12-23-2008, 03:37 PM
|
#5
|
|
حويراتي مميز
|
وهذه قصيدة أيضا
==========
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
مشاعر هاجت بروحي رسمت بدمعة جروحي
نحر مقطوع صدر و ضلوع
بقريحة غصتي و نوحي مصيبة عاشرك توحي
قوافي دموع تصب ينبوع
إنت وحدك بس أودك يا صاحب قلبي
إيه وجدك كنت أعبدك لو يقبل ربي
مثلك منهو بهاي الدنيا يستاهل حبنا
باسمك صرنا نموت و نحيى اسمك ذوبنا
دمك صار إلهامي يا خطار أحلامي ليل نهار جدامي
تلوح رسومك يا حسين
*
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
تعجب فكري من سحرك بجي السيف اللي حز نحرك
إجى عطشان رجع رويان
وقف يترجى شط بحرك على ساحل سهم ظهرك
لقى الشريان نبع نهران
ما ترده و هاذي وحدة من فيض ألطافك
تروي جبده و حتى غمده يشكر انصافك
سيف الجاي يحز وريدك يم عتبة راسك
و اتقدم له الماي بإيدك و اتشربه بكاسك
يشرب كاس إحسانك و يشم ياس شريانك و الإحساس عنوانك
تروي خصومك يا حسين
*
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
و صدرك ساعة الـ أذن إجى يصلي السهم لمن
سمع تكبير قبلته اتصير
من أول نظرة بيك إنجن إجى يختار إلَه مسكن
توضى ابـ بير دم التطهير
لليعذبك تهدي قلبك تفتح بيبانه
و اليحبك قصده قربك يبقى ابنيرانه
طّول يا رمضان إمساكك صيّام ابقينا
و هلال العيد بشباكك ما بيّن لينا
صبح العيد ما يسفر ظل بعيد متأخر و إحنا نريد بس تظهر
إلنا نجومك يا حسين
*
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
علائم سجدة اسنينك الحجر كملها بجبينك
سجدت اوقوف رفعت جفوف
لقنوتك ترفع إيدينك ترتل آية ونينك
دمع مذروف و وجه مخسوف
ابهالحجارة من تجارى من راسك دمه
جم تجارى عالمعارى ميزاب الر حمة
جنك كعبة بحين أتصور دمك كسوتها
كل ما ينزف أكثر و أكثر تحلى نقشتها
عالتربان تتقطع يا عطشان بالمصرع و العدوان تتسرع
سلب هدومك يا حسين
*
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
أظل أتغزل باسمك يا من صار الرمح جسمك
إخذني وياك يا من أهواك
دليلي هايم برسمك إذا إنت مقطع يلمك
المهم ألقاك سما و أفلاك
داوي جفني دمعي هدني لو تدري بحالي
حتى جني من التمني ملت آمالي
آخر كلمة بطرف المهجة و رايد تسمعني
لو ميت أطلب و أترجى يا ربي ارجعني
تدري النار بعروقي و يه الزوار و بشوقي أقصد دار معشوقي
ما أصعب يومك يا حسين
*
غالي و روحي اشلون اتعوفك بيدك أنفاسي
عين و شين و قاف اتشوفك بعيون إحساسي
يا جبريل آياتي يا تنزيل كلماتي دم تسيل دمعاتي
تواسي دمومك يا حسين
*
للشاعر :مقداد الهمداني
للاستماع
http://www.mahdimedia.net/showmaq-709-0.html
|
|
|
|
|
|
|