مشكله لا صرت طيب وقالوا لك هبيل

مشكله لا صرت طيب وقالوا لك هبيل .
. وانت طيب في التعامل وقلبك موسعه

ومشكله لا صرت مظلوم وفي يدينك دليل .
. ويتجاهلك حكم العداله وصوتك يسمعه


ومشكله لا صرت ظالم وقالوا لك نبيل .
. واشهدوا لك بالشهامه و غشك تجمعه



ومشكله لا صرت وافي ولك حظ قليل .
. مايريحك غير دمع تحدره اربعه



ومشكله لا صار حزنك تدور له بديل .
. كيف تطفى نار وسط الفؤاد مولعه


ومشكله لا صرت مخلص ووافي للخليل .
. والعزيز اللي تعزه شعورك يوجعه


ومشكله لا صرت عالي وفي الآخـر عليل .
. والغــرام اللي بقلبك لشـوقـك تـودعه


ومشكله لا صرت تعطي ولا تلقى جميل .
. من اوادم خانوا الطيب بأول مطلعه


ومشكله لا صرت عاجز عن الحمل الثقيل .
. وفوق حملك داخل الجوف حــزن يمزعــه