كرسي الاعتراف الرمضاني

بعد أنتي بتفطرين
فطري بشي عدل
ههههههههههههههههههه
يعطيك العافية
بنتظار العضوو القادم

	بسم الله الرحمن الرحيم السلام عليكم ورحمة الله وبركاته والصلاة والسلام ع اشرف الخلق محمد وال الطاهرين يوم جديد وطله جديده ورمضان يجمعنا من جديد مع ضيفنا 7 7 7 7 7 *..........ابن الحفر..........* اتفضل اشرب العصير وروووق قبل الاجابه وكل عام وانت الى الله اقرب ζ͡ʔ»︶صرخهہ ندمہϚʔ

الله يعافيك

بـ آنتظار آبن الحفر

بـــــــــــــــانتظــــــاار الحفرااوي

بأنتظارك حفراوي

س1- بأي عمر بديت تصوم ؟؟
انا بديت الصوم من وانا صوغنن تقريبا من عمري 8 او 9 سنوات

س2- كم مره تختم القران ؟؟
من قبل كنت اختمه مرتين ,, لكن الحين للاسف مره وحده بس

س3- هذه السنه هل ناوي تختم القران ؟؟
إن شاء الله

س4- ماهو الدعاء الذي تواضب عليه في شهر الله
في الحقيقه والواقع انا ما اقرا الادعيه ,, بس استمع لهم

س5_رايك في رمضان هذه السنة ؟؟
لا رمضان السنه ممتاز<< شذبه طبعا
ما شاء الله رمضان السنه مو طبيعي نار حر جهنم << بس بس

س6_كلنا كنا صغار ولكل واحد قصة وموقف فما هو الموقف او القصة التي تحدثت معك في رمضان؟؟
ياويلي ويلاه
سنه من السنين تقريبا عمري كان 8 سنوات وكانت حزتها وقت قرقيعان ,, طبعا جدي " ابو الوالده الله يحفظهم " كان جايب تقريبا درزن كراتين بسكوت ريكوا ,, المهم ويجيكم الحفراوي ويا اخوه يتسحبون من مراقدهم ويطيحون على المخبى السري للبساكيت ,, وشيل من هالكراتين " للامانه تقريبا 2 اللي شلنا "
المهم ونطير فيهم للسطح ولا امدانا فتحنا باب السطح إلا نشوف ولد خالتي يصيد حمام بنبالته ,, ونبسط انا والعضيد ونطحن في هالبسكوت ويوم خلصنا جمعنا اثار الجريمه ولحقناهم من فوق السطح ,, طبعا ولد الخاله ما اكل بحجه انه صايم
واحنا تركنا نص كرتون فوق السطح ورحنا ننخش ورا الباب ,, اشوي إلا يجي ولد الخاله يتسحب ويبسط على ذاك الكرتون ويبدا يطحن اهو الثاني اشوي إلا ونطب عليه طبعا ما كفخناه بس قمنا نساعده في الاكل وانتهى.

س7_اكثر اكلة تحبها في رمضاان ؟؟
الهريسه من شغل جدتي
الشاورما - البيتزا - المصقعه من شغل ست الحبايب بعد عومري
السلطات والحلى من يد عوميمه

س8- هل تفضل فطورك مع الاهل ولا لوحدك ؟؟
لا يبا شنو لحالي ,, اكيد مع الاهل

س9- متى فطرت بالسر ؟؟
ايييييييه ,, نوبه من النوبات كان عمري تقريبا 10 وكنت على ايام المدرسه ما اتسحر واجد ,, المهم ويجي ذاك اليوم الاقشر واكون جوعان لدرجه ان ضهري وبطني سلموا على بعض ,, المهم واجلس اتونون من الجوع ,, وجاني مغص وخلاص تبنجت من الجوع ,, اخر شيء سلمت للامر الواقع وانسدحت في الصاله اشوي وتجي الوالده بذيك السفره وتطيح التمر اول شيء وراحت تطلع اللي كانت حاطته في الفرن
انا كنت منبطح وبموت من الجوع ويوم شفت التمر صرت حصان من النشاط
شان اقوم اراقف المكان واشوفه اوكي ,, وازلط لي 3 تمرات محترمين والوح الطعام في الصاله << حزتها ما همتني النظافه
وانتهى

س10_ماهو العصير أو المشروب اللي تحب تشربه في رمضان؟؟
فيمتو ,, عصير ليمون
س11_انت من الناس اللي يزيد وزنهم في رمضان؟؟
تقريبا لا
س12_تقضي النهار كله نوم أو عادي تقضيه وانت صاحي؟؟
لا قويه كله نايم
لا اكون صاحي في فتره " الصباح او العصر "

س13- رأيك في فرق بين رمضان الان ورمضان قبل ؟؟
نعم في فرق ,, قبل كان اللافه والمحبه اكثر من هالوقت
الحين ماحد حولك كل واحد نفسي نفسي

س14-افضل العادات الي تحبها في شهر رمضان ؟؟
اجتماع الاهل على سفره وحده << بطيني
ايضا التواصل والزيارات

س15-اسؤ العادات الي تلاحضها في شهر رمضان ؟؟
الاسراف في الاكل

س16-روتينك في شهر الله رمضان ؟؟
نبداء من الفطور " افطر بعدين اجلس مع الاهل اشوي وبعدها لو كان في شغل او شيء للبيت اخلصه وبعدها تبدا الحواسه والدواره إلى وقت السحور ومن بعد السحور اتكي مع الشعب المفتل في المزرعه إلى الصبح وبعدها ارجع البيت لو كان باقي على صلاه الظهر اشوي انتظر ولا انام "

س17- برنامج تتابعه في الشهر الفضيل قناة تواضب على مشاهدتها؟؟
للامانه ولا شيء

س18- من تحب يشاركك سفرة فطورك دائما ؟؟
حبايبي اهلي كلهم من كبيرهم لين صغيرهم

تقبل الله منا ومنكم صالح الاعمال وتجاوز وعفا عن طالحها
بحق الامام الحجة (عج)

وتقبل الله منا ومنك اختي ومشكوره ع الاستضافه

	ابن الحفر العفو يابطل وشكرا لقبول الاستضافه استمتعنا بها كثيراا ماشاء الله عليك وربي بالحيل اضحكتني اهم سيء كراتين روكو واكل التمر حسيتك توم وجيري الله يدوم التجمع بين الاهل وياعسى الصيام مقبول دمت لمن تحب انتظروني مع عضو/هـ/جديد وكل عام وانتم الى الله اقرب ζ͡ʔ»︶صرخهہ ندمہϚʔ

هههه ضحكتني ابن الحفر على سالفة البسكوووت

بانتظاار عضوو جديد

هههه آبن الحفر ضحكتني ع سالفة التمر


يلا تقبل منك آعمالك يارب


وبـ انتظار العضوو/ة القادم/ــة

هههههههههههههه
ابن الحفر دايما تضحكنا من وين تجيب السوالف عطنا اشوي
ضحكتنا مع كراتين الريكومادري روكو قديم حده ههه
يعطيك العافيه
وننتظر العضو او العضوة