اهلاً وسهلاً فيك اختي الكلمة الطيبه من جديد
لا شدعوه مامن كلافه ولا شي
السؤال الي في خاطرك ضعيه هنا ولا تشيلين هم ..
................
ماهي أمنيتك في الحياة ؟
امنيتي ان اتزوج واكون اسرة ويكون لنا بيت يحتويناا وايضاً امنيتي ان احقق المشروع الصغير الي في بالي ان شاء الله
من هو قدوتك في الحياة ؟
قدوتي في الحياة أمي وابوي وجدتي هم الثلاثة الي أحب ان استشيرهم في كل صغيره وكبيره وامشي على رايهم في اموراً كثيره ..
دروس تعلمتها من الحياة ؟
تعلمت ان أمسك نفسي عند الغضب وان اتحكم بأعصابي عند اي مصيبة
وايضاً تعلمت الأبتسامه في وجه الأطفال والأيتام
وكذلك تعلمت عدم التسرع في اتخاذ القرار وتنفيذه ..
طموحك في الحياة ؟
طموحي ان ارضي الله سبحانه وتعالى وابوي وامي ..
موقف تعرضت له لايمكن أن تنساه ؟
ياكثر المواقف الي تعرضنا لها خلوني اذكر لكم موقف على الطاير حصل لي
كنت في يوم من الأيام وانا صغير ..
طلعت من البيت ورحت البقاله اشتري خبز
يوم شريت وطلعت من البقاله ووصلت البيت الا وذاك الأسد المتربع عند درج بابنا ! الي مسوي زحمة بشعر رقبته
قلت يا قط وراك ماتنزح اشوي وتخليني ادخل البيت ..
قال الأسد انـا تعبان روح دور ربعك وشوف لك طريق ثاني
ويوم قال كذا عاد انا عصبت في ذي الحاله وماقدرت امسك نفسي صفطت ثوبي وجيت له وقرصته من اذنه
قلت مره ثانيه يابابا لا عاد تطلع من الغابة في هالوقت وتجي تسوي لنا زحمه
واعطيه رفسه وطلع من حارتنا واهو يبكي اربع اربع وعاد انا بعدين تحسفت وندمت اني ضربته
من ذاك اليوم الى الحين وانا عايش قصة حزن على هالموقف هههه
طبعاً هذا الموقف نوع من الدعابة لا حد يصدق
مو بكره ينحاش أسد من حديقة الحيوان تجون تقولون لي يا امير الشوق تعال صيده ورجعه ههههه
.............
والله يا اختي الكلمة الطيبه مافي موقف معين في بالي الحين عشان اذكره لكم
هل تحب القراءة ومانوع الكتب التي تفضل قرائتها ؟
اقرأ كتاب الرجال من المريخ والنساء من الزهرة كتاب جداً رائع وجميل خاصة للي توهم خاطبين
وايضاً كتاب عجائب الملكوت جداً رائع وجميل ماينمل من قراءته
بلد تتمنى زيارته ؟
اندونيسيا وماليزيا ان شاء الله سوف اذهب لهم بعد ماتزوج
هل تسامح من أخطأ في حقك ؟
والله قلبي طيب ورحوم لو أحد اخطأ في حقي ربما ازعل عليه في نفس اللحظه وما ان يتبدل الليل بالنهار او العكس حتى انسى ماحصل وافتح صفحة جديدة ..
أعضاء يعجبك اسلوبهم بالرد وتعجبك مواضيعهم ؟
اعضاء كثيره لا استطيع ذكرها
ماشاء الله كل عضو في المنتدى يقول الزود عندي من الأسلوب اللبق الي عنده ..
..........................
اشكرك جزيل الشكر والامتنان اختي الكلمة الطيبه على حضورك ومشاركتك في الأسألة
الله يعطيك الف عافية ان شاء الله واتمنى اجاباتي كانت وافية وكافيه لك