غرتني الدنيا 000 واصبحت مغرور

غرتني الدنيا وانا اصبحـت مغـرور = وحطمت قلب اللي غمرنـي بطيبـه

اصبحت عايش خالي احساس وشعور = ماعـاد افهـم وش حبيـب وحبيبـه

غادي عن الدنيا لـي ايـام وشهـور = صارت حياتي فـي عيونـي غريبـه

ظلام لف الكـون ماعـاد بـه نـور = غربه خذت ثامر مـن ايـدي نهيبـه

بنيت بيني وبيـن نفسـي انـا سـور = ابعدت نفسي وهـذي اكبـر مصيبـه

ترى الذي مايسمع الـراي والشـور = كلمـه تـودي بـه وكلمـه تجيبـه

وانا غلطت وقلـت مانـي بمعـذور = ومن يعترف بالحق محدن يعيبـه !!!

وياصاح سامحني اذا جيت بقصـور = مثلك يسامـح لازعـل مـن قريبـه

لو منت غالي كـان مانـي بمجبـور = اجي و ادوّر عنك مـن بعـد غيبـه

اقسم بـرب البيـت ان لزمـن دور = واني بدونك عشـت حالـه صعيبـه

انام ضايق اصبـح الصبـح مقهـور = تخيّـل ان راسـي بـدا فيـه شيبـه

المسألـه ماهـي قصايـد وجمهـور = ولا هي بعد قصـة كرامـه وهيبـه

مسرور من هالناحيه حيـل مسـرور = مرتاح في وضعي كذا ومهتنـي بـه

ماهوب اكبر همي اصيـر مشهـور = كلن بياخذ مـن كتـب مـن نصيبـه

بس انت ارجع لي وانا اكون مشكور = واقلب يـدي وبوسهـا وابتـدي بـه

يومن معك مافيه شاعـر وجمهـور = مافيـه الا بـس حبيـب وحبيـبـه





الاسير

يعطيك العافيه عالكلمات الراااقيه

كلمآآت في قمة الروعةة
سلمت يمنآك ع هكذآ بووح

شمعة فلة منورة طبعن نعم مغرور
شكرا اخي روعة منك
عاشق المندي

	كالعادة ابداع رائع يسلموووو ع الاختيااار الذووووق ربي يسعدك على روعة الانتقآء وجمآل التعبير تسلم ايدينك تقبلي طلتي المتوآضعة دمت بسعاده موودتى دمووع الووورد