ضمني حيل انا محتاج صدرحنوووون

ليت كل القلوب اللي تحب بجنون ..
تعرف إن المحبه جنه في هجير ..



كل دمعه عزيزه لأجل غالي تهوون ..
لأجل شوف الحبايب كل قاسي يسير ..


لي حبيب أحبه والمحبة فنون ..
كل ما اذكر غرامه من غرامه أطير ..


ماعشقته رياح ولا عشقته سكون ..
نسمه داعبتني تمتزج مع عبير


فوحها من غرامه تحتويني بهون ..
كيف مايحتويني حب قلب كبير ..


إن زعلت وتراخت هامتي والمتون ..
مد كفه وطبطب قال لي : مايصير ..


ابتسامه محبه وارتعاشه جفون ..
ترسم الكون فرحه من هنا للأخير ..


عن شتاتي بلاد وعن همومي حصون ..
صرت فارس بلاده والأمير الأسير ..


قلت له لاتغيب وقال لي كيف أكون ..
قلت عطني يدينك حس قلب كسير ..


خايف الحلم يفنى بين هم وظنون ..
وخايف اليأس يحفر قبر حلم صغير ..


وخايف الدمع يصحى من مهاد العيون ..
وخايف اصحى وأشاهد واقعي والمصير ..


ضمني حيل أنا محتاج صدر حنون ..
مدري وش صار فيني بس ماني بخير ..؟؟

الله الله كلمات تفوح بصميم الروح}}
تعبير دقيق ومرهف الاحساس..
اخر 3 ابيات جدا رهيبه..
جعل يارب احلامنا تنرسم حقيقه**
موفق عالطرح ومشكور
.

كلمات غايه في الجمال والروعه
تسلم فارس هجر

يعطيك العااافيه هذا البيت اعجبني
قلت له لاتغيب وقال لي كيف أكون ..
قلت عطني يدينك حس قلب كسير ..

ضمني حيل أنا محتاج صدر حنون ..
مدري وش صار فيني بس ماني بخير ..؟؟
............................................

الله يعطيك الف الف عاافيه كلمات فعلا معبره ورهيبه

كلمات في غاية الرووعه

ضمني حيل أنا محتاج صدر حنون ..
مدري وش صار فيني بس ماني بخير ..؟؟
الله الله عليك يااااااخوي
كلماااااات في قمه الرووووعه
الله يسعدك دنياا واخره
ارحبوووو
موفق بإذن الله ... لك مني أجمل تحية .