12-18-2011, 10:47 PM
|
#2
|
|
حويراتي جديد
|
في بيت بو خالد الساعة 12 بمنتصف الليل
احمد "بوخالد" اصغر خوانه المتزوجين متزوج فاطمة بنت عمه اخت زوجة اخوه محمد عنده خالد 22 سنة وسارة 19 سنة ومحمد 4 سنوات .
كانت في غرفتها منسدحة على السرير وتستمع لاغاني راشد الماجد تحاول تنام من الملل سارة وهي تكلم نفسها : اف والله ماهي عيشة هذي
قاطع تفكيرها نغمة "ياعمري انا فديتك انا" ؟؟ ..... كانت هذي نغمة تيلفونها المخصصة لانسان واحد فرحت لما سمعت النغمة وعلى طول قفزت من السرير و اخذت التيلفون بس قبل ما ترد بوزت وردت من غير نفس : الوو
: هلا بكل الحلا هلا بالغلا هلا بحبيبتي ونور عيني
سارة : اخلص ايش تريد
: افأ سارونة حبيبتي انا زيود حبيبش الي ... قاطعته
سارة : لا والله لك شهر مو مكلمني ولاتطمنت علي حية ولا ميته والحين جاي اتقول سارونة حبيبتي حبتك الجرادة قول امين .
زياد بصدمة :هههههه الله شهر مو كأني قبل يومين مكلمش وبعدين والله كنت مشغول مع ابوي انتي عارفة تجهيزات السفر عشان الرجعة .
سارة بفرح : صدق متى راح اترجعون والله اني مشتاقة لكم مووت
زياد: هههههههههه مو توك زعلانة خلاص رضيتي عشان الرجعة هههه ونحن بعد مشتاقيلش مووت
سارة لا مارضيت بس بما انكم بترجعون قريب راح افكر في الموضوع
زياد : هههههه يالله عاد بلا كلام زايد كيف حالك؟ وايش اخر اخبارك ؟
سارة:وشوي راح تبكي: والله ملانة ومشتاقة لكم كثير زيود انا تعبانة واجد وماحد حاس فيني. " وصارت تبكي "
زياد بخوف : سارة ايش فيش احد مزعلش مريضة وش فيش طمنيني .
سارة : لا بس نفسيتي تعبانة وااجد وملانة موووت اشتقت لأيام زمان لما كنا كلنا مع بعض ما نتفارق وماكنت اجلس في البيت دقيقة والحين انا وحيدة مقابلة هالاربع جدران .
زياد : والله ماعندش سالفة خوفتيني على بالي فيش شيء وطلع كله دلع صدق لما يقولوا عنش مدلعة .
سارة " وهي تبكي " : اقولك نفسيتي تعبانة اتقولي دلع حس فيني يا اخي والله ماحد حاس فيني اصلا كيف بتحس وانت مرتاح مع اصحابك ورحلاتك وسفراتك انت والخبل الي عندي ونسيتوني .
زياد بجدية : سارة أفا عليش انتي مين يقدر ينساش بس انتي قدري ظروفنا نحن كبرنا مو زي اول صارت لنا طلعات مع الشباب واشغال ثانية وعمرنا ما نسيناش والله وبعدين وين خالد وندى وبنات عمي وعمتي وخالي عنش؟
سارة : اسكت بس خالد صار له ثلاث ايام من يوم ماخلص الامتحانات في رحلة مع شلة الانس مالت عليهم واليوم المغرب وصل ونام وقبل شوي طلع كان مستعجل لوين مادري بس كأنه موعد مهم واتأخر عليه وبنات عمي وحدة مثل حال الثورة الي عنك والثانية عند خوالها اما بنت عمتي انت عارف علاقتي معاها والحمدلله راحت رحلة مع عمامها وماشفتها اما ندووش فديتها هي بعد بكرة راح اتخلص امتحانات .
زياد : الله يكون في عونش هههههههههه بس اريد اعرف ليش اختي ثورة وندوش لا وما ظن انه احترام لانها خالتنا .
سارة : لا مو احترام بس فديتها تتصل فيني وتعبرني اما الثورة اختك لا واريدك تقولها اني زعلانه منها واجد وانا من الصبح ادق عليها وما ترد.
زياد: هههههههه الله يهديش انتي عارفة عندها امتحانات وهي ثنوية لازم اتشد حيلها .
سارة: عارفة انها مصرية بس مو لهدرجة ماتلاقي ساعة اتكلمني فيها .
زياد: ههههههه والله انتي شكلش تريدين اتخربين اختي لانها مصرية وانتي يالله بالدفش نجحتي ههههههه.
سارة : تضحك علي حضرتك عارف ماكان مخربني غيرك 24 ساعة متصل وين وصلتي ايش رايش نتوقف هنا الحين راح يخلون كل المنهج ويجابون من هذا الفصل الاخير اكيد لا وانا اصدق كلامك .
زياد :هههه انتي اصلا ما صدقتي احد قالش هذي الكلام وعلى طول نفذتي الكلام ههههههه.
سارة : انا الهبلة يالدب يالله مع لاسلامة .
زياد : ههههههههههههه يالله يالكسلانة مع السلامة ههههه وتصبحين على خير .
سارة : وانت من اهله زيود .
زياد : هلا .
سارة : مكالمتك واجد ريحتني كنت واجد مشتاقتلك الله لا يحرمني منك .
زياد: ولا منك انشالله .وسكر التيلفون بعد ما سكرت سارة .
" سارة بنت دلوعة العيلة لانها البنت الوحيدة لابوخالد واكبر بنت في العيلة تحب الضحك حساسة هي حلوة مرة بشرتها بشرة اطفال بيضاء مثل الثلج بياضها مافي مثله في العيلة لها خدود تجنن شفايفها توتية منفوخة شوي بشكل حلو وفيها غمازات وعيونها عسلي تجذب كل من يشوفهم لهن لمعة خاصة ورموشها كانهم رموش صناعية شعرها كستنائي طويل حرير وهي قصيرة عمرها 19 تدرس في الكلية سنة اولى تصميم " .
انسدحت على السرير كانت مرتاحة من مكالمة ولد عمها وهي منسدحة وتغني مع راشد صارت تتذكر ايام زمان رجعت بها الذاكرة
قبل 8 سنوات
: ايش رايك ياخلووود؟
خالد منصدم: سويييييرة وش امسوية في عمرش لايكون ناوية اتخرجين بهذي الشكل
سارة : احم احم قولي ايش رايك مو ولد حليوو
خالد:ههههههه الا يشرد مليون قبيلة هههههه
سارة ومبوزة: الله يسامحك.
خالد : لاتزعلين الاملك جمال راح اترقمين اليوم مليون بنت .
سارة : ههههههههههههه هذي الكلام الزين .
خالد : بس من وين ليش هذي الثوب الي ع طولش لحظة لحظة ليكون ... تقاطعه
سارة: ايوة مين قصير فيكم مثلي غير زيوود.
خالد : ههههههههههههه وكيف قدرتي عليه.
سارة:هههههههههه هو اصلا ما يدري اني اخذته ولاداري عن شي.
خالد موفاهم شي: كيف يعني اخذتيه من غير اذنة يعني صرقتيه.
سارة مو انا الي اسرق بس مع عقلي المدبر عرفت كيف اجابه .
خالد: كيف ياصاحبة العقل المدبر ؟
سارة :هههه امس لما كان عندا كان لابسه وكان معي جلاس ماي ركضت عند عمي كاني اريد اكلمه عشان ماحد يلاحظ اني متعمدة بس وزيود عرف اني متعمدة بس مايدري ليش لما كبيت الموية عليةهههههههههه وامي قالت لزيوود المسكين ينزع القميص ويعطيه للخدامة عشان تغسلة ويلبس شي من عندك عرفت اشلون .
خالد:هههههههههههه مسكين عرفت الحين السالفة لما سألته ليش لابس ملابسي قال اختك الهبلة ان ماوريتها ههههه والله انش داهية وهذي وانتي صغيرة ايش بتسوين لما اتكبرين ماقول غير الله يعينا.
سارة :يالله عن كثر الكلام انا اليوم مو سارة انا اليوم احم احم (وهي اتحاول اتخشن صوتها) ريان .
خالد: ههههههههههههههههههههههه خلاص ما اقدر ارحميني هههههههههه بطني باموت دحوم هههههه.
سارة هههههههههههه ايش فيك وابي اروح عند عمامي اسوي فيهم مقلب وابي اروح عزيمة الهيثم بهذي اللبس .
خالد : اتسوين في عيال عمي مقلب الحين اوكي بس اتحضرين العزيمة لااا لا واكيد امي ماراح ترضى .
سارة بدلع : خلوووووود حبيبي ارجو وووووووك وماحد راح يعرفني.
خالد: لاوالله ماحد راح يعرفش غبين منش .
سارة : باسوي معاك اتفاق موافق
خالد: عطيني الاتفاق وبافكر في الامر.
سارة اذا عيال عمي مرت عليهم ساعتين وماعرفوني باروح العزيمة بهذي اللبس انزين.
خالد: سويرة انتي من صدقش تبين اتروحين بهذي اللبس؟!!!
سارة :وهي اتهز راسها بفرحة: ايه قولهم صديق جديد ماتبي اتشوف اشكالهم لما يشوفوني .
خالد: هههههههههه أكيد أبي أشوفهم ماحد يفوت فرصة مثل هذي مع اني متأكد انهم راح يعرفونش بس ابي اشوف اشكالهم لما يشوفونش خاصة الهيثم الي ينقهر من حركاتش ههههههه بس ابي اسألش امي ولا ابوي شافوش ؟
سارة : لا اخاف امي اتشوفني اتسويلي سالفة ابيك اذا شافاتني اتقول لها انك انت طالب مني اسوي كذا اوكي !
خالد : لا بالله رحت فيها بس انشالله ماتشوفنا وان شافتنا اتشوفنا ويا ابوي لانك عارفة ابوي راح يقولها عادي خليهم على كيفهم البنت لساتها صغيرة وبلا وبلا كلام ابوي المعهود .
سارة : ياحليلة ابوي ماحد فاهم مثله .
خالد: والله ماحد مخربش الا ابوي بدلعة الزايد لش .
سارة : اصلا انت اتغار لانه يدلعني اكثر منك .
خالد : ومين قال انه يدلعش اكثر بس كل واحد دلعه غيــــــــــر .
سارة: ايه صدقت.
خالد: سوير راح اتصدقين ولا اخرب عليش اليوم .
سارة بانفعال: لالالالالا ارجوك خلوود الله يخليك .
خالد: هههههههههههه عيل ياالله امشي قدامي.
نزلوا من الدرج وما سمعوا أي صوت يدل على وجود احد في الصالة ناظروا يمين شمال مافي احد
سارة بتنهيدة: الحمدلله ما في احد يالله خلود بسرعة نطلع
خالد: يالله .
لما طلعوا برى كانت الصدمة شافوا ابوهم جالس في حديقة البيت وشافهم
ابو خالد : ها ياعيال وين رايحين من دون ماتسلمون
خالد : هلا يبا مادرينا انك جالس هني السموحة وراح يحب على راسه.
سارة كانت مترددة تقرب منه
ابو خالد بابتسامة : خالد نادي على صاحبك .
خالد طالع في ابوه مصدوم ويقول في خاطرة معقولة ما عرفها والله راح تنتصر علي شكلها : انشالله يبى خالد وهو ينادي ويبي يضحك على شكل اخته س.. اااه .. ريان تعال سلم على ابوي .
ابوخالد : هلا بوليدي حياك الله
سارة : وتسلم ع ابوها : الحمدلله يب.. ياعمي انت كيف حالك .
ابو خالد بابتسامه :الحمدلله بس لو تخشنين صوتش اشوي والله لتكوني احلى شب ياحبيبتي ههههههههه
خالد : هههههههههههههه انا قد قلت ماراح اتعدي عليك الحيلة هههههههههههه
سارة بخيبة : يبا كيف عرفتني
ابو خالد : وهل يخفى القمر هههههه وضمها وباسها على خدودها الي يموت فيهن .
سارة : بدلع اكيد لا
خالد : احم احم نحن هنا عبرونا شوي لا اروح واخليكم .
سارة : حلوة اتروح واتخليني انا رجلي على رجلك .
أبو خالد : على وين رايحين ؟
خالد : يبه رايحين بيت عمي محمد .
|
|
|
|
|
|
|