
عشان جذي طلعت بدون أي جلمه ... بس بما اني حسيت انج على طريق غلط بغلط ماودي اسكت ولا اقول أي شي ...
انتي تدرين انج ماراح تشوفيني الا بعد سنوات .. يمكن سنه يمكن ثلاث يمكن أكثر ماأدري ...
عشان جذي ابيج تفهمين حجيي اللي قلته عدل ولا تنسينه ... اذا تبين سعاده صج خلي ضميرج صاحي ولا ينام لو ساعه ...
وصحبه لا يمكن تتعوض صدقيني ... عموما الله يوفقج ... وأبيج ماتكرهيني كعادتج لأني راح أهدج على راحتج ...
أحنا عيال خاله وبس ... يعني أعتبريني مثل أخوج ...
(ابتسم لها وهو يقول :~ يالله خلينا ندش داخل ..
(مشت بدون أي كلمه وكلماته تدور براسها ومشوش تفكيرها ... )
لما انتهو وهم واقفين عند الباب بيطلعون ...
مايد يسلم على خالته ويحب راسها وهو يودعها بما انه علطول راح يروح للمطار الحين ...
-يالله ياولدي انتبه لنفسك وكان بالود ودي الروح وياك للمطار بس تدري دوامات بكره من صباح ربي ...
-ولو ياخاله شنو هالحجي يكفيني حجيج هذا ... وشوفتج ... يالله ادعيلي عاد اشوف أمي ماتدعي لي __^ ..
-أم مايد :~ أفا الحين تبريت من دعواتي جدام خالتك وبنتها ...
-هههههههـ لا أفا عليج انتي الغاليه عاد وانا الحين اذا رحت من بيفطرني ويهتم فيني كل يوم ... الله لا يحرمني لا منكم ولا من
دعواتكم ههههـ ...
-(تولين قالت بدون ماتحس وهي تمزح والأول مره :~ ههههـ الضاهر الأخو مايبي غير دعواتكم مو شي ثاني ...
(مايد رفع عيونه عليها بسرعه مستغرب من اسلوبها الرايق معاهم وهو موجود ... حس براحه عالأقل انها
كذا معاه عالأقل قبل لا يسافر لأنه من اليوم وهو يعتبرها مثل أخته والضاهر عشان كذا البنت صارت ؤكي معاه ...
ابتسم لها وهو يقول :~ وانتي الحين بتقلبين الغاليين علي ...
-(تكتفت وهي تقول بمزح :~ طيب انا بدعي لك شرايك !!!
-لا واللي يعافيج أخاف تطيح فيني الطياره ههههههـ
(ضحكو عليها علطول وهي ساكته بس شوي ضحكت معهم وخذت الوضع مزووووح x مزوووووح __^ ...
-يالله عيل ياولدي خلنا نمشي قبل لا تطير الطياره عنك ...
-(التفت عليهم وهو يقول :~ يالله ياخاله فمان الله ولا تحرميني من صوتج موب خلاص تسحبون علي لأني بعيد __^ ...
-(وهي تضمهوتقول :~ ولله ياولدي بشتاق لسوالفك ومزحك ويانا ومن شوفتك ...
(غرقت عيونها دموع ... تولين ماتحملت تشوف أمها كذا بس ساكته بدون أي حركه او كلمه وتطالعهم ...
مايد ضمها مره ثانيه وهو يقول :~ افا بس ياخاله تبجين وانا هني .. عيل بتخليني ابطل الروح
وانا توني ادري اني غالي عندج ...
-ولله ياولدي غلاتك من غلاة بنيتي تولين ... عسى الله يسعدكم وتوكنون من نصيب بعض ...
(تلعثمو مايد وتولين وهم مايدرون وش يقولون ...
بس مايد انقض الوضع وهو يقول :~ تولين الله يسعدها مع اللي يرتاح له قلبها .. ولا تجبرونها على شي هي ماتبيه تراها غاليه
عندي ومثل أختي ... (التفت على تولين وهو يقول بابتسامه :~ ماوصيج ياتولين انا اعرفج ذوقج حلو ..
ابيج تجهزين لي عروس يحبها قلبج ... لازم اذا رجعت ابي اتزوج على ايدج هاه توعديني __^ ...
(تولين اختبصت من كلامه ماتوقعته يقول كذا ابدا بس بنفس الوقت الرتاحت لأنه شالها من تفكيره
وهي اللي ماتوقعت راح يهدها بحالها ابد ... اكتفت بهز راسها يعني ؤكي ...
الخاله وأمها منصدمين من مايد ومن تولين ... بس مايدرون وش السالفه ..
وبنفس الوقت ضاقت صدورهم لأنهم يبونهم للبعض .. بس الظاهر الدنيا مو على كيفهم والعيال هم أخبر بحياتهم ...
تولين رفعت عيونها على مايد وهو معطيهم ظهره بيطلع ورى أمه ...
تولين بهاللحظه تذكرت هالمقطع من الشعــــــــــر ...
لملمـــــــــــــــت احساسكـ ..!!
شعــــــــــــــــــوركـ وقلبكـ ..!
خــــــــــــلــآص بتسافـــــــــر ..!!
(لما سكر مايد الباب ضغط على يد الباب بقوه وهو مقهور لأنه خسر حبه وللأبد ..
حبه اللي مايقدر ينساه ابدا ...
توليــــــــــــــن بالنسبه له كل حياته ...
صحيح ان مايد ملامحه ملامح خليجي على بدوي وخشنه ... ويخفف عوراضه واللي يشوفه يعطيه عمر أكبر من عمره بالعشرينات
مايد رجال بمعنى الكلمه ... وعرف الحب من كان صغير مع تولين اللي تكرهه وماتبادله هالشعور ابدا ...
أسمر وحواجبه عريضه وسودا مرسومه ...نظراته دايم تكون حاااده بس اذا شاف تولين تلمع بالحب والحنان وبنفس الوقت قلبه يدق بالألم
من تولين القاسيه واللي تعذب من غرورها وكبريائها الكريييييه ...
(خـــــــــــــــــلــآص يامايد البنت ماهي لكـ .. اتركها بحالهــــــآ والله يوفقها وانت الله يوفقك مع غيرها ...
انا من اليوم راح احاول انساها حتى لو اتعذب ... كافي رفض منها لي ... ماعاد فيني اخسر كرامتي جدامها للأبد ...
هي بحالها وانا بخالي وكل واحد يشوف طريقه ... الله يعين بس ...
..............
صبــــــــــــــــــــآح يوم الأحد ... أول يوم من بداية الاسبوع ...
بالجــــــــــــــامعه ...
نارا وهي تمشي .... طلعت بوجهها نوف ...
-نوف :~ نارو ليش أمس كله أدق عليج ماتردين !!!
-(مطنشتها ..)
-(نوف رغم انها معصصصبه بس تدري ان هالاسلوب ماينفع مع نارا ... ابتسمت وهي تمسكها مع خصرها وتقول :~
وحشتينـــــــي ...
-(تنهدت بقل صبر ... سحبت يدها بقوه من خصرها وهي تقول بهدوء :~ روحي عن ويهي ...
-نارو انتي تدرين منو تحجين وياه ...!!
-هه نوف .. ومن تكونين !!!
-وحده تموووت فيج .. وتعشق ترابـ ....
-(قاطعتها وهي تقول :~ أشششششـ يرحم ؤمج ماني رايقه على هالصبح اسمع هالحجي ...
(لفت عنها نارا وراحت من طريق ثاني ....
نوف عضت شفتها بقهرررررررر من نارا .... ودها تأدب نارا عشان ماتحاكيها بهالطريقه الوقحه مره ثانيه ...
نوف اللي محد يقدر يطول لسانه عليها ... بي نارا دوم حاقره نوف وهذا اللي يقهرها واللي يقهرها اكثر انها ماتقدر تسوي لها شي
لأن نارا هي حبها الوحيـــــــد والكبيــــر..
نوف ملت من حالتها مع نارا كل يوم ماتعطيها وجه وتنهان قدامها ...
نوف عزمت انها تفرض نفسها بالغصب على نارا حتى لو اضطرت يكون بالقوه ...
حب جنوني ماتقدر تشيله من قلبها لنارا ...
حب محرم .... حرمــــــــــــــه ربي ...
بس للأسف بنــــــــــــــــــــآت كثير لاهين بلهوات الدنيـــــــــــآ...
حـــــــــــب قد يكــــــــــون في قلبهم حب عفوي أو جاذبيه ....
فيذهب بهم الشيطان الى التفكير بغير الصداقه ... واذهاب الى الحب المحرم ...
لمــــــــــآذا لا يكون هذا الحب الذي يشعرون به حب كأصدقــــــآء ....
حـــــــــــب ووفــــآء الى من الرتاح قلبهم لها ...
ماأجمل الصداقه بمشاعر الوفاء والحب الصادق والشريــــــــــــــــــــــف والطــــــــــآهر ...
وعدم اللجوء الى ماحرمه ربنا ....
فتيات أو أولاد ... يحبون من نفس جنسهم ...
وبعد أيام تتطور علاقتهم أكثر الى هز عرش الرحمــــــــــــــــــــن ...
الكثيــــــــــــر يقول ...
أوقـــــــــــآت مراهقه وسوف تذهب ...
ولكـــــــــــــن في الحقيقه ...
فهي أوقات قد أغضبت ربنــــــــــــــآ وهزت عرشه بدون تفكير سليم من انسان أو انسانه مؤمنه بربها ..
وقد حرم الله الحب بين الأناث ...
والحب بين الذكور ...
فلماذا الفتيات أو الفتيان لا يفكرون بعقلهم قليلا بأن ذلكـ يغضب ربهم الأعلى ...
ربهم هو الذي خلقهم للعبادته ...
لما العصيان له واتفكير بأن ذلك شيئ عادي وطبيعي ...
وقد حرمه ربنا وهؤلاء العباد يتجاهلون ماحرمه الله ...
كما عاقب قوم لوط على ذلكـ من شدة غضبه عليهم ...
فلمـــــــــــآذا لا نفكر بذلكـ الشيئ ...
حب محرم يغضب الله ...
(ويهز عرشـــــــــــــــــــــــــــــــــــه )
((( الله يكافينا بس من شر وساوس الشيطان ويهدي كل مسلم ومسلمـــــــــه ..))) ...
وللأسف كثرو عندنا البويات ...
وكثرو عندنا من الذكور اللي يتشبهون بالنساء ...
الله يهدي الكل يـــآرب ...
فنحن أخوان في الاســـــــلامـ ...
من مواضيعي

0 توأمـ ولكنـ أغرابـ...في جامعه أمريكيه ...
0 في ساعة الضيق ياكثر اللي تناسوني !!
0 أحسس أني طفششت
0 جمانه الشغاله .. !
0 قروب مسن !!


  رد مع اقتباس
قديم 04-21-2011, 02:13 AM   #36
حويراتي ماسي
 
الصورة الرمزية الراقي
افتراضي

مااااااااااااااااااااااااااااااااااااااااااااااااا ااااااااااشاء الله عليك
والله رواية مو اشوووووي يبغالي تفرغة عشااان اقرها عدل
جهووووود جباااااااارة
من مواضيعي

0 ~~خــــــــــواطر جميـــــــله عن الصداقـــــه ~~
0 صورة العم المرحوم حسين الصالحي
0 ياقلبي سافر لـ الرادود قحطان البديري
0 الى شيخنا الجليل..... سؤال مهم
0 عبارات من ذهب


التوقيع :
نقرتين لعرض الصورة في صفحة مستقلة
  رد مع اقتباس
قديم 04-23-2011, 12:48 AM   #38
حويراتي مميز
 
الصورة الرمزية ؛؛ ][ .. مـدمـنت نـــت .. ][ ؛؛

؛؛ ][ .. مـدمـنت نـــت .. ][ ؛؛ غير متواجد حالياً
افتراضي

وييييييييييييييينكم يا عيال

أنتم معي على الخط .. ؟؟

والله حاسه مححد ملتفت على الروايه

خلص أنا مراح أكملها إلا إذا شفتكم تردون أو في حد قرأ شيء أصلاً
من مواضيعي

0 جمانه الشغاله .. !
0 أب ينصح أبنه .. خلونا نشوف هالنصيحه
0 أب ينصح أبنه .. خلونا نشوف هالنصيحه
0 أحسس أني طفششت
0 توأمـ ولكنـ أغرابـ...في جامعه أمريكيه ...


  رد مع اقتباس
قديم 08-20-2011, 11:29 PM   #39
حويراتي نشيط
 
الصورة الرمزية براءة الطفولة

براءة الطفولة غير متواجد حالياً
افتراضي

الرواااية رووووووووووعه
اهنئك على هالروااية الناجحة جدا جدا حلوة
من مواضيعي

0 ..{قِصَةٌ تُبَكِي حَتَى الصَخَر}..
0 ماذا ستفعل بالمال..؟
0 تصاميمي بـ الداخل هذي التصاميم الثانية 2photoshop
0 شوفوا الفرق بين الاثنين وربي مصخرة
0 قصة الثعلب ۆالغراب !!


التوقيع :
نقرتين لعرض الصورة في صفحة مستقلة
  رد مع اقتباس
قديم 10-16-2011, 05:10 PM   #40
حويراتي جديد
 
الصورة الرمزية عبير الروح

عبير الروح غير متواجد حالياً
افتراضي رواية رووووووووووعة حيل انا عضوة جديدة ممكن تعرفني على العضوات

رواية روووووووووووووووعة حيل انا عضوة جديدة ممكن تعرفني على العضوات
من مواضيعي


  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 07:24 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi