11-05-2011, 12:25 AM
|
#115
|
حويراتي ذهبي
|
|
|
|
هواياتي :
اخآف ابوح بــ هوايآتي ويخون البوح منطوقي..!
|
|
|
|
1-اوصف لنا طفولتك ( بكلمه )؟
الله يازين عالم الطفوله
طفولتي كانت كلها برااءه وشقااوة وهبال وخفة دم
2-هل تتمنى ان تعود طفلا؟ ولماذا ؟
كيف ماتمنى اعود طفلاً ومرحلة الطفوله احلى شي مرت بحياتي
ياليت الزمن يرجع وننعم في شقاوتناا
لان عشنا الطفوله بحرية تامه الأب لسويت شي غلط يكفخنا >> الله يازين الطق ههه
والأم لطلعنا برا في الشارع تقولنا ترا بعلم ابوكم >> وتعلم ابونا ويضربنا واحنا مستانسين ههه
لان الضرب واحنا اطفال له ذوق وطعم وخاصه واحنا نبكي ونصاارخ ههه
3-هل كنت طفلا مدللا؟
يعني ينقالي عشت طفلاً مدللاً ولا تبي الصحيح اغلب شي كنت طفلاً مكفخاً ههه
4-هل مررت بصعوبات خلال فترة طفولتك؟
لا والله بالعكس
مرت طفولتي مثل السحاب مرت مروووور الكرام
وهكذا تمر اللحظات السعيدة بدون مانشعر في مضي الوقت ..
5-هل كنت طفلا هادئا ام خجولا ام مشاغبا؟
والله تبون الصراحة
كنت نص ونص
في وقت الهدوء مافي اهدء مني
وفي وقت الشقاوة اصير اسد مفترس ياويل اللي يقرب مني ههه
6- حادثا مر بك خلال طفولتك لم تنساه؟
يوم كنت في صف ثاني ابتدائي
ابوي شرا لي سيكل صتي وعاد انا كنت ماعرف اسوق
اول ماركبت السيكل قلت اباخذ لفه على حارتناا
وحارتناا كلها لفات ومطبات مايمديك تشوت
المهم ابو الشباب الي اهو انا ههه
قال يبغى يجرب عزم السيكل
والله واصفط الثوب واركب السيكل وادعس عليه حد مااقدر
المهم وصلت لنهاية الشارع يا يمين او يسار
وآخذ يمين بسرعه جنونيه لكن من السرعه اللفة ماجات عدله ههه
ووينك يا الدرااام وانتو بكرامه واقلعه من مكانه واتكرفس ويتشقق ثوبي وركبتي ويديني تمزقت ورحت البيت اصيييح من الألم ههه
7-اين كنت تقضي معضم وقتك؟
في المزرعه بين الغنم والبقر ههه
8- لعبتك المفضلة؟
كنا نلعب اكثر من لعبه
من العابنا الي كنا نلعبهاا >> سبيرو وغميمه وحازوق وعنبر بيضة >> اح حسيت بالضربه الي اكلتها ذاك اليوم بكره المضراب ههه
9-هل كنت طفلا اجتماعيا ام انطوائي ؟
على هالشقاوه انطوائي >> لا بالله كنت طفل اجتماعي واعظم من اجتماعي
10- لديك اصحاب من الطفولة هل بقيت معهم ام باعدتكم الايام ؟
في بعضهم للآن معاي وفي بعضهم لا
الدراسة هي السبب فرقتنا وابعدتنا عن بعض
11-هل كنت تحب افلام الكرتون؟ وما هو فلمك المفضل؟
اووووه افــا عليك بس
الكابتن ماجد وتوم وجيري وداي الشجاع وساندي بل ...... وافلام كثيره ماتذكرها الآن
12-كيف كانت علاقتك باخوانك واخواتك وما ترتيبك بينهم؟
الحمدالله علاقتي مع اخواني علاقة قوية جدا جدا
وترتيبي بينهم الثالث
13-ماهو اصعب موقف حدث لك في طفولتك ولم تنساه ؟
اول ماقمت اسوق السياره تقريبا يوم كنت بسادس ابتدائي
المهم عندنا هايلكس قديمة ملعون جدها نستخدمها حق المزرعه
المهم كنت اول ماسقت السياره
قلت ابسوي فيها اني فنان وخطير في القياده
وبداور بالسياره في نفس الطريق الضيق الي بين المزرعه والصرف
والطريق هذا دووب السياره تمر مادري كيف بداور >> تابعو معاي القصة وبتعرفون ههه
اركبت في راسي الا ادورهاا في هالطريق >> يابن الحلآل يامير الشوق هدي اعصابك واترك عنك هالخربطه
والله واسوي الي براسي ولا علي من احد واشغل السياره واحدها قدام للصرف للنهاية
وارجع لآخر شي للمزرعه عشان اقدر اخذ اللفه عدل >> مسوي فيها فلته الولد في السواقه ههه
ومره قدام ومره ورا لين صارت السياره بالعرض في الطريق والكفرات الأماميه خليتهاا حدود الصرف بالضبط ولا ملي يزيد
قلت ياولد وراي ما انزل واشاهد الموقف من بعيد ههه
والله ما مداني نزلت ماشوف الا السياره تتدحدر للصرف لاني نسيت ماسحبت الجلنط
وانا قلبي وقف ومو عارف وش اسوي
وش اسوي وش افعل ياولد !
الا اخوي قالي مالنا الا نبلغ الشيخ بالسالفه ههه
واتصلنا على أبوي وجاه وعطاني كم طرااق وطلعناها بعدين بسطحه
14-هل هناك انسان معين غرت منه في طفولتك..ولماذا؟
لا ابد >> الأولاد هم الي غيرانين مني ههه
15-صف لنا اول يوم لك في المدرسة؟
أول يو في دراستي طبعاً ماقدرت اروح الا بـ ابوي
وكنت خاايف ومرتبك لاني ماتعودت على الوضع ..
16-شيء كنت تتمناه بطفولتك ولم تحصل عليه؟
ولله الحمد مافي شي تمنيته ولم يحصل لي
الوالد والوالده الله يحفظهم مو مقصرين معاناا بشي
17- حلم الطفوله ماهو وهل حققته ؟
حلم طفولتي هو السيكل الصتي الي خبرتكم قصته ههه
18-ما هي الانشوده التي كنت ترددها في طفولتك؟
لا تخافي لا تخافي نحن ابطال المطافي
نحن شجعان كرام ومادري وش الباقي هههه
..........................
والله اسأله خطييييره يا قمر الغلآ مادري من وين جايبتهم ههه
شكرا لك على الأستضافه الحلووووه
لاعدمنااااااااااااك ان شاء الله
|
|
|
|
|