..]] منتديات الحويرات [[.. - يامن يبلغ حبايب قلبي عتتتتابي

ويقول : مبطـي قليبـك ماعـوى ذيبـه

قلت : انت يا عمري الباقي مـن احبابـي
شيطان ... لكن جمعت الحـب والطيبـه

ماغيرك اللي نشد عـن ساعـة غيابـي
وان شاف زولي عقب غيبـه يهلّـي بـه

يـا مـن يبلّـغ حبايـب قلبـي عتابـي
وراهـم أركـوا علـى الآمـال بالخيبـه

كانوا لي اقـرب مـن عيونـي لأهدابـي
واليوم يـا بعدهـم والبعـد مالـي بـه

حبيـب يلعـب علّـي ويبيّـع ثيـابـي
ولا .. لحالـي أودّي الـهـمّ وآجيـبـه

عشرة مصالح ثمنهـا راحـة اعصابـي
دفعتهـا واجرهـا لـي ثــمّ للشيـبـه

دفعة بلا والعوض في شوفـة اصحابـي
قـروم ربـع لهـم قـدر ولهـم هيـبـه

ابعدهـم العـانـي وباقيـهـم اقـرابـي
والاّ البعيد ان زعـل ضاعـت مواجيبـه

قد قيل في ما مضى .. حكمـه لأعرابـي
( من عاشر الذيـب لايامـن مخاليبـه )

إمن أولٍ يا كثـر ماهـو ضحـك نابـي
واليوم موتي ظما اهون لي مـن الريبـه

ومن اول الطيش يرقد بي ويصحـا بـي
واليوم راكـد ولـو شـقّ العقـل جيبـه

كبيـر لكـن سكّنـي .. قلـب متصابـي
ماهمني الوقـت لـو صـوّب معاطيبـه

شاعر وعنـوان عمـري يشـرح كتابـي
واللي قراني غلط .. وش عاد اسوّي به !!!