وهذه قصيدة رائعة بحق الحسين
==================

كذب الموت فاحسين مخلد كلما أخلق الزمان تجدد

كل حي ينولد مره دنية ودايم اتدور
اومهما الوادم اتعمر مرجعها للقبور
بس انته يبو اليمه عايش بين الصدور
لو قلب الشمس يوقف انته اتمدها بالنور

كذب الموت .... كذب الموت ... كذب الموت فاحسين مخلد

حتى لو تفقد الثريا ضياها يرتفع راسك الشموس وضحاها
ما شفت ميت ويحرك شفاهه راسه فوق الرمح يناجي الهه
نورك العشق في القلوب تجسد ما فرى اسمك الشريف مهند
جرحك الطهر بالضلوع مقيد والدماء على وريدك سجد

لو ميت أقول انته منهو اليسكن الروح
منهو اليجري وسط الدم وعطره ابداخلي ايفوح
عيني اشلون اصدقها لو شافتك مذبوح
جا منهو اللي حي يرزق بين اعروقي مطروح

كذب الموت .... كذب الموت ... كذب الموت فاحسين مخلد

ما يعرف الأجل يولفي طريقك وصعبه ليل الظلم يطفي رحيقك
وردتي انته يالجذبني رحيقك إنته برد اوسلم علي حريقك
لا تدع نارك اللطيفة تبرد ذوب الروح في الضلوع مقيد
يا حديث الدماء حديثك مسند عن لسان الإله يرويه أحمد

جلت حكمة الباري اثبات وبراهين
واحنه ابعالم الأرحام خالقنه مجانين
جم قلب احنه رسمك عايش بالشرايين
يخلق أربعين اشباه واشباهك ملايين

كذب الموت .... كذب الموت ... كذب الموت فاحسين مخلد

بينه مثل الخضر تعيش وتظل دوم دمنه نبع الحياة ومينشف ابيوم
إنته عيسانه وابقلبنه يمظلوم جم شبيه الإله ارتقى فوق الدموم
كذب السيف حسين قال وردد ها أنا أذبح بن بنت محمد
كان حلما رآه ثم تبدد فوجئ السيف بالحسين تعدد

يمقدس تراب الطف يا سر الأعاجيب
دليني اعلى بين الموت أبعثله مكاتيب
ما صدق إذا قلي شمسك يمكن اتغيب
كذبة وآنه من طبعي ما صدق أكاذيب

كذب الموت .... كذب الموت ... كذب الموت فاحسين مخلد

يا بريد الأجل جوابك أريده واليجاوبني من عطائي أزيده
احسين اله العشق عروشه مجيده هم شفت انته رب تذبحه عبيده
لم يمت إنما الحسين تولد ثورة صوتها المجيد تردد
ذاك في كربلاء ليس بمرقد انما عرش كبرياء تشيد

للشاعر :مقداد الهمداني

للاستماع

للاستماع
http://www.mahdimedia.net/showmaq-709-0.html


كاتب القصيده (عادل الصاحب )