12-21-2011, 11:46 AM
|
#5
|
|
حويراتي جديد
|
تكملة..................................
في بيت ابو الهيثم
الهيثم : زيدوووووووه ان ماجيت والله لارويك .
زياد : هههههههههههههه خبرني كيف وانت ورجلك المكسرة ههههههههه ويطلع لسانة .
الهيثم بعصبية : لاتخليني اكسر رجولك الثنتين وبعدين اضحك .
زياد :يمه خوفتني .
الهيثم : زيدووووووووه عطيني تيلفوني احسن لك .
ام الهيثم : ايش فيكم من الصبح تتناقرون مثل الدجاج والله مدري متى راح اتكبرون .
الهيثم : من عمايل ولدش .
زياد يشاهق : انا يمه لاتصدقيه كذاب صدق لا جزاءا ولا شكورا يمه اتصدقين من امس وأني كأني خدام عنده وأنفذله كل طلباته بحب لانه اخوي الكبير الي اموت فيه ومريض ومايهون علي واليوم قمت قبله من النوم عشان اساعده واخر شيء يجازيني بالحكومية ويقول انه يريد يكسر رجولي لاني السبب في كسر رجله .
الهيثم مصدوم من كذب اخوه : يمه والله كذاب .
ام الهيثم : وانا مجنونة اصدقه هذا متى كان صادق وتجر اذن زياد انت متى تخلي الكذب تعبت
اخوك كسرت رجوله ولك عين فوق هذا تكذب عليه وتضايقه .
زياد بوجع : أي يمه عورتيني عشان الثور هذا" ويأشر على الهيثم" صدق اني مسكين .
الهيثم : مسكين في عينك اذا انت مسكين ايش اكون انا ها الي الله رزقني بأخو مثلك كسر رجولي وكان ممكن اروح فيها ولاحس بالذنب الا الاسبوع الاول لانه خايف من ابوي وبعدين بدأ ازعاجه .
زياد مسوي حاله يبكي : قطعت قلبي اهئ اهئ اهئ
ام الهيثم : بس خلاص زياد خلي اخوك في حاله لا والله اخبر ابوك .
زياد : لالا خلاص اصلا انا اضحك معاه كم هيمو عندي واحد وغالي علي امــــــوه " بوسة على
الطاير "
الهيثم : يمه وين شيمو ماشفتها اليوم ؟
شيماء وهي داخله عليهم : سمعت اسمي .
الهيثم : ايوة انا اسأل عنش ماشفتش اليوم وينش ؟
شيماء: كنت افطر واشوف سبيستون .
ويقاطع كلامهم جوال الهيثم ويرد عليه زياد لان الجوال معه
الهيثم : الحين جوالي ولا جوالك هو ها !
زياد يغمز له ويبعد الجوال: كلنا واحد يالحبيب .
ام الهيثم: ااااااه منكم تصدعون الراس .
زياد : هلا هلا وينك ياعمي من زمان ماشفناك ههههههههههههه انت عارف اخوي العود تعبان ومكسر لازم اكون عنده 24 على 24 للمساعدة:
:هههههه اسعاف قدك ههههه كلك واجب يا زيدوه مع اني متأكد انك ملازمه 24 ع 24 لحرق اعصابه ولد عمي واعرفك .
زياد : افأ ياجهاد هذا ضنك فيني ليش انتم دايما ظالميني .
جهاد : ههههه ايه مظلوم اقول خليك من الكلام الزايد احد عندكم .
زياد : لا بس خالد وسارة بعد شوية جاين ليش ناوي تتغداء عندنا .
جهاد : ايوة عازم نفسي اليوم عندكم .
زياد : حياك الله ياوليدي هذي الساعة المباركة الي اتجي وتتغدي عندنا " ويحاول يسوي صوته مثل الرجاجيل الكبار"
ام الهيثم والهيثم وشيماء ميتين ضحك على زياد وحركاته جهاد وهو يضحك : هههههههه الله يحيك ياعمي بعد نص ساعة وانا عندكم باي .
زياد : باي . ويسكر لجوال ويكلمهم: يقول انه بيجي يتغدى عندنا.
ام الهيثم : حياه الله.
الهيثم : زياد دق على خالد كانه تأخر مو من عوايده.
زياد: اكيد سويرة مأخراته ادري عنها .
شيماء: خالد وسارة جاين عندنا .
زياد : ايش رايش وبعدين كأنه شيء جديد .
شيماء مدت بوزها زعلانه من اخوها
الهيثم : زيدووه البنت سألت سؤال بسيط والجواب يا ايوة او لا بس
زياد : انشالله عمي " ويناظر شيماء" ايوة حبيبتي سارة وخالد بيجون عندنا " وياخذ التيلفون ويتصل ع خالد سكر منه وناظر اخوه " يقول راح يجي بعد نص ساعة ومعه صديقه يريد يسلم عليك .
الهيثم : مين صديفه ما قالك ؟!
زياد : يقول بن صديق عمي .
الهيثم : متى ما جاء بنتعرف عليه .
شيماء : سارة ببتجي معاهم ؟
زياد ماد بوزه : لا يقول انها مرييضة مسكينة .
شيماء : لا حرام اريد اروح عندها " وراحت عند امها في المطبخ".
خرجت ام الهيثم من المطبخ ومعاها شيماء
ام الهيثم : ايش فيها سارة ؟
زياد بأسى: خالد يقول عندها حمى وانتي تعرفين الحمى بالنسبة لسارة ماتقوم من الفراش .
ام الهيثم : مسكينة هي كحة ماتتحملها كيف الحمى وهي حمتها دوم قوية مثل ماقلت يمه على الفراش الله يشفيها
|
|
|
|
|
|
|