..]] منتديات الحويرات [[.. - عرض مشاركة واحدة - آآحـس الـوورد لآآشمــة يميل وينثنــي شآآكــر

02-02-2012, 06:52 AM


	علامك جيت ياقلبي وراجع خاطرك مكسور أبد لاينكسر خاطرك دامه صاحبي جاير.. أبي تنسى مبادئنا وتنسى طبعنا المغرور وأبي الحين ترجع له وقله يطلب ويآمر.. وإذا جت عينك بعينه..أبي تشهد شهادة زور بأني مذنب ومخطي وقلبه ناسي وغافر.. وقله لااااا يخليني على حزني أبات شهور لأن الموت اشوا لي وأنا من طبعي مااكابر.. ولايفكر يقول أنسى وغيري فالبشر مذكور لأني ماخبر غيره..قسم بالله مو خابر.. أحس اللي خلق غيره خلق باقي البشر ديكور وأحس الورد لاشمه يميل وينثني شاكر.. حبيبي يابعد كل الحبايب والزمان يدور علامك ماتخاف الله تعال وشوفني..ناظر.. ترى قدرك بعيني صعب أحصره بغلا وشعور أبي باصبعك تأشر لي وأجيلك وقتها طاير.. ألا ياصاحبي القاسي بدونك هالحياة تغور ألا ياسبة جروحي ألا ياحظي العاثر.. أحبك يامنى عمري وغيرك يمسك الطابور أحبك يامولعني وأذوووب بصوتك الهايم.. أنا من كثر ماأحبك أحس اني معك مسحور فديتك خلني مسحور إذا تبقى لي الساحر.. تعال وخذني بكيفك قصيد ولو تبي جمهور فداك اللي قصدته أمس واللي بقصده باكر.. أمانه روح ياقلبي وأبي تضبط عليه الدور أمانه طير له تكفى وابي الحين ياشاطر.. أبيك تحب لي راسه وتنسى طبعنا المغرور ترانا اثنيننا والله بدونه نكسر الخاطر..