المشاركة الأصلية كتبت بواسطة امير الشوق

عدت والعود احمد
حياك الله بن عمي وولكموا باك

وعسى ان شاء الله تكون اسألتي ختام مسك للموضوع
لا ما شاء الله الاعضاء والعضوات ما قصروا جابوا اسئله عدله وراك

صرخة ندم استني اشوي الله يعافيك لسى ماشبعنا في الحوار مع ابن الحفر ..
هههههههه اي اشوفك إذا قابلتك حيل تقطع الحوار بس يلا نطالب من الاخت صرخة لو ما كان عندها مانع بهالفتره البسيطه وكل الشكر لها على مجهودها

عزيزي ابن الحفر استلم اسألتي ..

1- بما انك غير متزوج .. ماهي مواصفآت زوجة المستقبل التي تبحث عنها ؟
اولا التزامها الديني واخلاقها العاليه ايضا لابد من توفر الجمال والفرفشه والاشياء الاساسيه للزوجه

2- اذكر لنا قصة فلم اعجبك وبآت في مخيلك الى الآن ؟
ههههههههههه الافلام يابن عمي كثيره لكن في فلم قبل فتره شفته للاسف حاليا ما يحضرني الاسم لكن قصته تتكلم عن الاحداث اللي في باكستان بين طالبان والاستخبارات الامريكيه << سياسي بقوه هالفلم

3- ماذا تحب ان تشاهد في التلفزيون ؟
مشاهدتي للتلفزيون قليله إن لم تندر ولو جلست ع التلفزيون يا القنوات الاسلاميه او سبيستون مع اختي ^_^


نغير من الموضوع اشوي ونجي لأسألة المرح

4- مرة تهاوشت مع احد طق ومطاقق ههه >> اذكر لنا السآلفة بالتفصيل من طق طق الى السلام عليكم عليكم ؟ هع
هههههههه رجعتنا للمشاغبه يابن عمي بس يلا نقول لك هالسالفه وإن شاء الله ما اكون قلتها
هذا يا طويلين العمر مره كنت انا واخواني " 3 " وشباب من جماعتنا عند بيت اصحابي وكانوا جيرانهم مجتمعين شان ندخل في العنصريه الدينيه وينفتح موضوع المذاهب
المهم تسكر الموضوع بعد ملاسن من الطرفين وما امداهم دخلوا إلا يجي صاحبي ويشوووت حصاه على بيتهم ويطلعون لنا كلهم ولا امداهم طلعوا إلا صاحبي ينحاش مع اللي يصيرون له ويبقى برى انا واخواني *_* شان يجي واحد ويلخني ذاك الطراق المحترم واحنا 4 واهم 7 ويروح واحد ويلك اخوي اللي اصغر مني طراق ويعطيه اخوي طراق محترم انا شفته صارت كذا واشمر عن ساعدي وارفع ربع طابوقه وانتف اللي عطاني طراق في ضهره وانحاش وانا انحاش تذكرت اخواني وارجع ومعاي عجراء " مربوعه مخصصه للهواش " واطيح دبغ وطق في الاولي والتالي خصوصا اللي عطاني طراق همزت بدته بالمربوعه خليتها تمشي على جنابه وبعدين جاء الوالد وابو صاحبي يفرقون طبعا احنا اللي انطقينا من الولد طق عدل

5- اسأل نفسك سؤال وجآوب عليه ههه ؟
هههههه سؤال محشش يعني !!
مافي سؤال .. تعبت وانا ادور سؤال اسأل نفسي فيه

6- حكمة مقتنع فيها لكن مطنشها ومامرة طبقتها وش هي ههه
ضم فلوسك لليوم الاسود << حكمه خطيره
وكل مطفر ولا ريال عندي والسبب اني ما امسك نفس ولا الريال في مخباتي

هذي اسألتي واتمنى لك التوفييييق ياحلو وهالله هالله في الأجوبة