..]] منتديات الحويرات [[..

..]] منتديات الحويرات [[.. (https://www.hwerat.biz/forums//index.php)
-   ][ ... الرف الأدبي ... ][ (https://www.hwerat.biz/forums//forumdisplay.php?f=85)
-   -   ياليت آنا معآه اللي ركبنآآ في سفينة نوح ♥♥ (https://www.hwerat.biz/forums//showthread.php?t=27789)

أميرة الورد 08-26-2012 10:52 AM

ياليت آنا معآه اللي ركبنآآ في سفينة نوح ♥♥
 

يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله


أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!


ياليت آنا معاه اللي ركبنا في سفينة نوح
محد يقدر يفرّقنا .. لا عمـّي ،، و لا خاله


رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله


تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله


و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له


ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله


كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله


أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !


لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!


و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله


شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله


و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !


في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله


من الله حبّه بقلبي ،، حشى مالي ترى مصلوح
عسى يكبر و يذكرني .. و يسمّي بـ ( اسمي ) عياله


دموع الورد 08-27-2012 06:00 AM


حروف تتوهج

في عالم الابداع


في عالم الروعة والجمال

حلقت احاسيسي نحوهاا

فلم تجد ما يليق بمقامها

كوكب من الروعة

قد اشرق

كل تلهف لقراءة المزيد
يشرفني ان اكون اول من يعانق بوح قلبكِ لانثر اعجابي فسلمتِ يمينا نثرتِ فابدعتِ
مررت من هنا فزرعت احرفي
دمتي ودام قلمكِ
تحياتي
دمووع الوورد






صرخة ندم 08-27-2012 07:15 AM


ملكة الذوق : اميرة الورد شكرا بحجم السماء والارض

ما اجمل هذه الاحاسيس


كلمات تعانق الوجدان بلا استأذان

حروف هامسه تراقص العشق على انغامها


عزيزتي اميرة الورد

لجمال هذا المتصفح لم استطع اقتباس بيت منه او اثنان


فهو بكامله يستحق الاقتباس والوقوف عند كل همسه فيه


دمتِ كالورده الجوريه


صےـر خےـة نےدمے


طارق بن زياد 08-29-2012 07:22 AM

قصيــــــــــــدة رائعة بمعنى الكلمة

نقل رائع واختيـــار موفق

دمتِ بهــذا العطـــاء

عاشقة الحسين 09-14-2012 01:05 PM

يعطيك العافية


الساعة الآن 03:16 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi